香港電視劇

出自維基百科,自由嘅百科全書
Jump to navigation Jump to search

香港電視劇(簡稱港劇)係香港製作嘅電視劇嘅統稱。咁多年來,多數港劇由香港兩間免費電視台無綫電視(TVB)同亞洲電視(ATV)拍攝,香港政府屬下嘅香港電台(RTHK)亦有製作多部經典電視劇。2010年代中開始,香港多咗第啲電視台同製作公司參與製作電視劇。

港劇除咗喺香港播出之外,亦有賣埠到台灣東南亞北美及其它海外華人地方。1980年代,港劇進入開始改革開放中國大陸。港劇最主要嘅觀眾係香港本地及廣東地區嘅居民,以及海外嘅香港同廣東僑民。此外,港劇亦受到中國大陸、台灣、東南亞等地方嘅華人,甚至其它民族嘅人歡迎。同港產片粵語流行音樂一樣,香港電視劇係香港流行文化好重要嘅一部分,向全世界輸出香港文化,對華人生活影響深遠。

影響[編輯]

文化[編輯]

電視劇文化係香港流行文化非常重要嘅部分。1970年代後期,一批受歡迎嘅無綫電視製作人進軍電影業,例如徐克許鞍華等,令香港進入新浪潮電影年代。今日香港嘅著名導演、編導,例如杜琪峯王家衞韋家輝等,演員,例如周潤發、周星馳張曼玉梁朝偉劉德華等,好多都係無綫出身。無綫、亞視同港台培養咗大批演藝人員成為香港影視界嘅主力。

1974年,無綫電視劇集《啼笑因緣》首次使用粵語主題曲,被視為香港粵語流行曲發展嘅里程碑,標誌香港粵語流行曲再興起[1]。劇集主題曲流行,令歌手亦得以多上電視節目,兩者相互推動,令本土音樂得以蓬勃發展。由1978年開始,獲得白金銷量嘅香港本地唱片數目,超越外國音樂唱片。

睇埋[編輯]

參考[編輯]

  1. 劉靖之 (1 July 2013). 香港音樂史論:粵語流行典‧嚴肅音樂‧粵劇. 商務(香港)印書館. 第 29–30頁. ISBN 978-962-07-5612-2.