陳蒨葶

出自維基百科,自由嘅百科全書

陳蒨葶英文Sammi Chan1985年10月30號—),原名陳慧婷,係香港前女歌手,2010年用藝名葉慧婷出道。佢自2020年轉行做地產經紀,2022年因為用浴巾包住個身拍片介紹樓盤嘅浴室而出名。

簡歷[編輯]

陳蒨葶2010年用藝名葉慧婷加入香港樂壇,頭一張個人EP《新一天》喺2011年4月推出,喺嗰年新城勁爆頒獎禮攞到「新城勁爆新登場女歌手」,第二年再攞到「新城勁爆躍進歌手」。不過佢之後逐漸淡出樂壇。

因為佢係民建聯陳鑑林嘅姪女,佢一度投身政壇,2019年曾經代表建制陣營地區組織「麗晶動力」參選區議會選舉觀塘區麗晶選區,但落選。在麗晶花園成立居民組織業主立案法團時,聯合前區議員潘進源加以阻撓。2020年7月佢考到地產代理牌,加入中原地產,再轉投利嘉閣,做高級客戶經理。

2022年8月,陳蒨葶拍咗條介紹啟德新樓盤「尚.珒溋」嘅短片,片中佢用浴巾包住個身坐喺浴缸度,介紹樓盤嘅浴室,因為行為出位,引起網上迴響,結果條片被安排落架[1]。之後利嘉閣發表回應,話片入面見唔到有任何不雅地方,條片亦經賣方確認同意,而將條片落架係避免同事受網絡欺凌[2]

2023年,陳蒨葶參加無綫電視嘅歌唱比賽《中年好聲音2》。

參考[編輯]