龐林

出自維基百科,自由嘅百科全書
Jump to navigation Jump to search
龐林
蜀漢/曹魏 官員
活躍時期 221年
遞啲名

龐林粵拼pong4 lam4;?—?),荊州襄陽人(而家湖北襄陽),係三國蜀漢謀士龐統嘅細佬,原本係蜀漢嘅官員,後來主家變成曹魏

章武二年(222年)農曆正月,蜀吳關係由於東吳奪荊州、殺關羽而變差,劉備要對東吳用兵報仇,任命黃權做鎮北將軍,喺長江北岸防範曹魏。當時龐林作爲蜀漢嘅荊州治中從事,參加入黃權嘅軍隊去隨軍。當年農曆六月,蜀漢征吳輸咗,劉備撤退,黃權因爲斷咗後路無辦法去會合,唯有向曹魏投降。

曹魏受降黃權軍隊後,當中嘅龐林亦轉跟曹魏,封咗做列侯,最後做官到鉅鹿太守。

龐林嘅老婆係佢同郡鄉里習禎嘅妹。喺曹操征服荊州後,龐林同佢老婆被迫分隔,十幾年來佢老婆獨自湊大佢哋個女。後來龐林投降曹魏後,佢哋一家卒之團聚,魏文帝聽聞咗件事後,話佢老婆賢惠,賜佢哋床帳、衣物,來嘉獎佢嘅義氣貞節。

參攷資料[編輯]

  • 陳壽(著);裴松之(注). "蜀書 — 龐統法正傳:龐統傳". 《三國志》. 統弟林,以荊州治中從事參鎮北將軍黃權征吳,值軍敗,隨權入魏,魏封列侯,至鉅鹿太守。〈襄陽記曰:林婦,同郡習禎妺。禎事在楊戲輔臣贊。曹公之破荊州,林婦與林分隔,守養弱女十有餘年,後林隨黃權降魏,始復集聚。魏文帝聞而賢之,賜床帳衣服,以顯其義節。〉