鈍葉酸模

成樖

紅莖

鈍葉酸模，草一種，多年生有花，生物分類歸蓼科酸模屬。原生歐洲，之不過各大洲溫帶都搵到。有地方種來食，沙律菜咁食，菜湯咁食，葉煮到菠菜咁食，土耳其東歐卷住餡來食，種籽曬乾磨粉當麪粉，根煮滾可以當茶飲。亦有地方睇成雜草，至惡嗰種雜草，入侵物種 。皆因佢籽多，散得遠，根好惡，深而闊，惡劣氣候地酸都忍得到。按特徵有唔同睇法，有話佢味苦，有話佢葉闊，有話佢葉鈍。

話則種來食，啲菜唔可食太多，話佢草酸重，食過多有害。英國等地用來治異株蕁麻刺，刺到出疹同痕。蕁麻生附近就有佢。用佢啲葉榨到少少汁，㩒患處。一說異株蕁麻注組織胺入皮，鈍葉酸模有抗組織胺舒緩。

成樖生到四十到百五厘米高。主根深米半，多橫支。條莖好硬，紅色。葉身闊而葉尖鈍，葉邊少少曲有時成波浪，大到三十厘米長，十五厘米闊。花細唔顯眼，花期西曆六月到九月。

種籽唔易壞，五十年內都可以發芽。

上面斬咗，可以由主根生翻成樖。要根治就將主根上部，十二到十五厘米去除。