金守拙

金守拙
原文名	George Alexander Kennedy
出世	1901年5月17號 大清 浙江 莫干山
死	1960年8月15號 海上
國籍	美國
職業	漢學家

金守拙（粵拼：gam1 sau2 zyut3；英文：George Alexander Kennedy；1901年5月17號—1960年8月15號）係美國嘅漢學學者。佢知名於喺美國所做嘅中文教育同中文書面文法嘅研究。

生平同業績

金守拙嘅父母都係基督新教嘅傳教士，金守拙出生喺浙江省莫干山嘅教會（如今湖州市嘅一部分），喺塘棲鎮（如今杭州市餘杭區嘅一部分）養育大。從上海美童公學畢業後，第年嘅1918年過美國，入學烏斯特學院。畢業後去咗匹茲堡嘅西方神學院同埋紐約嘅協和神學院，去學神學，但喺1925年中途退學。

1926年又再返來中國，喺上海教英文同中文。喺1932年入柏林大學，去學中文同日文，佢嘅博士論文係有關唐律中自首嘅角色作用（艾利希·希尼舒指導）。佢返咗美國後，1937年正式攞得博士學位。

歸國後佢喺美國國會圖書館做嘢，參加咗《清代名人傳略》嘅執筆。1935年佢獲得耶魯大學嘅中文學、文學講師嘅職位。喺1938年做咗教授，直到過世都做呢個職位。喺耶魯，佢跟住愛德華·薩丕爾、李奧拿德·布隆菲德學語言學。

太平洋戰爭開始咗時，耶魯大學成咗爲軍事目的而做嘅外國語短期教育中心，金守拙擔當中文同日文嘅集中教育。爲咗呢個目的，金守拙自己設計咗一套中文羅馬字嘅表記法（耶魯拼音羅馬字），用佢作咗教材。耶魯式拼音喺戰後亦長時間喺美國用喺中文教育上。

戰後嘅1948年，北京大學迎佢做客座教授，但因爲國共內戰而中斷，最後歸國。

學術上，佢有名在於佢嗰啲關於中文書面文法嘅論文，佢嘅研究涉及咗中文嘅他動詞同自動詞（及物唔及物）嘅區別、否定辭、代名詞（我、吾）等。另外佢認爲講中文係單音節語言係種迷信，佢提嘅學說話從古代到現代中文都從來唔會係單音節語。論文集喺佢死後嘅1964年由耶魯大學出版。

• 李田意（編）。《Selected Works of George A. Kennedy》。紐黑文：耶魯大學。

喺1959年，佢得到古根咸嘅獎金，去咗京都大學人文科學研究所搞研究，從日本歸美國嘅船中，因爲心臟病發作而過身。

出面網頁

• E Bruce Brooks (2009年1月24號)。〈Sinological Profiles: George A Kennedy（漢學檔案：金守拙）〉。《麻省大學阿默斯特分校》。喺2018年4月8號搵到。
• 〈Gallery of Philologists: George A Kennedy（哲學家相簿：金守拙）〉。《哲學家相簿》。2005年12月1號。喺2018年4月8號搵到。
• 〈將塘棲話介紹給西方的語言學家漢學家——金守拙〉。《餘杭史誌網》。2014年10月13號。喺2018年4月8號搵到。