香港共產黨

出自維基百科,自由嘅百科全書
跳去導覽 跳去搵嘢

香港共產黨(港共)係一個喺2018年9月10號開設嘅Facebook專頁,自稱係「支持」中國共產黨中共總書記習近平同埋佢嘅思想,亦支持廢除《基本法》第5條,喺香港共產主義同搞社會主義制度,又話唔排除用武力起義達到目的。直至同年9月26號,有超過1萬人讚好呢個專頁[1]

香港特別行政區不實行社會主義制度和政策,保持原有的資本主義制度和生活方式,五十年不變。
——《香港基本法》第五條

組黨[編輯]

2018年9月24號,香港政府喺憲報刊登公告,正式將支持香港獨立香港民族黨列為非法組織同禁止佢喺香港運作或者繼續運作。同一日,香港共產黨去信保安局長,通告香港共產黨籌組成立事宜,又表示如果保安局冇作出回應,就被視為當局唔反對香港共產黨成立,信入面寫[2][3]

「黨宗旨與中國共產黨先賢建黨之初思齊,因此將積極嘗試建立武裝,不排除武力起義,並為求實現香港推行共產主義,施行社會主義制度,我黨將堅決反對香港基本法有關實行資本主義制度的條文……因《習近平思想》已宣示對本港的『全面管治權』,我黨為之呼應,初步將透過本地各級的選舉發展力量,因此我黨容許黨員暫時宣誓效忠香港基本法,直至共產主義社會在本地實現為止」。

呢封信喺Facebook專頁上面發佈之後,喺同月25號獲得超過8000個反應同過千個分享[3],保安局喺回覆傳媒查詢嗰陣只係表示有關社團嘅事宜會按《社團條例》處理[4]

政圈入面有消息話,香港共產黨計劃邀請香港民族黨召集人陳浩天做黨嘅首任總書記[5]

睇埋[編輯]

參考[編輯]

  1. "「香港共產黨」的成立,是另闢蹊徑的抗爭,還是作繭自縛?". 端媒體. 2018-09-26.
  2. 安德烈 (2018-09-25). "香港民族黨遭禁 香港共產黨殺出". 法國國際廣播電台.
  3. 3.0 3.1 "「香港共產黨」通知保安局創黨 稱效法中共武力起義". 立場新聞. 2018-09-25.
  4. "香港共產黨」成立 不排除武力起義". am730. 2018-09-26.
  5. 陳浩天做總書記? "香港共產黨參選 陳浩天做總書記?". 香港經濟日報. 2018-09-25.