香港討論區

香港討論區
網址	http://www.discuss.com.hk/
商用？	係
網站類型	網上討論區
可用語言	繁體中文、香港口語（或者粵語）
擁有者	Discuss.com.hk Limited
開自	Discuss.com.hk Limited
推出	2003年10月14號
Alexa排名	▼ 788 (2019年7月)
現時狀態	營運緊
現時牌照	Discuss.com.hk Limited

香港討論區（discuss.com.hk，簡稱香討）係香港嘅網上論壇之一，喺2003年成立，由Networld Technology Limited營運，主要收入來自站內廣告。目前討論區所使用嘅系統係Discuz! 6。

香港討論區嘅口號係「一個香港只得一個香港討論區（The one and only forum of Hong Kong）」。廣告宣傳片用過口號「正正經經，嚟香討傾」同「香討，香港No.1」^[3]。

重要事件

2003年

2月17號，香港討論區面世早期嘅論壇名稱係「香港一樓一論壇」，採用 phpBB 2.06 程式。而正式招收會員嘅日期就係2003年2月22日，此為161時期。

7月31號加設「馬照跑、波照踢」區，回應香港政府允許賭波合法化。此為141時期。基喺Ferragamo2000同Red Pepper（紅辣椒）嘅努力同高瞻遠矚，「新貼圖區」同「吹吹水，聚聚佢區」反而變成咗主打皇牌版區，並隨後喺2004年1月1日設立「時尚玩意版」區，奠定咗成為一個全面綜合論壇嘅基礎。

10月14號，網站分拆做 discuss.com.hk 同 sex141.com。當中搬至 www.discuss.com.hk 嘅論壇就係「香港討論區」，回應不同嘅市場需求。

2004年

2月2號，正式確立永久網址為 www.discuss.com.hk，一直至而家。

3月，搬去一個較為穩定嘅伺服器，亦同時改用 Discuz!3.0 繁體討論區商用版程式，以求獲得更大嘅技術支援。

2006年

8月26號，一個22歲成年網友「想炸迪迪尼」。佢喺香港討論區聲稱同揚言要「自製炸彈炸『迪迪尼』（香港迪士尼）」，而請求其他網民提供自製炸彈教學。警察拘捕有關網民，事件喺2006年9月20號同2007年6月22號上報（案件編號：KTCC855/07）。

2007年

12月起，同Uwants成為合作夥伴，而兩者都係由網匯科技有限公司（Networld Technology Limited）營運。喺香港討論區嘅版面底部，可見到 Uwants 相關版面嘅連結。

2008年

1月27號，陳冠希鹹相案，波及香討。一名為（藝人床照發放者）嘅網民，喺「成人貼圖區」內，發佈咗女子裸照，「閃卡」。網民濫用自由，侵人私隱，導致政府喺同年10月初發表嘅「規管網絡色情資訊諮詢建議」，有收回香港網民過濫嘅自由意味^[4]^[5]。

10月13日，狐狸精事件。有會員喺「婚後生活」版發表《大緊肚……但發現》嘅言論，文章指自己老公有外遇，並指狐狸精就係暗星潘美琪（Maggie Poon）。事後文章被版主刪除。

2011年

5月，環球時報以《香港「網絡打手」猖獗成為輿論熱點》為題報導，「網絡打手」已「主攻」香港討論區^[6]。

2012年

3月選特首前，香港討論區、Uwants合搞投票選特首系統，但造成一連串負面事件發生。嗰時，並非「每個（IP+瀏覽器）只能投一票」。因而部分梁派洗票者通過作弊嘅方法進行不公平嘅投票。22號，「反U汪獨裁者聯盟」發現該系統存在好多錯誤地方（BUG），結果造假。因而有黑箱作業利益之嫌而引發「唐反梁事件」。喺「唐反梁事件」中，部分唐派洗票者亦用咗不當手法還擊對手，造成官方停止第一次投票^[7]。

3月23號中午，特首結果重設新版投票，而洗票 BUG 重喺度。由喺「唐反梁事件」發生，梁派洗票東窗事發，可能係重設投票系統嘅原因。不過，有人話洗票BUG重暗藏喺程序內。後來又有人發現重可以洗票^[8]，因此結果唔可信。有人評價佢哋話：「法網恢恢，疏而不漏，假嘅真不咗」，暗示真實選舉係唔可以洗票嘅。

