香港親中派暴力行徑爭議

香港親中派支持者，特別係嚟自激進派系嘅，都有暴力襲擊持唔同政見人士，甚至係記者嘅歷史。英屬香港時期，工聯會就曾經發動六七暴動嘗試奪權，而主權移交後，有啲親中派支持者會喺示威活動期間民主派支持者，甚至係襲擊記者（特別係一啲立場同佢哋相左嘅）。呢啲行為引起社會上一啲批評，但有時呢啲人就被指得到香港警察嘅保護，亦因為咁警察備受一啲批評。

六七暴動

内文：六七暴動

六七暴動由香港工委、新華社香港分社聯同港共團體喺香港發動，暴亂喺1967年5月6號開始，其後發生連串騷亂及恐怖襲擊事件，持續咗七個月至1967年12月，後嚟以年份命名事件叫做「六七暴動」。六七暴動喺香港史上最大鑊嘅社會動亂之一，死亡人數第二多。暴動嘅主要成因喺中國大陸嘅文化大革命外延，同埋1966年一二·三事件澳門親共團體成功從澳葡政府奪權，仲肅清埋國民黨喺澳門嘅勢力，中共於是乎想將澳門發生嘅一二·三事件複製到香港，並且利用文化大革命高漲嘅極左情緒發動港共份子顛覆港英政府。

左派團體以文革武鬥嘅思維鼓吹左派人士採取激烈手段鬥垮港府，7月展開街頭炸彈襲擊浪潮，亦即所謂嘅「遍地菠蘿」（意思喺周圍放炸彈，菠蘿喺土製炸彈喺香港嘅代稱），連串無差別嘅炸彈襲擊對普羅大眾構成咗相當嚴重嘅性命威脅，香港市民更從中領悟到共產黨嘅可怕，共產黨發起哩場暴動不但未能動搖港英政府嘅管治，反而促使香港市民比以前擁護殖民地政府，而中共同港共就盡失民心，暴動喺同年12月基本結束，港英政府喺平息暴動後自我檢討同改善施政，1970年代香港經濟快速增長，提升咗殖民地政府嘅聲望，相反港共喺香港主流社會一度陷入邊緣化，即使喺1997年香港主權移交後，港共依然未能擺脫六七暴動嘅負面形象，所以哩場暴動對二十世紀後期以至主權移交後嘅香港社會同埋經濟發展路向，都有著深遠嘅影響。

香港主權移交後

接近香港主權移交以及初期，親中派嘅激進行為一度有所收斂，但隨著雨傘革命，香港社會兩極化，越來越多親中派採取激進方式表達意見，甚至係襲擊記者同民主派人士，呢個情況喺雨傘革命同反送中運動期間特別常見。

喺2014年10月25號，當時香港正值雨傘革命，以李偲嫣為主要成員嘅三個反佔領團體，包括「藍絲帶運動」、「撐警大聯盟」同埋「正義聯盟」喺度舉行集會，痛批佔領行動同支持警方執法，期間有人因為報導篇幅問題襲擊採訪記者，香港電台新聞部女記者王詠妍、無綫新聞記者冼志同埋攝影師。王詠妍仲被藍絲帶暴徒踢中腰同腳，港台工會、無綫、港台、記協、攝影記者協會同埋新聞行政人員協會強烈譴責呢次事件，仲促請警察加強執法。不過，之後有親中派甚至製造假新聞反屈港台記者，結果再被揭發同譴責。