黃宜坳

出自維基百科,自由嘅百科全書
(由雍宜小築跳轉過嚟)
黃宜坳全景

黃宜坳英文Wong Yi Au,舊Wong Ye Au),又寫黃宜凹(凹讀坳),係香港,亦係。佢喺大埔墟大埔滘之間,喺元洲仔以西一個山腰度,有大埔公路(元洲仔段)可達。

而黃宜坳又分爲上下。上黃宜坳(英文Sheung Wong Yi Au,舊Sheung Wong Ye Au),又寫做上黃宜凹,喺南便,地勢高啲。下黃宜坳英文Ha Wong Yi Au,舊Ha Wong Ye Au),又寫下黃宜凹,喺北面,地勢低啲。而坳東一帶,,舊時唔少係村民嘅地,所以都叫黃宜坳。

村歸翕和鄉,屬大埔鄉事委員會

地理[編輯]

黃宜坳喺草山以北,其中一山脊末端。脊喺大埔河大埔海之間,脊向北近尾有座山,高二百八十幾米。脊再向北行,近𡰪位處有幾個山頭,山頭之間嘅凹位,即係坳,就係黃宜坳。南面,高啲嗰個坳,就叫上黃宜坳,而北面,低啲嗰個,就叫下黃宜坳。坳東對住大埔海,坳西對住大埔河。坳東谷地,係居民嘅地,有幾條流入大埔海,之不過家下起得多屋,都變成暗渠,涌流面目全非。黃宜坳東谷底,舊時係岸,臨大埔海,對住元洲仔,同大埔河匯合,之不過,呢帶都填晒海,變成大馬路。

下黃宜坳嘅西北面,係運頭塘,西面係山塘。上黃宜坳嘅西面係荔枝山

[編輯]

上下兩坳都各自有村,叫上黃宜坳村下黃宜坳村,而下黃宜坳村比較發達,就咁叫黃宜坳村。兩村都係大清時,英國未租借新界就有,都係陳氏。上下黃宜坳都喺坳嘅東面,對住大埔海。除咗舊村之外,有啲村地賣咗畀地產商起屋,所以呢帶有皇悅居(Marvelous Villa)、雍宜小築(Chateau De Mansion)、雍怡雅苑(Chateau Royale)、御弘居(Riverain Bayside)。

另外大埔公路以東,近火車路美援新村(C.A.R.E. New Village或者CARE Village),係條漁民村,由美國經援會所建。村民原本都係漁民,喺1960年代中到1970年代,佢哋住嘅船艇,打風打壞咗,所以就搬入村。村有屋約莫百一間,住咗八百人左右,而每間屋約二百到四百平方呎。村由大埔漁民改善生活有限責任合作社負責。村地係香港政府批畀合作社用,按土地牌照方式[1][2]

特別嘅屋[編輯]

白屋

下黃宜坳村北面𡰪𡰪,有間白屋,叫崇德家福軒(Zonta White House),係香港家庭福利會嘅家庭退修中心

[編輯]

黃宜坳有大埔公路,係出入呢帶嘅主要通道,有啲巴士小巴經呢度。山腳有九廣鐵路(港鐵東鐵綫)嘅火車路,同埋吐露港公路。之不過公路同火車路同民居分隔,車唔會停黃宜坳上落。

而大埔公路入村,有黃宜坳路雍宜路

學校[編輯]

黃宜坳得間中學,叫靈糧堂劉梅軒中學,喺雍宜路盡頭,雍宜雅園側邊。

[編輯]

  1. .
  2. .