龍力蓮

龍力蓮
《愛·回家之開心速遞》嘅角色
首次出場	第7集
扮演	林淑敏
詳細信息
花名	Linda、 舅母
職業	威龍百貨公司財政總監
家庭	末知母亲吳庭明 父 吳家柔（母舅） 吳家聰（舅父）
相關人物	宋瑞輝（下屬） 林美香（下屬） 熊若水前上司.老闆下屬 熊尚善（亦敵亦友對象） <rv>那個人<rs/>關係龍家/甥舅侄女(情近人)

龍力蓮（Linda Lung），係香港電視處境劇《愛·回家之開心速遞》內嘅虛構角色，由林淑敏飾演。

角色設定

龍力蓮係「威龍百貨公司」嘅財政總監，係龍敢威（羅樂林飾）嘅大女（同時係正印所生），故此經常被稱呼做「大小姐」。為咗爭奪「接龍集團」同「威龍百貨」嘅繼承權，佢經常同同父異母嘅細佬細妹龍力士（鄭世豪飾演）、龍作蜜（何艷娟飾演），同埋賈明媛（邱芷微飾演）、熊尚善 (滕麗名飾演) 不和。

同宋瑞輝嘅關連

龍力蓮曾同何恭梓（章志文飾演，劇中為「金富域集團」之行政總裁）相戀，但其後分手。

其父龍敢威擔心佢會孤獨終老，而將「曹總」介紹為「男朋友」，但「曹總」喺龍力蓮心目中感覺唔好，被佢舅父吳家聰（歐瑞偉飾演）臨時安排宋瑞輝（許家傑飾演）扮演佢男友，但亦因為咁樣令龍力蓮動起愛慕之心，但宋瑞輝的兒子宋飛立（梁禹勤飾演）嘅任性就令龍力蓮感到苦惱。

影響及回饋

飾演宋瑞輝嘅許家傑同飾演龍力蓮嘅林淑敏喺2018年6月17號去到將軍澳出席商場推廣活動

由於龍力蓮一角嘅演出，令飾演此角色嘅林淑敏於2017年9月開始廣受觀眾認識，並喺《萬千星輝頒獎典禮2017》入面入選最佳女配角最後五強。

對於坊間對龍力蓮一角的回響，飾演此角色嘅林淑敏表示，其實自己早喺演出《真相》余敏莉一角時，已有飾演惡女角色嘅經驗。而起初飾演龍力蓮角色時亦都感到其實有啲壓力，首一百集亦都要學習揣摩龍力蓮嘅角色人物性格，雖然龍力蓮係惡女角色，但始終《開心速遞》係處境喜劇並且喺晚飯時段播出，故此亦都不應該俾觀眾不斷指罵角色，所以會加入喜感元素。

而對於劇中傾慕「送水輝」嘅情節，林淑敏話自己真實亦都有啲儍更更嘅，亦都係從心而發。同時慶幸自己能夠有「送水輝」呢個對手，因為飾演呢個角色嘅許家傑能夠同自己互相配合同有默契，為咗做好角色會不時私下傾計，以及多做練習嚟增進彼此了解。

對於外界嘅讚賞同對角色嘅喜愛，林淑敏對此表示感激觀眾嘅支持，特別係幕後嘅創作團隊，因為劇本寫得好立體，有好多空間俾演員發揮，而每一位演員都能演好呢個角色，只係慶幸角色落在自己身上嚟做。而對於龍力蓮一角能夠獲選為《萬千星輝頒獎典禮2017》「最佳女配角」獎項最後五強同其他電視獎項，林淑敏認為獲獎與否已經屬於其次，能夠俾觀眾輕鬆咁睇電視劇，會識得笑，就係自己做演員嘅最大滿足感。

參考資料

• 《林淑敏 許家傑 李偉健　三人行必有我師》(香港經濟日報，2018年1月10日)
• 《林淑敏爭獎靠網民集氣》(澳門日報，2018年1月16日)
• 《大小姐愛送水輝　林淑敏許家傑祝願情人節快樂》(明報，2018年2月14日)