鹹濕物品喺各地區

出自維基百科,自由嘅百科全書
跳去: 定向搵嘢
全球各國對於鹹濕嘅定義:      合法行為      部分合法。但有法律講明邊個時段、年紀或場所可以做,亦有部分地方明文規定唔畀做。      違法行為      未知

鹹濕嘢喺全球各地都有唔同嘅監管,有啲國家管理得比較嚴,亦有啲國家管理得比較鬆。不過有專門場所開設允許做鹹濕行為嘅國家,多數限制喺18周歲及以上。

各國監管情況[編輯]

Flag of the People's Republic of China.svg 中國[編輯]

鹹濕喺中國大陸屬違法行為。喺中華人民共和國刑法第363、364條1、4款、366條有規定,發佈嘅作品範圍一出現有性部位,要判3年以下監禁或拘役、管制;情節嚴重嘅要判3~10年監禁;太嚴重嘅要判10年以上甚至終身監禁。

喺中國大陸入面,一出嚫鹹濕嘢會引起相關話題或大範圍討論,甚至有人見到鹹濕鏡頭會避得就避。所以任何搜索引擎同論壇,一搜到同性部位有關嘅嘢,連影都冇隻。即使係劇集、電影同直播間、卡通片出現呢類鏡頭都會被剷走或禁播;新聞或時政節目出現呢類鏡頭都會被馬賽克或噴霧處理。重有大眾更衣室(例如泳場嘅男女更衣室)入面,好多時明文規定唔畀影相或拍短片。

但對於出現性部位嘅監管行為,一般唔會干涉到雕塑同石刻、模具、木頭公仔嘅範疇。雖然中國大陸當地允許着裝清涼,但即使着得再清涼,男仔都至少有着條底褲三角游水褲,女仔至少要着底褲胸罩一件頭比堅尼先至得。喺泳場同公眾海灘,都絕對唔畀以冇着衫褲方式去游水或曬太陽。

至於中國大陸對於人同成人公仔之間出現嘅性部位行為,暫時冇相關法律處理[1][2]

中國大陸亦有規定戶籍人士入境時,唔畀帶鹹濕嘢入境,入境時若果查到有攜帶鹹濕嘢入境嘅,會第一時間被驅逐出境。

Flag of Hong Kong.svg 香港[編輯]

喺香港,凡係18歲以下啲人或着校服啲學生販賣或畀相關嘅鹹濕嘢,都屬違法行為。雖然電影院都有播鹹片,但都被列為Ⅲ級片;電視節目播出內容都會以「M 成年觀眾」嘅字樣表示。

臺灣 臺灣[編輯]

喺臺灣,有明文規定凡係公開場合或流動人員比較大嘅場所範圍唔畀發佈任何同性器官有關嘅嘢。但係當地電視有分成四個級,其中帶有同性器官有關嘅節目都會以紅底帶白字嘅「限」字級表示,但對於綠底帶白字嘅「普」字級出現鹹濕鏡頭時都會有噴霧或馬賽克或警告字樣[3]。所以當地授權書店入面連鹹碟同鹹書都唔見隻,但喺規模比較細或隱蔽地方都可以搵到鹹碟或鹹書。尤其係賣淫屬違法行為。

Flag of North Korea.svg 北韓[編輯]

鹹濕喺北韓屬違法行為[4]。北韓有法律規定,凡係進口同整、販賣鹹濕作品,情節輕嘅要判2年以下監禁;情節嚴重嘅要判2~5年監禁。甚至對個人保存或販賣、散賣鹹濕作品嘅行為判5~10年監禁。雖然北韓有批准制定相關法律針對細路嘅監管行為[5],但對於細路做出嘅鹹濕嘢凈出工唔出力[6]

Flag of South Korea.svg 韓國[編輯]

鹹濕喺南韓屬違法行為。凡係雜誌同書籍、相、電影、劇集、網站等其它材料出次鹹濕嘢,要接受罰錢或判2年監禁。從2009年開始,任何鹹濕網站喺南韓境內都入唔到。不過當地嘅電視節目,衹要涉及性行為同性文化、性展覽有關嘅嘢,都會喺屏幕右上角掛出帶黃圈嘅「19」數字表示。

Flag of Japan.svg 日本[編輯]

鹹濕喺日本屬部分合法行為。喺日本當地,雖然有法律話唔畀當街扯客賣淫,但凈可以去專門營業場所去賣淫。佢當地啲鹹片業比較發達,雖然有法律規定發佈唔畀發佈任何同性部位有關嘅相同埋視頻,但對於日本以外拍或非公開途徑先至有冇馬賽克啲片,完全屬冇王管。所以喺日本當地出版啲鹹片,都會喺性部位打嗮馬賽克。呢種現象即使係動畫都有,但未成年人做演員拍鹹片屬違法行為。

日本當地啲電視台節目,鹹片多數放喺成人頻道兼喺後半夜時段先至播。

Flag of Vietnam.svg 越南[編輯]

