設計
設計（粵拼：cit3 gai3），日常粵語可以索性叫「粵拼：di6 saai1」（粵音假借：
例如建築設計就係設計其中一個重要範疇，講到點樣喺空間入面規劃建築物嘅結構、功能同外觀。建築師唔單止要諗建築物外型好唔好睇，仲要考慮埋使用者有咩習慣、日照通風、空間流動、物料選擇以至文化象徵呀噉。良好嘅建築設計，往往要喺功能（例如空間夠唔夠用）、美學（例如線條比例、光影運用）同埋環境影響（例如節能減排）之間搵到平衡。因此建築設計係喺多重限制之下做抉擇嘅設計實踐。其他範疇嘅設計，都會體現噉樣嘅綜合決策過程，要喺各種現實條件同抽象目標之間，創造出有用、有意義同有感覺嘅物品。
設計出嘅物品，喺英文成日會稱之為 artefact（粵拼：粵化口語音：aa1 ti4 fek4；大致係指人造物嘅意思）[1]。
專業設計
[編輯]專業講嘅設計通常係指根據某種既定嘅方法，針對某個特定嘅問題，去搵一個最理想嘅解決方案。一般認為有工程學同美學兩個傳統。
喺工程學，設計係指對某個系統嘅組成同功能作出定義[2]:25，而喺美術，設計就通常指根據某種既定嘅方法同一啲基礎嘅考慮，對問題作出全面分析，而作出一個最好嘅解決方案[3]。一般認為爾兩個係唔同嘅傳統，但係有人指出美術設計講嘅 ｢設計思維｣（design thinking，又叫設計思考，即係設計師嘅恁嘢方法）其實都係來自工程學[4]。
設計思維係一種以使用者為中心、重視創意解難嘅思考方式。專業設計師一定要識。設計思維起源於工業設計界，後來喺商業、科技、教育等領域都有人用。設計思維強調唔好一開始就跳去搵答案，而係首先要深度理解使用者需要啲乜，觀察同埋建立對用家嘅同理心，然後再重新定義個問題、發展創新嘅方案。設計思維鼓勵跳出框框思考，唔係單靠專家，而係強調團隊合作同用戶參與。[5]
設計嘅層次
[編輯]對於設計係乜嘅爾個問題，丹麥設計中心（Danish Design Center）曾經對 ｢設計｣ 定義咗四個唔同嘅層次[6]:17：
- 非專業設計（nondesign），一般唔會理用家點睇
- 純綷整靚啲嘢（design as styling）
- 用規範化嘅過程整嘢（design as process）
- 創新（design as innovation）
根據爾個定義，日常講嘅設計應該通常係指第二層次，而專業設計就通常指第三或者第四層次（美術傳統比較多指第三層次）。
主要嘅領域
[編輯]美學傳統
[編輯]工程學傳統
[編輯]設計研究
[編輯]科學哲學探討「知識係點嚟嘅」「命題點先算係有根據」嘅學問。佢為科學研究提供咗基礎，令到科學研究得以發展出嚴謹、可重複、可驗證、可推廣嘅做法。根據呢種取向，科學研究主要係想解釋自然界或者人類社會中發生嘅現象，重點係發現因果關係、透過設定假說、收集數據、統計分析等方法去驗證對現象嘅理解。相比之下，設計研究唔係要解釋現象，而係集中處理人造物同人工系統。設計研究重視點樣整新嘢出嚟去應對實際問題。
例如，如果一個設計研究者針對提升學生學習動機，佢可能會設計一個數碼學習平台，過程中反覆試做、收集用家反應、再改良，目的係設計出一個真正有效嘅學習工具。呢種做法好多時係疊代式，並非一次過完成。佢重視用戶經驗、實際表現、技術可行性等因素，而唔單單係理論驗證。
睇埋
[編輯]攷
[編輯]- ↑ artefact.
- ↑ IEEE Standards Collection: Software Engineering (1997年版). IEEE. 1997. ISBN 1-55937-898-0.
- ↑ "what is design?". International Council of Design. 喺2022年10月8號搵到.
- ↑ McCarthy, Steven. "Design Thinking? Thank an Engineer". Dialectic (美國英文). 3 (1). doi:10.3998/dialectic.14932326.0003.102.
- ↑ Soegaard, Mads (2018). "What is Design Thinking and Why Is It So Popular?" 〈設計思維係乜？點解咁潮？〉. The basics of user experience design 《用家體驗設計入門》 (美國英文). Interaction Design Foundation. pp. 10–20.
- ↑ Stone, Terry Lee (2010). Managing the Design Process: Concept Development (英文). Beverly, MA: Rockport. ISBN 978-1-59253-617-7.