靈職議員

靈職議員(英文：Lords Spiritual)係英國上議院嘅一類議員。佢嘅代表具國教地位嘅英倫聖公會。靈職議員嘅相對係世俗議員。

上議院總共有26個位畀靈職議員，全部都係聖公會主教。英格蘭五大教區（根德伯里、約克、倫敦、對衡、溫車士打）嘅主教係當然議員。另外21個議員就由英倫聖公會代表英格蘭本土嘅35個主教當中年資出深嗰21個出任。英倫聖公會其實有42個主教，不過淨返嗰兩個主教嘅教區分別係曼島同埋歐洲大陸，唔屬於英國本土，所以嗰兩個主教唔會做議員，之但係曼島主教又會列席靈職議員嘅會議。

靈職議員唔代表任何黨，但係佢嘅喺上議院議事廳開會時，慣例會坐政府嗰邊，而唔係同其他無黨籍嘅中立議員(crossbencher)一齊坐。不過佢哋投票時唔需要聽政府同執政黨支笛。