麻婆豆腐

麻婆豆腐

麻婆豆腐係中國一味小菜，源自四川，主要材料有豆腐、豬肉碎、辣椒碎同豆瓣醬，亦有啲食肆會用牛肉碎取代豬肉。

用料

麻婆豆腐唔同地方有唔同做法，但係用料大同小異。以兩人食用量為例，主要原料如下：

• 韌豆腐400克，牛肉碎（或者豬肉碎）50克，郫縣豆瓣50克，高湯或者清水少少；
• 蔥花少少，蒜苗少許切成約0.5毫米嘅細段備用；
• 辣椒粉、花椒粉、食用鹽、太白粉少少。
• 芥花籽油100克，醬油少少。

做法

• 大碗入面加80度左右熱水500毫升，加食用鹽溶解至接近飽和；韌豆腐用清水沖洗切成1公分左右丁狀，放入鹽水入面浸泡；
• 炒鍋入面加芥花籽油，大火燒至油熱後放牛肉（或者豬肉）碎翻炒至7分熟，加郫縣豆瓣炒至金黃色，酌量加辣椒末、少許醬油翻炒，之後加高湯或者清水至沒過全部配料；
• 將碗入面浸泡豆腐嘅鹽水倒咗佢，清水沖洗一次。湯燒開後豆腐下鍋，翻炒均勻，改文火，加蓋；
• 由於豆腐嫩，所以翻炒動作要輕，令到豆腐煮好之後仍然保持完整，注意湯唔好燒乾。
• 碗中備少少清水（大約20毫升），加太白粉溶解成太白粉水待勾芡備用；
• 豆腐燒至湯略乾時加太白粉水勾芡收汁，撒上事先切好嘅蒜苗小段，翻炒幾下後出鍋裝盤，撒多量花椒末喺豆腐表面即搞掂（亦可以再淋上一層燒滾嘅菜油）。