8月19號嘅星島日報報道指今年5月，合作夥伴Uwants內有洗黑錢同交易騙案，被警方發現後介入事件^[9]。

網站環境

內容外來，會員提供

香港討論區只為網民提供聚集嘅空間，如同公園，並冇實際產物。佢唔似一啲政黨嘅論壇，有自己製造嘅政績，或者有一手嘅政治話題作探討；亦無生產商品，以供討論同評價。因此，除咗一啲行政帖子較為原創，例如改版維護、封人公告等等，大部份話題同回應，都係由會員提供。熱門例子有轉載新聞、潮流話題，奪取其他網站嘅資源（如：教學帖、相片分享、種子連結）等，再加以回應同頂帖^[10]，而家有好多留言都係簡短而親共，^[11]^[12]偏見迷信^[13]^[14]。

廣告收入，用家免費

以廣告收入作為利潤同行政開支下，香討能夠向會員提供免費嘅「討論平台」。單以註冊會員過百萬，流量幾十萬人，重視生產數量成為唔錯嘅宣傳平台之一，亦有唔少廣告商，例如系統教育、Dao Heng、2TheMax、Go2Tutor.com、奧比斯（Orbis）、西九龍中心等^[15]。

免費勞力，業餘義工

同唔少其它討論區一樣，香港討論區版主係義工性質，無經濟收入。

香港討論區版主必備嘅條件: ^[16]

熱心回答、幫助會員解決問題。
對所申請嘅版面有深入認識。
每人只限申請一個版。
每日在線四至五個鐘。
需成為網站會員半年或者以上，並會員級別係尊貴會員或者以上，且會審查有否曾經違規。
申請人識得用中文溝通。
如該區已駐有版主同分區版主，要喺申請前知會佢哋。

何種帖子，必刪不異

除違反由版主自設五花八門嘅版規而被處罰外，同犯罪，政治，或者跟版主同埋網站有關嘅言論，多指嘅係批評會被刪除。^{[未記出處或冇根據]}

作家社評，網民膚淺

《E-zone》曾登出有評論員形容網上討論者多數態度唔認真，見解膚淺，唔專業而唔可信。^{[邊個？ ]}

言論刑責，社會反思

部份網民嘅道德價值存有誤差，利用香討嘅互動平台發表破壞社會、暴力等言論。有人回應「想炸迪迪尼案」時，將言論自由強姦成包括「犯罪言論」在內 ^[17]。又有人以防身為名，鼓吹暴動主義，建議他人參與遊行要帶刀等武器用喺「暴亂時自衛」。

學校學生，唔畀上去

由喺這種綜合型討論區含有色情、賭博、「資源下載（特指非法下載）」、遊戲等信訊，甚至有部份網民在討論時曾使用粗口、通俗或者性暗示，甚至因發表違法、反共嘅言論上報。學校一般會禁止學生在校園內瀏覽香討同同性質嘅網站，或者部份版區。

只係在香港，便有很多中小學校規定禁止瀏覽色情同任何意識不良嘅網頁。而有學校行政上就會安裝防火牆把一些網站同關鍵字列喺黑名單中。^[18]因此有部份校園嘅電腦不單不能開啟香港討論區嘅成人貼圖區，甚至整個香討都不能瀏覽^[19]。

中國大陸，封鎖香討

香港討論區長期俾中國大陸嘅防火長城封鎖，大陸人好多時都要「翻牆」先上到香討^[20]。

網站Alexa排名

調查時間	Alexa排名	引用資料
2012年8月2號	▲ 2,554	^[2]
2014年4月1號	▼ 3,128	^[2]
2016年12月19號	▲ HK: 7; Global: 881	^[2]

