非洲豬瘟

非洲豬瘟（英文：African swine fever）係種豬嘅傳染病，由非洲豬瘟病毒（英文：African swine fever virus，ASFV）引起嘅，不過同典型嘅豬瘟無任何關係。呢隻病20世紀頭喺非洲肯雅首先被發現，疫情初頭只係喺非洲大陸，但之後陸續擴散，1957年歐洲開始有病例，2007年擴散到俄羅斯，2018年擴散到中國大陸。

流行病學

非洲豬瘟病毒科病毒喺20世紀初肯雅被首次發現。疫情由非洲大陸，散播至南歐、加勒比群島^[1]^[2]。2007年進入格魯吉亞，蔓延到俄羅斯，2018年散播至中國。2018年7至8月^[3]。

由於非洲豬瘟會破壞豬嘅免疫系統，同人類感染愛滋病差唔多，兼且冇得醫又冇疫苗，有媒體將非洲豬瘟形容為愛滋病^[4]。

爆發

中國

2018年8月，非洲豬瘟喺中國爆發。

2019年4月開始，中國豬肉價錢猛咁飆。中國農業部8月23號公佈數據，豬肉批發價格比前一個月升咗26%，要成30.79元一公斤。福建省莆田市推出措施，喺國營平價商店有得限量買豬肉，每人憑身份證限買2公斤。有人質疑中國係咪倒退返去毛澤東治下乜鬼都冇窮到燶嘅票證時代。^[5] 中國官員話，豬肉升價主要係受非洲豬瘟影響。但亦同愈演愈烈嘅美中貿易戰密不可分。2月到5月，中國買家總共撻咗4513噸美國豬肉訂單。要到8月初，先恢復採購12000噸美國豬肉。中國收緊美國豬肉62%嘅關稅。

另類理論

1986年，醫學界《刺針》（The Lancet）發表報告，提出愛滋病同非洲豬瘟存有爭議性巧合。雖然愛滋病係種由HIV病毒針對人嘅傳染病，而非洲豬瘟由「非洲豬瘟病毒」引起，現時只係針對豬。不過，現代醫學將兩者本質列為「明顯差別而並無關聯」^[6]。

參考

↑ 引用錯誤無效嘅<ref>標籤；無文字提供畀叫做ICTVReport嘅參照
↑ 引用錯誤無效嘅<ref>標籤；無文字提供畀叫做ViralZone嘅參照
↑ 〈豚コレラ、最初の感染は岐阜市椿洞のイノシシか〉。《岐阜新聞Web》 (日文)。原著喺2018-12-20歸檔。喺2018-12-20搵到。
↑ 〈豬的愛滋病毒！專家憂非洲豬瘟入侵恐將動搖國本〉。《中時電子報》。2018年12月22日。（臺灣正體）
↑ 〈無肉不歡的日子沒了貿易戰陰影下中國豬肉價格飆升〉。《美國之音》。原著喺2019-08-27歸檔。喺2019-08-27搵到。
↑ Feorino, P.; Schable, G.; Schochetman, G.; Jaffe, H.; Curran, J.; Witte, J.; Hess, W. (1986). "Aids and African Swine Fever Virus". The Lancet. 328 (8510): 815. doi:10.1016/S0140-6736(86)90339-9.

出面網頁

呢篇同醫學相關係楔位文。歡迎幫維基百科擴寫佢。

[ICTVReport-1] 引用錯誤無效嘅<ref>標籤；無文字提供畀叫做ICTVReport嘅參照

[ViralZone-2] 引用錯誤無效嘅<ref>標籤；無文字提供畀叫做ViralZone嘅參照

[3] 〈豚コレラ、最初の感染は岐阜市椿洞のイノシシか〉。《岐阜新聞Web》 (日文)。原著喺2018-12-20歸檔。喺2018-12-20搵到。

[4] 〈豬的愛滋病毒！專家憂非洲豬瘟入侵恐將動搖國本〉。《中時電子報》。2018年12月22日。（臺灣正體）

[5] 〈無肉不歡的日子沒了貿易戰陰影下中國豬肉價格飆升〉。《美國之音》。原著喺2019-08-27歸檔。喺2019-08-27搵到。

[6] Feorino, P.; Schable, G.; Schochetman, G.; Jaffe, H.; Curran, J.; Witte, J.; Hess, W. (1986). "Aids and African Swine Fever Virus". The Lancet. 328 (8510): 815. doi:10.1016/S0140-6736(86)90339-9.

[1]

[2]

[3]

[4]

[5]

[6]