楊桃
(由Carambola跳轉過嚟)
 | ||||||||||||||
|---|---|---|---|---|---|---|---|---|---|---|---|---|---|---|
 楊桃嘅果
| ||||||||||||||
| 物種分類 | ||||||||||||||
| ||||||||||||||
| Averrhoa carambola |
楊桃（「桃」讀陰上聲，粵拼：joeng4 tou4*2；學名：Averrhoa carambola）；原本寫做羊桃或洋桃或陽桃；亦叫五棱果（ng5 ling4 gwo2）、星形果（sing1 jing4 gwo2）。佢係酢漿草科洋桃屬嘅常綠灌木或喬木仔。
原產地
[編輯]楊桃原產印度，印尼同斯里蘭卡一帶熱帶亞洲。叫洋桃，因為對於廣東，係經大洋而來[1]。華南，臺灣都有種。而且遍佈世界熱帶亞熱帶各國。有說閩人叫佢做楊桃。
形態
[編輯]樹高五六丈，樹枝係向下㕪。佢嘅花係好細兼兩性，花嘅色係白色或紫色，花期喺4——12月，一蒂數子。果喺7——12月間熟，果色似蠟，重有紅色嘅品種[2]。唐人都嗌佢係三斂子或五斂子。廣東話裏面，斂即係稜噉解，即係話突出來。三斂子係三稜，而五斂子係五稜。亦有說斂係話佢酸，可以斂人面色 [1]。漿果嘅樣就好似橢圓形到長橢圓形噉。
用途
[編輯]楊桃既可以用嚟做庭院嘅觀景樹同時，佢啲果又可以用嚟食，甚至係加工成各種食品都得。
特色
[編輯]家吓以五稜最常見，打橫切開似五角星，所以英文叫 Star Fruit。佢如果係用糯米水淋，果就會甜，叫糯羊桃。廣東人係將係當蔬來食[1]。羊桃果直徑約莫 6-8 厘米，家下來做當生果食。亦可以做沙律，蜜餞[1]。
呢隻水果喺各種生果嘅含糖量入面係排第一，入面有好多營養成分，可以幫人體搞消化、滋養同保健都得。
天然毒素
[編輯]楊桃含有天然毒素草酸，香港食物安全中心顧問醫生，喺2007年3月17號公佈佢哋發現，部份腎病患者食咗楊桃之後，無法將毒素排出，佢哋食得少都有機會中毒，而中毒者會神志不清。只不過，一般人食係無問題[3]。