參考

↑ Whois The Launch Date of Hong Kong Discuss Forum whois.domaintools.com. 27 November 2009
↑ ^2.0 ^2.1 ^2.2 ^2.3 "Discuss.com.hk Site Info". Alexa Internet. 原著喺2021-01-28歸檔. 喺2016-12-19搵到.
↑ 香港讨论区开启首个电视广告战役
↑ 〈鍾欣桐、陳冠希「淫照」曝光〉。香港蘋果日報。原著喺2008年1月31號歸檔。喺2018年6月14號搵到。
↑ 〈「阿嬌裸照」現網上英皇報警指移花接木學者﹕上載者或違法〉。明報。原著喺2008年2月1號歸檔。喺2018年6月14號搵到。
↑ 香港“网络打手”猖獗成为舆论热点
↑ 〈第一次洗票後嘅官方結果〉。原著喺2012年7月12號歸檔。喺2014年8月18號搵到。
↑ 香港兩大壇失敗網上造假不理會 From:反U汪獨裁者聯盟^{[失咗效嘅鏈]}
↑ 〈星島:Uwants賣家疑收錢變洗黑錢〉。原著喺2013年1月7號歸檔。喺2014年8月18號搵到。
↑ 香港討論區香討廣告金融財經揸沽篇
↑ [news.discuss.com.hk/viewthread.php?tid=24026032 學聯居然有人無回鄉證，哈，未返過大陸的人最反共。] 香討帖文
↑ [news.discuss.com.hk/viewthread.php?tid=26983548 黃毓民：建制派無個識歷史，夠膽同我由一大講到十九大！] 香討帖文
↑ [news.discuss.com.hk/viewthread.php?tid=26973893&extra=page%3D9 漢奸黎恐嚇記者　律政司擺明包庇] 香討帖文
↑ [news.discuss.com.hk/viewthread.php?tid=26960797&extra=page%3D14 On9仔以為港人好care香港係咪第一大城市] 香討帖文
↑ NetworldHK官方嘅Youtube：網主介紹他嘅網站
↑ 香港討論區官方：申請版主要求
↑ 〈蘋果日報：「想炸迪迪尼」網民認罪〉。原著喺2014年8月10號歸檔。喺2014年8月18號搵到。
↑ 〈可譽中學暨可譽小學：學生使用電腦守則〉。原著喺2014年8月19號歸檔。喺2014年8月18號搵到。
↑ 香港神託會培敦中學：學生資訊科技手冊
↑ discuss.com.hk 在中国 100% 被封锁 | GreatFire.org

香港網絡大典：香港討論區

出面網頁

[LaunchDate-1] Whois The Launch Date of Hong Kong Discuss Forum whois.domaintools.com. 27 November 2009

[alexa-2] 2.0 ^2.1 ^2.2 ^2.3 "Discuss.com.hk Site Info". Alexa Internet. 原著喺2021-01-28歸檔. 喺2016-12-19搵到.

[3] 香港讨论区开启首个电视广告战役

[4] 〈鍾欣桐、陳冠希「淫照」曝光〉。香港蘋果日報。原著喺2008年1月31號歸檔。喺2018年6月14號搵到。

[5] 〈「阿嬌裸照」現網上英皇報警指移花接木學者﹕上載者或違法〉。明報。原著喺2008年2月1號歸檔。喺2018年6月14號搵到。

[6] 香港“网络打手”猖獗成为舆论热点

[7] 〈第一次洗票後嘅官方結果〉。原著喺2012年7月12號歸檔。喺2014年8月18號搵到。

[8] 香港兩大壇失敗網上造假不理會 From:反U汪獨裁者聯盟^{[失咗效嘅鏈]}

[9] 〈星島:Uwants賣家疑收錢變洗黑錢〉。原著喺2013年1月7號歸檔。喺2014年8月18號搵到。

[10] 香港討論區香討廣告金融財經揸沽篇

[11] [news.discuss.com.hk/viewthread.php?tid=24026032 學聯居然有人無回鄉證，哈，未返過大陸的人最反共。] 香討帖文

[12] [news.discuss.com.hk/viewthread.php?tid=26983548 黃毓民：建制派無個識歷史，夠膽同我由一大講到十九大！] 香討帖文

[13] [news.discuss.com.hk/viewthread.php?tid=26973893&extra=page%3D9 漢奸黎恐嚇記者　律政司擺明包庇] 香討帖文

[14] [news.discuss.com.hk/viewthread.php?tid=26960797&extra=page%3D14 On9仔以為港人好care香港係咪第一大城市] 香討帖文

[15] NetworldHK官方嘅Youtube：網主介紹他嘅網站

[16] 香港討論區官方：申請版主要求

[17] 〈蘋果日報：「想炸迪迪尼」網民認罪〉。原著喺2014年8月10號歸檔。喺2014年8月18號搵到。

[18] 〈可譽中學暨可譽小學：學生使用電腦守則〉。原著喺2014年8月19號歸檔。喺2014年8月18號搵到。

[19] 香港神託會培敦中學：學生資訊科技手冊

[20] scuss.com.hk 在中国 100% 被封锁 | GreatFire.org

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]

[14]

[15]

[16]

[17]

[18]

[19]

[20]