離散事件模擬

離散事件模擬（discrete event simulation，DES）係電腦模擬嘅一種，指將模擬緊嗰個系統想像成喺離散時間（$t_{1},t_{2},t_{3},...$）當中存在嘅一連串事件；每件事件都會喺某個時間點發生，並且引起個系統嘅狀態 $s$ 變化（某啲變數嘅數值變），而且呢啲模型通常都假設咗個系統喺事件之間嘅時間內唔會起乜嘢變化。

大自然當中嘅系統好少可會話「冇事件發生就企喺度唔郁」，不過離散事件模擬喺工程學同商學就頗為常用－呢啲領域成日會接觸一啲人造嘅系統，例如係用離散事件模擬一間銀行嘅變化，當中會影響間銀行嘅狀態嘅事件包括「客人 ${\text{A}}$ 出現」同「客人 ${\text{B}}$ 出現」呀噉。