612人道支援基金

出自維基百科,自由嘅百科全書

612人道支援基金英文612 Humanitarian Relief Fund;又叫:612基金,原名:反送中受傷被捕者人道支援基金)係為反送中運動入面受傷、被捕同有關人士,提供人道支援嘅基金,包括醫療、心理/精神,法律同其它有關援助[1],成立喺2019年6月15號[2]。包括但唔限於2019年6月12號佔領立法會行動[3]

背景[編輯]

2019年,香港政府推出逃犯條例修訂草案,引發大量市民不滿。6月11號起,市民開始佔據金鐘中環一帶,最後喺6月12號因為警察清場而做成多名示威者受傷同被捕。之後,公民黨法律界前議員、大律師吳靄儀喺6月15號臨時成立「反送中受傷被捕者人道支援基金」,用嚟協助因為參與運動而受傷或者被捕嘅示威者[4]

7月6號,612人道支援基金正式成立並且取代「反送中受傷被捕者人道支援基金」[5]。基金共有五位信託人,包括天主教會樞機陳日君、大律師吳靄儀嶺南大學文化研究系客座副教授許寶強、前立法會議員何秀蘭同歌手何韻詩。基金成立目的係為所有喺反送中運動中被捕(不論罪名)、受傷同有關人士提供人道支援,包括醫療費用、心理/精神輔導費用,刑事/民事法律費用,緊急經濟援助等支援[6]

捐款[編輯]

基金信託人吳靄儀於成立嗰陣話,612基金已正式委托真普選聯盟有限公司負責托管基金同收支事項,並會定期公佈收支同個案數字,每年財政年度都會委托核數師核數[5]

2020年5月19號,基金告急,聲稱可動用資金唔夠2,400萬。[7] 同年12月,基金話,一共收到大約1.73億港幣捐款,共向近19,000人批出約1.44億港幣嘅援助款項。[8]

2021年1月20號,基金再次對外宣稱可動用結餘得181萬,需要公眾捐款支持[9]。9月6號,612人道支援基金喺社交平台宣佈即時暫停接受捐款嗰時,基金結餘大約有721萬。[10]

解散[編輯]

2021年8月,612基金被多間官媒批評,話基金未有社團註冊,「同外國勢力勾連」。有官媒更加引述學者呼籲當局徹查[11]。同月18號,由於負責托管612基金嘅真普選聯盟有限公司將結束運作,612基金宣佈已制定方案,將有序停止運作,即日起停收新嘅個案[12]

被查[編輯]

2021年9月1號,警方國家安全處按《香港國安法》向高等法院攞到「提交物料令」,要求「612人道支援基金」同「真普選聯盟」等相關人士提供資料,包括眾籌詳情、捐款人資料等[13]。9月6號,612人道支援基金喺佢哋嘅社交平台宣佈,即時暫停接受捐款[10]。9月9號,612人道支援基金話,由於網上捐款平台收集嘅款項已經冇辦法存入基金銀行戶口,決定將存喺捐款平台嘅款項,全數用喺退返由9月3號中午至9月7號下晝嘅捐款,合共約317,000港幣,包括447筆單次捐款同月捐。截至9月8號基金銀行戶口結餘大約有7,440,000港幣。根據紀錄,喺真普聯停止執行匯款指示前有19張支票,一共大約408,000蚊已經發出但仲未過數,有關款項包括支付已經批出嘅支援同基金行政開支,基金話,會盡力跟進有關支票兌現嘅情況。基金喺社交專頁又提到,成立宗旨係為咗受反修例事件影響嘅傷者同被捕人士提供法律、醫療、情緒支援費用等人道支援,有關支援同一般為在囚人士提供服務嘅社福機構無分別,對於人道支援工作嘅性質被政府官員曲解,基金深表遺憾[14]

2022年5月11號,警方國安處以涉嫌「勾結外國勢力罪」逮捕五名信託人許寶強吳靄儀何秀蘭陳日君何韻詩[15],其中許寶強喺香港國際機場準備離港去德國法蘭克福嗰陣被國安處拘捕[16]

參考[編輯]

  1. 立場報道 (2019-07-06). 612人道支援基金式成立 接受捐款 支援反送中運動中受傷被捕等人士. . 立場新聞. 立場新聞. 原著喺2019-07-06歸檔. 喺2019-07-06搵到.
  2. 立場報道 (2019-08-09). 612人道支援基金 至 8 月初共籌 4900 萬元 已批出 86 萬支援. . 立場新聞. 立場新聞. 原著喺2019-08-09歸檔. 喺2019-08-09搵到.
  3. 立場報道 (2019-12-06). 10.1 衝突被控暴動 39 歲被告昨無律師代表下應訊 612 基金:有跟進但對方不欲請律師. . 立場新聞. 立場新聞. 原著喺2019-12-07歸檔. 喺2019-12-06搵到.
  4. 靄儀等人成立基金 支援反送中受傷被捕者 6.16 遊行期間籌款 立場報道. . 2019-06-15. 原著喺2021-07-08歸檔. 喺2021-09-24搵到.
  5. 5.0 5.1 612人道支援基金式成立 接受捐款 支援反送中運動中受傷被捕等人士 立場報道. . 2019-07-06. 原著喺2021-07-05歸檔. 喺2021-09-24搵到.
  6. 梁啟智 (2019-12-11). 612 基金做得夠不夠?. . 立場新聞. 立場新聞. 原著喺2019-12-12歸檔. 喺2019-12-11搵到.
  7. 612 人道支援基金急 可動用資金不足 2400 萬. 立場新聞. 2020-05-20. 原著喺2020-06-11歸檔. 喺2020-06-11搵到.
  8. 612基金半年支援7,964人. 果日報 (香港). 2020-01-07. 原先內容歸檔喺2020-06-29. 喺2020-01-20搵到.
  9. 612人道支援基金 資訊發放. Telegram. 原先內容歸檔喺2021-04-27. 喺2021-04-27搵到.
  10. 10.0 10.1 612人道支援基金暫停接受捐款 現時結餘約721萬元|本地|商業電台 881903. 業電台 881903 (繁體中文). 2021-09-06. 原先內容歸檔喺2021-09-06. 喺2021-09-06搵到.
  11. 本清源/教協支援黑暴基金法律界促徹查. . 大公網. 原先內容歸檔喺2021-09-25. 喺2021-09-25搵到.
  12. 612 人道支援基金:已制定方案有秩序地停止運作 下午 2 時記者會公佈安排. . 2021-08-18. 原著喺2021-09-26歸檔. 喺2021-09-25搵到.
  13. 方國安處要求612基金及真普聯提交資料 調查有否勾結境外勢力. 立場新聞. 2021-09-01. 原著喺2021-09-08歸檔. 喺2021-09-01搵到.
  14. 612人道支援基金2021年9月9日簡報. 612人道支援基金. 2021-09-09.
  15. 反港區國安法 612人道基金信託人何韻詩陳日君等5人被捕. . 2022-05-11. 喺2022-05-11搵到.
  16. 凌逸德 (2022-05-11). 息:612基金信託人許寶強涉勾結外國勢力 機場被國安處拘捕. 港01 (香港中文). 喺2022-05-11搵到.