鹹濕喺越南屬違法行為。當地人一睇到性部位行為啲嘢都會強行反對。因為越南相關法規有話明鹹濕會影響國家嘅正常發展道路[7]

Flag of Thailand.svg 泰國[編輯]

鹹濕喺泰國當地,雖然唔理喺邊度生產、發佈同埋帶住鹹片嘢,萬一喺公眾場合販賣或播出,屬違法行為,但個人攞住鹹片嘢屬合法。雖然泰國政府一直打擊同性戀性變態行為,但凈限網上發佈。喺當地電視,出現有性部位鏡頭都會有馬賽克或噴霧處理(即使凈着住泳裝底褲都計埋[8]、但全身游水裝除外)。

西亞地區[編輯]

大多數西亞國家因為長期受到回教影響,所以有明文規定唔畀搞鹹濕嘢,甚至對西方地區着得清涼嘅著裝話成「侮辱伊斯蘭文明」,所以當地電視節目幾乎見到摟頭摟髻嘅畫面。尤其係伊朗,雖然有明文規定唔畀亂咁搞鹹濕嘢(喺網上發現有鹹濕網站鏈接嘅網頁都會被屏蔽),但佢當地政府對於清涼著裝非常之反感,好多時一刀切形式拒絕。即使係電視節目或電影出現清涼著裝鏡頭、同性戀啲嘢,都會被禁播或成日出現黑方塊、馬賽克或噴霧嘅情況[9]。喺以色列,有規定明文話唔畀18歲以下啲人搞鹹濕嘢。

不過亦有例外,喺阿聯酋,尤其係杜拜地區,除開齋節期間外,其它時段對清涼嘅著裝唔會話有乜唔多妥,但出現凈著泳裝或全裸形式去商場買嘢,一樣都會俾差佬叉住;喺公眾海灘都唔畀以冇着衫褲方式去游水[10]。喺沙迦當地,街頭當地唔畀出現女人露肚腩或背脊嘅上裝,即使係都一定要矮過菠蘿蓋,但酒店及私家泳池例外[10]。喺約旦黎巴嫩,雖然傳播鹹濕嘢屬違法行為(黎巴嫩國內整鹹濕嘢都屬違法),但對於網上啲鹹濕嘢基本上唔啋。

Flag of India.svg 印度[編輯]

喺印度地區,雖然個人擁有或收睇鹹濕嘢屬合法行為,但係出產、發佈同散佈鹹濕嘢屬違法行為[11]。雖然家下網絡技術越嚟越發達,但大多數人對於鹹濕嘢嘅討論及態度完全粒聲唔出。當地法律甚至明文規定唔畀細蚊仔賣淫[12]。根據《印度刑事法》,凡係睇一次細蚊仔賣淫行為,都會罰40同監禁5年[13]

馬來西亞 馬來西亞[編輯]

喺馬來西亞,販賣或自身帶住鹹濕嘢屬違法行為。凡係自身帶住鹹濕嘢,將會被判處最高5年監禁同罰50,000馬拉紙[14]。連網上發佈都唔例外[15]。即使係安全套舖頭,賣帶性文化同性生活啲玩具、好多同性有關嘅產品都屬違法行為。

Flag of Canada.svg 加拿大[編輯]

喺加拿大有相關法律規定:凡係整、賣、傳、擁有或睇同未成年人有關嘅鹹濕嘢(入境時,即使智能電話有呢啲嘢都唔得),一經查證,將會睇情節輕重而判處半年到14年嘅監禁;但除非有相關資料話明純粹用喺司法、科學、醫療、教育同藝術有關嘅合法領域範圍內用[16]

但係國內睇鹹濕嘢屬合法行為,好多鹹濕嘢多數喺成人市場成人商城入面販賣,有唔少城市成日將鹹濕嘢喺晚黑時分擺出街賣到成街成市。喺電視媒體,有時會播出鹹濕嘢,但凈限制喺18歲以上啲人睇同做呢項行為。

加拿大亦有規定戶籍人士入境時,唔畀帶同未成年人有關啲鹹濕嘢入境,入境時若果查到有攜帶同未成年人有關啲鹹濕嘢入境兼冇任何正當理由一定要用佢嘅,會第一時間被驅逐出境。

白俄羅斯 白俄羅斯[編輯]

喺白俄羅斯,凡係販賣或發佈,傳播鹹濕嘢屬違法行為,最高可以判處4年刑事監禁[17]

圭亞那 圭亞那[編輯]

鹹濕喺圭亞那屬違法行為。圭亞那國內嘅刑法有規定:凡係整、發佈、販賣、進口鹹書鹹碟鹹片,及網上睇過同鹹濕有關嘅嘢,會接受一系列嘅處罰,最高會接受45,000圭亞那紙罰錢或最高2年刑事監禁。

意大利 意大利[編輯]

