驗屍

驗屍場景

驗屍，驗下條屍咁解，以確定點樣死，查出死因。有人死得不明不白，就要睇下係咪畀人殺死，進而睇下點樣殺死，從而查案判案。有時又出於追究責任，例如醫院中病人無端死咗，睇下有無醫死。又或純粹教學用研究用，檢查病死傷重而死。

亦唔止人，有時要幫動物驗屍。

檢驗方法，有時睇下表面徵狀，再而劏開條屍檢查，再而拎器官檢驗。

驗屍人因時地有唔同叫法。如古時有仵作，清末民初有檢驗吏。現今好多時出自專門醫生，叫驗屍官、法醫。疾病上亦有病理學家。

過往唔少人想留全屍，無論宗教定尊嚴，唔少家人反對驗屍。現今醫院亦唔願驗屍，怕驗出失誤，死亡證上死因，驗屍後得知，唔少都錯嘅。