馬基雅維利

出自維基百科,自由嘅百科全書


翡冷翠烏菲茲美術館嘅馬基雅維利像

馬基雅維利(Niccolò di Bernardo dei Machiavelli,1469年5月3號1527年6月21號)係意大利政治哲學家音樂家詩人、同浪漫喜劇劇作家。佢係意大利文藝復興中嘅重要人物,尤其係佢寫嘅《君主論》一書提出咗現實主義嘅政治理論、同埋《論李維》一書中嘅共和主義理論。

佢喺最知名嘅著作《君主論》一書中闡述咗一個君主(統治者)應該用點樣嘅統治手段至可以保住自己嘅政權。馬基雅維利主要關注嘅係「新君主」(principe nuovo)嘅部分,因為世襲而來嘅君主由於人民已經習慣咗舊政權,統治困難比新君主要少。世襲君主要做嘅只係小心維持佢既有嘅制度,但新君主為咗維持佢奪取嘅土地,要構建一套新嘅而恆久嘅權力架構就唔係一件簡單嘅事。為咗穩定政權,君主喺公眾上必須保持完美嘅名聲,但私底下就必須採取好多本質邪惡嘅政治手段。