2020年宏願

馬哈迪

2020年宏願（粵拼：ji6 ling4 ji6 ling4 nin4 wang4 jyun6，馬來話：Wawasan 2020）係由馬來西亞第四任首相馬哈迪喺1991年2月28號第六個馬來西亞計劃會議中提出嘅政治方針，目標係將馬來西亞喺2020年之前成為完全工業化同變成先進國家作為國家奮鬥目標。呢個唔單袛喺經濟領域，亦包括政治、精神、社會、心理、社會融合等其他方面。

但係去到2020年，馬來西亞仍然係發展中國家，呢個宏願最終失敗告終。而當年提出呢個計劃嘅馬哈迪之後以希望聯盟領導身份，接任第7任首相。

計劃中嘅挑戰

挑戰一：共建一個擁有共同價值觀同目標嘅團結馬來西亞，馬來西亞係一個和平嘅國家，不分地域同種族差異和睦共處，塑造一個忠於國家、肯於奉獻嘅「馬來西亞民族」。

挑戰二：創建一個自由解放、穩定同進步嘅馬來西亞社會，國人擁有自力更生嘅自信心，對一切成就懷有優越感，並能夠勇於面對任何困境。馬來西亞社群將憑住自我努力贏取肯定，能充分了解自己潛能所在，唔會輕易屈服，並得到其他國家人民敬仰。

挑戰三：培育同發展一個成熟民主社會，打造一個增進互相了解，面向社會大眾嘅馬來西亞民主模式，令佢成為其他發展中國家學習嘅榜樣。

挑戰四：打造一個具備倫理同道德修養嘅社會，對宗教價值觀同精神堅貞不移，並秉持最高道德觀念。

挑戰五：創建一個開放同包容社會，馬來西亞各族能夠自由奉行各自風俗習慣、文化同宗教信仰，並且對國家產生歸屬感。

挑戰六：創建一個科技進步嘅社會，一個具有創新同前瞻性嘅社群，唔單只成為科技嘅使用者，亦係未來科技進步嘅貢獻者。

挑戰七：創建一個富有愛心社會同關懷文化，重視社會大體更勝於個人利益，人民嘅福祉唔係圍繞住國家或個人，而係一個強而柔韌嘅家庭體系。

挑戰八：確保一個經濟公正嘅社會，國家財富將更加公平同合理地分配，並且所有投身經濟發展者將獲享共同嘅果實。

挑戰九：創建一個繁榮昌盛嘅社會，一個充滿競爭、生氣、活躍同強韌嘅經濟體。

睇埋

• 已發展國家
• 習思想

參考

• （英文）Prime Minister's Office，Mahathir's speech that first proposed the idea of Wawasan 2020 at the Malaysian Business Council.
• （英文）Google VideoWayback Machine嘅版面存檔備份，Mahathir's speech.
• （英文）Wawasan 2020 song，The Wawasan 2020 audio file on RTM's radio site.