麥哲倫海峽

出自維基百科,自由嘅百科全書

座標: 53°28′51″S 70°47′00″W / 53.48083°S 70.78333°W / -53.48083; -70.78333

麥哲倫海峽嘅地圖

 麥哲倫海峽粵拼mak6 zit3 leon4 hoi2 hap6西班牙文Estrecho de Magallanes葡文Estreito de Magalhães)係南美洲大陸同火地羣島之間嘅海峽,連接大西洋太平洋。海峽超多彎,行船好易出事。

[編輯]

麥哲倫到咗南美東海岸後,跟海邊行時到咗疑似「海灣」嘅地方。

海峽個名源自1520年10月21號發現佢嘅葡萄牙探險家——麥哲倫

古仔[編輯]

16世紀初,葡萄牙航海家麥哲倫信得過自己,話一定可以搵到通去南海[註 1]嘅路,結果喺1519年9月20號帶咗個船隊,從西班牙西維爾出發,開展咗好長時間嘅環球水上探險旅行。到咗南美洲東海岸後跟住海邊去旅行[註 2],直到1520年10月21號去到南緯52°位置,發現咗個疑似「海灣」嘅位,重派咗兩部船入去睇下咩事,咁啱撞正橫風橫浪,但佢哋冇停到,而係繼續行。直到嗰年11月28號先至離開咗個疑似「海灣」嘅地方,入咗太平洋,打開咗第一次環球航行嘅勝利航道[1]。後人爲咗紀念佢,將嗰條疑似「海灣」嘅地方改名做麥哲倫海峽。

概況[編輯]

麥哲倫海峽一景

呢條海峽非常彎曲,西邊係西北-東南走向,中間係南北走向,東邊係西南-東北走向。從西到東啱好轉咗個直角彎。雖然東邊嘅海岸比較直,但中間同西邊啲海岸好多彎曲位,而且超多陡崖懸崖仔同海岬。全長565km,闊度唔固定,最闊有9NM(16.668km),最窄得5(926m)到。水深最深有1080m(近太平洋口嘅群島位),最淺有28m(東段同中段嘅轉角位西南邊附近)[2]

現況[編輯]

海峽周邊同入邊嘅天氣好唔穩定。好多時大霧籠罩、潮水多兼流得快、超多海漩渦、逆流同浮冰出現[2],所以呢頭都係人跡罕至,入去時一定要睇實當地嘅天氣情況。一有風雲突變,馬上返去海灣靠邊停好,因為入面有啲港灣可以停大型船隻。雖然巴拿馬運河開通之後,往返太平洋同大西洋嘅船都唔再經呢度,但超大型船隻會有時經過呢度。

有關嘅書[編輯]

  • 中国少年儿童百科全书 自然·环境 第217页 浙江教育出版社 ISBN 7-5338-1946-2/G·1942

註同攷[編輯]

  1. 呢度講嘅「南海」係南太平洋,唔係南中國海南海區
  2. 佢之所以唔兜南美洲北邊嘅加勒比海,係因為嗰時巴拿馬運河重未開工。巴拿馬運河喺1881年開工,1920年全線開通。
  1. 麦哲伦船队在南美洲发现麦哲伦海峡 互聯網檔案館歸檔,歸檔日期2016年5月8號,. 历史上的今天(10月21日)
  2. 2.0 2.1 ESTRECHO DE MAGALLANES