骷髏天蛾

骷髏天蛾fu1 lou4 tin1 ngo4（英文：greater death's head hawkmoth；學名：Acherontia lachesis），又叫鬼面天蛾，係天蛾科下嘅一個飛蛾物種，源產自印度，喺廿一世紀初分佈偏及斯里蘭卡、東南亞至東亞多地，遠至日本南部都可以搵到佢哋嘅蹤跡^[1]。

骷髏天蛾嘅成蟲擘開啲翼可以有成 13 cm 咁長。佢哋喺外形上最大嘅特徵係背脊上面嘅花紋－佢哋背脊上嘅花紋畀人覺得望落好似骷髏頭噉嘅樣，所以佢哋响粵文入面就有咗個名叫「骷髏」天蛾，而英文名入面嘅 death's head 都係講緊佢哋背脊花紋似骷髏頭^[2]。

習性

骷髏天蛾喺好多行為上同第啲飛蛾大同小異，不過都有啲獨特之處。

骷髏天蛾出嗮名鍾意食蜜糖^{[註 1]}：骷髏天蛾識得模仿蜜蜂陣除，令到蜜蜂以為佢哋係同伴（蜜蜂唔會郁手攻擊骷髏天蛾）；於是骷髏天蛾就會恃住呢樣嘢走入去蜜蜂竇度，再靠住佢哋頭度一條又尖又硬嘅構造，拮穿蜜蜂竇嘅牆並且偷蜜糖食。因為佢哋有噉嘅習性，所以骷髏天蛾喺英文入面又有個花名叫 bee robber－即係話佢哋會「打劫」蜜蜂噉解。

註釋

↑ 順帶一提，呢點有異於好多飛蛾物種－好多飛蛾物種嘅成蟲都係唔會食嘢嘅。

睇埋

攷

↑ Pittaway, A. R. & Kitching, I. J. (2018). "Acherontia lachesis (Fabricius, 1798) -- Greater death's head hawkmoth". Sphingidae of the Eastern Palaearctic. Retrieved 13 December 2018.
↑ Leong, Tzi Ming (2011-09-09). "The brown form final instar caterpillar of the hawkmoth, Acherontia lachesis (Fabricius, 1798) in Singapore (Lepidoptera: Sphingidae), with an account of parasitism by the tachinid fly, Drino (Zygobothria) atropivora (Robineau-Desvoidy, 1830)" (PDF). Nature in Singapore. 4: 251-258.

拎

維基同享中有關骷髏天蛾嘅資源類

[3] 順帶一提，呢點有異於好多飛蛾物種－好多飛蛾物種嘅成蟲都係唔會食嘢嘅。

[1] Pittaway, A. R. & Kitching, I. J. (2018). "Acherontia lachesis (Fabricius, 1798) -- Greater death's head hawkmoth". Sphingidae of the Eastern Palaearctic. Retrieved 13 December 2018.

[2] Leong, Tzi Ming (2011-09-09). "The brown form final instar caterpillar of the hawkmoth, Acherontia lachesis (Fabricius, 1798) in Singapore (Lepidoptera: Sphingidae), with an account of parasitism by the tachinid fly, Drino (Zygobothria) atropivora (Robineau-Desvoidy, 1830)" (PDF). Nature in Singapore. 4: 251-258.

[1]

[2]

[註 1]