香港節

出自維基百科,自由嘅百科全書
Jump to navigation Jump to search

香港節香港政府喺1969年、1971年同1973年喺香港舉辦嘅大型慶祝活動,係香港開埠以嚟嘅首次同類活動。

起因[編輯]

香港政府舉辦香港節嘅主要目的,係由於1960年代香港經歷文化大革命引發六七暴動,香港政府需要疏導民怨同安撫民心,加強香港班後生對香港嘅歸屬感,重希望可以營造出歌舞昇平嘅氣氛。早喺1966年爆發天星小輪加價事件之後,港府喺1967年發表《九龍騷動調查委員會報告書》,建議提出「要利用青少年活動疏導青少年過剩嘅精力,作為預防社會騷動方法之一」。1968年,香港政府成立一個指導委員會,研究為香港安排一星期嘅娛樂嘅可行性。1969年初,委員會獲撥款200萬港元籌辦香港節。

內容[編輯]

1969年12月6至15號,籌備超過7個月、耗資400萬港元嘅第一屆香港節正式舉行,响香港各地提供各式各樣嘅活動,參與人次超過500,000,當中重包括唔少外地遊客。一系列嘅活動以中國文化傳統為主題,性質主要係文娛康樂活動,重包括郵票、古董、書畫同花卉等展覽,亦有軍操表演、嘉年華會、舞會、時裝表演、歌唱比賽、環島競步同選美比賽等節目。亮燈儀式1969年12月9號喺尖沙咀舉行,彌敦道上演花車巡遊。1973年又製造極少量香港節紀念銀章,雙龍襯托維港同尖沙咀鐘樓景色,背面有香港節徽號。現時只有部分重存世,非常罕有。

結果[編輯]

其後香港節喺1971年同1973年搞多兩屆,但規模細過第一屆,市民嘅踴躍程度亦大為減低。加上港府認為香港節已經達到佢嘅成效,故此之後就再冇舉辦。