馮國綸，OBE，JP（英文：Dr. William K Fung，1949年—），係利豐集團執行董事，利豐有限公司董事總經理。佢而家亦係滙豐控股董事同香港上海滙豐銀行副主席。
馮國綸有普林斯頓大學畢業工程理學士學位，同埋哈佛商學院工商管理碩士學位，香港科技大學工商管理博士榮譽學位。1972年加入利豐，1976年做紡織部門總監，1986年做咗利豐集團董事。
佢做過香港總商會、香港出口商會同埋太平洋經濟合作香港委員會嘅主席。喺2004年，馮博士被曾蔭權委任做經濟及就業委員。
香港出世，鄉下喺廣東鶴山，馮漢柱個細仔，佢阿哥係馮國經。
