龐柔

龐柔（粵拼：pong4 jau4；？—？），南安狟道人（而家甘肅武山），係跟從三國中蜀漢嘅人，佢嘅堂細佬係龐德，追隨嘅係曹魏。

原本佢哋堂兄弟追隨舊主馬超，但後來馬超畀曹操打沉咗，於是佢哋兩個跟馬超投靠咗漢中嘅張魯。後來馬超覺得跟唔落張魯，於是又投靠咗劉備，龐柔就跟住馬超去咗蜀漢集團，反而佢嘅堂細佬龐德留咗喺漢中，後來曹操打敗張魯，龐德就轉跟咗曹操。

樊城之戰時，龐德同關羽作戰，當時魏軍諸將唔信得過龐德，因爲龐德嘅堂兄龐柔就喺敵方佔據嘅漢中度，驚龐德會反骨。於是龐德話到明佢誓死追隨曹魏。後來樊城之戰龐德輸咗，畀關羽俘獲，關羽亦都以佢堂兄龐柔喺蜀漢度爲由，要佢投降，但龐德反而鬧關羽，於是畀關羽殺咗。

參攷資料

陳壽（著）；裴松之（注）。〈魏書：二李臧文呂許典二龐閻傳 — 龐德傳〉. 《《三國志》》。｢樊下諸將以德兄在漢中，頗疑之。〈魏略曰：德從兄名柔，時在蜀。〉……為羽所得，立而不跪。羽謂曰：『卿兄在漢中，我欲以卿為將，不早降何為？』｣