香港公開考試一覽

呢篇係香港公開考試一覽。呢度所講嘅「公開考試」，係指任何人都報得嘅考試（雖然可能會受特定條件限制，例如年齡同學歷），考生唔需要係某間學校嘅學生或者修讀緊某個課程。換言之，公開考試接受自修生報考。另外，呢篇一覽只係會列出由香港嘅機構主辦嘅公開考試，而唔會列出嗰啲喺香港舉辦，但係由外地機構營辦嘅考試。例如話，雖然喺香港有得考IELTS，但係因為呢個試唔係有香港嘅機構主辦，所以就唔會喺呢度列出，但你可以喺英國公開考試一覽搵到佢。

大學入學考試

内文：香港中學文憑考試

香港中學文憑考試（英文：Hong Kong Diploma of Secondary Education Examination，縮寫：HKDSE）係目前唯一一個由香港嘅機構主辦嘅公開大學入學考試，由香港考試及評核局舉辦，2012年係第一屆，取代咗以前嘅香港中學會考同香港高級程度會考作為大學入學考試嘅功能。

語言考試

• 香港語言學學會粵音朗讀測試

職業考試

• 教師語文能力評核（英文：Language Proficiency Assessment for Teachers，縮寫：LPAT），由香港考試及評核局同教育局合辦。
• 綜合招聘考試（英文：Common Recruitment Examination，縮寫：CRE），由公務員事務局舉辦，主要用嚟投考香港公務員。
• 保險中介人資格考試，由保險業監管局委託職業訓練局舉辦。
• 強制性公積金計劃考試。
• 槓桿式外匯交易考試。
• 保安護衛員技能測試。
• 香港特別行政區政府機電工程署B級電業工程人員註冊考試。
• 香港特別行政區政府機電工程署C級電業工程人員註冊考試。
• 地產代理資格考試（俗稱大牌或E牌），由地產代理監管局舉辦。
• 地產營業員資格考試（俗稱細牌或S牌），由地產代理監管局舉辦。

經已停辦嘅考試

• 香港中學會考（英文：Hong Kong Certificate of Education Examination，縮寫「HKCEE」），1974至2010年由香港考試及評核局（2002年前叫做「香港考試局」）舉辦，一般係中五學生升讀預科嘅時候考。
  • 前身包括香港中學畢業會考（Hong Kong School Leaving Certificate Examination，1946–1961）、香港英文中學畢業會考（Hong Kong English School Leaving Certificate Examination，縮寫「HKESCE」，1946–1961）、香港中文中學高中畢業會考（Hong Kong Chinese School Leaving Certificate Examination，縮寫「HKCSCE」，1946–1967）、香港中文中學高中畢業會考（Hong Kong Chinese School Leaving Certificate Examination，縮寫「HKCSCE」，1952–1967）、香港英文中學會考（Hong Kong Certificate of Education Examination (English)，1968–1973）同埋香港中文中學會考（Hong Kong Certificate of Education Examination (Chinese)，1968–1973）。
• 香港高級程度會考（英文：Hong Kong Advanced Level Examination，縮寫「HKALE」），1980至2012年由香港考試及評核局舉辦，一般係中七學生升讀大學嘅時候考。
• 香港高等程度會考（英文：Hong Kong Higher Level Examination，縮寫「HKHLE」），1979至1992年由香港考試局舉辦，一般係中六學生升讀大學嘅時候考，當時香港中文大學行緊四年制，所以比行三年制嘅香港大學早一年招收學生。

升學統一考試

香港以往因為學額不足，設立過一啲用嚟分配學位嘅統一考試。呢啲考試雖然只係畀學校考生報考，不過一般都係叫做「公開試」：

• 香港小學六年級會考（簡稱「小學會考」，英文：The Joint Primary 6 Examination），1949至1961年由香港教育司署舉辦。
• 香港中學入學試（簡稱「升中試」，英文：The Secondary Schools Entrance Examination），1962至1977年由香港教育司署舉辦，取代咗小學會考。
• 香港學業能力測驗（簡稱「學能測驗」，英文：Hong Kong Academic Aptitude Test，縮寫：HKAAT），1978至2000年由香港教育局舉辦，作為新嘅中學學位分配辦法嘅一部份取代咗升中試。
• 香港初中成績評核試（又稱「中三評核試」、「中三淘汰試」，英文：Junior Secondary Education Assessment），1981至1987年由香港教育司署舉辦，之後隨住高中學位嘅增多而取消。