龐丹晶
| 龐丹晶 | |
|---|---|
| 出世 | 1984年9月13號 中國青海西寧 |
| 教育經歷 | 浙江大學新聞專業系 |
| 職業 | 電視主持人、模特 |
| 國籍 | 中國 |
| 活躍年份 | 2001年—而家 |
龐丹晶（粵拼：pong4 daan1 zing1；簡化字：庞丹晶；英文：Jeannie Pang；1984年9月13號—[1]），主播名羅丹（lo4 daan1；簡化字：罗丹），模特名貝兒（bui3 ji4；簡化字：贝儿），係中國大陸嘅電視主持人兼模特，青海西寧人，浙江大學舊生。2001年5月喺青海西寧拍咗幾部MTV短片後出道，2002年8月到2003年12月間曾經喺青海電視台少兒部做過嘢，2004年喺深圳電視台（而家嘅深圳廣播電影電視集團）「青春之星」主持人大賽嘅深圳賽區入面入圍過前十。2006年6月8號試過入選《新京報》屬下嘅時尚生活版封面。2007年轉戰到浙江台州，到台州廣播電視總台（而家嘅台州廣播電影電視集團）嘅財富頻道後做咗《財富新聞》屬下主播[2][3]。2008年5月喺台州台辭職後，期間一直做過汽車品牌屬下嘅旅遊節目主持人同模特。
2012年11月6號，佢喺廣東廣州嘅廣州廣播電視台做緊經濟頻道（而家係廣州電視台經濟與法頻道）主持時，試過喺當日晚黑《財經新聞》節目入面以偏激言論公開批評廣州人點解講普通話咁差，重話到「廣東人講出嘅普通話令聽嘅人有要去自殺嘅感覺」，有扭曲或胡亂更改憲法嘅嫌疑[4][5]。事發後引起好多廣州人不滿同猛咁鬧，事發後有網友話佢「發表醜化廣州人同廣州文化嘅言論，阻礙社會文化多元化及多樣性」，亦有網友要求佢道歉。後嚟廣州市文化廣電新聞出版局同廣州廣播電視台班工作人員開會兼表示，將主持人羅丹停播咗三個月處理[6][5]，佢喺2012年11月6號發佈嘅辱粵言論嘅《財經新聞》節目亦喺事發第二日即刻被刪。羅丹亦冇辦法做主持直到2013年2月6號先至復出[7]。佢噉嘅辱粵事件可以同2012年初嘅孔慶東鬧港人事件相提並論。
攷[編輯]
- ↑ 中國青海美女 - 龐丹晶(50p)
- ↑ 荣誉成果 互聯網檔案館嘅歸檔，歸檔日期2019年8月21號，. 台州广播电影电视集团（总台）
- ↑ 〈台州台的美女主持们［不断添加中］〉. 原著喺2019年8月21號歸檔. 喺2019年8月21號搵到.
- ↑
YouTube上面嘅嘅影片
- ↑ 5.0 5.1 〈嘲粵人普通話令人想死 女主播惹怒廣州人〉. 香港苹果日报. 原著喺2016-08-11歸檔. 喺2016-06-16搵到.
- ↑ 广州台经济新闻 罗丹！！！侮辱粤语 互聯網檔案館嘅歸檔，歸檔日期2016-08-07. 廣東廣播影視網
- ↑ 广州台女主播罗丹原地满血复活 高调复出