鹹濕喺意大利嘅法律定義都有拗數。雖然意大利刑事法第528、529同725條都有明文規定唔畀以任何形式嘅發佈同傳播鹹濕嘢,但國內好多地方對於發佈同傳播鹹濕嘢嘅管制行為嘅執行性,幾乎隻眼開隻眼閉。不過國內有明文規定唔畀任何18周歲以下啲人做鹹濕嘢,即使過咗當地最低要求14~16周歲嘅成年年紀都唔得。

雖然當地嘅電視有鹹濕頻道,但大多數屬收費頻道,而且喺當地時間23:00~07:00時段(UTC+1)播出。

芬蘭 芬蘭[編輯]

喺芬蘭,雖然賣鹹濕嘢屬合法行為,但涉及鹹濕嘢嘅雜誌方面,部分鹹濕嘢凈限賣畀唔少於15周歲人;而涉及全裸嘅鹹濕嘢,凈限賣畀唔少於18周歲人。國內重有法案話凡係涉及細路、暴力同野蠻方式嘅鹹片或鹹書(唔理係發佈定進出口)都屬違法行為[18][19]

巴西 巴西[編輯]

喺巴西,雖然鹹濕嘢屬合法行為,但凈限制喺18周歲及以上啲人搞,而且賣出去公眾地方啲鹹濕嘢唔畀有野蠻同暴力嘢。雖然當地描述任何動物嘅性部位都屬合法行為[20],但對於描述性器官行為啲作品,都唔畀賣到公眾地方兼限制賣畀至少18周歲啲人。

阿根廷 阿根廷[編輯]

喺阿根廷,鹹濕嘢屬合法行為。喺當地街頭見到鹹濕嘢賣到成街成市,尤其喺網上,好多時揀鹹濕嘢做精品。但係當地啲男人喺拍鹹片時,都要帶安全套。

Flag of Ukraine.svg 烏克蘭[編輯]

喺烏克蘭,凡係賣、出產、轉運、播出(唔理係聲音定錄像)、進出口、及演出同鹹濕嘢有關嘅內容,都會被判罰好多錢同最高3年嘅監禁[21],但醫學用途除外[22]

[編輯]

  1. 章子怡被制成性爱娃娃 20元蹂躏一次 搜狐社区
  2. “充气娃娃”卖淫 监管部门表无奈 微微健康 (2011-02-23)
  3. 《海贼王》动画台湾播出被打码 网友直呼神奇 ACFUN
  4. Kongdan Oh (November 16, 2009). The hidden people of North Korea: everyday life in the hermit kingdom. Rowman & Littlefield Publishers. 第 153頁. ISBN 0-7425-6718-4. 喺2012-01-20搵到. 
  5. "North Korea". Human Rights Watch. 喺21 September 2016搵到. 
  6. Child Pornography: Model Legislation & Global Review (PDF) (第8th版). International Centre for Missing & Exploited Children. 2016. 第 34頁. 喺8 December 2016搵到. 
  7. "Vietnam — Coalition Against Trafficking of Women". (原先內容喺August 19, 2006歸檔). 喺2006-08-26搵到. 
  8. Thailand's Anime Censorship Sure Is Strict KOTAKU
  9. DAILY POST: How the Olympics is aired on Iranian TVs! They censor LADIES in sports ‘bikinis’ (VIDEO) DAILY POST
  10. 10.0 10.1 在阿联酋,什么样的着装才是正确的? 迪拜人
  11. Rajak, Brajesh (2011) [2011]. Pornography Laws: XXX Must not be Tolerated (第Paperback版). Delhi: Universal Law Co. 第 61頁. ISBN 978-81-7534-999-5. 
  12. SC asks Centre to suggest measures to ban child pornography. 2016-02-27.
  13. Swati Deshpande (16 February 2009). "Browsing child porn will land you in jail". Times of India. 喺2009-10-16搵到. 
  14. Malaysia targets mobile phone sex. BBC. 2005-08-29.
  15. "ONI Country Profile: Malaysia". OpenNet Initiative. 7 August 2012. 喺2 December 2015搵到. 
  16. Criminal Code (R.S.C., 1985, c. C-46) Justice Laws Website
  17. "Размещение порнографии в социальных сетях влечет уголовную ответственность". sk.gov.by. 24 June 2016. 喺8 November 2016搵到. 
  18. "Strafflag, 17 KAP, 18 §". Finlex.fi. 喺2014-01-21搵到. 
  19. "FINLEX ® - Ursprungliga författningar: 23/1927". finlex.fi. 喺17 January 2015搵到. 
  20. Revista Galileu - notÍCIAS - Alguém já foi preso por zoofilia no Brasil?
  21. "Закон України "Про захист суспільної моралі"" (用Ukrainian寫). Verkhovna Rada of Ukraine. 5 March 2015. 喺5 March 2015搵到. 
  22. "Ukraine bans porn…except for medical purposes". Inquisitr.com. 喺2014-01-21搵到.