s區元素

藍色代表s區元素，氦亦屬於s區元素。

s區元素主要包括元素週期表衰面 IA 族元素同 IIA 族元素，IA 族元素包括氫、鋰、鈉、鉀、銣、銫、鍅七種元素，由於鈉同鉀嘅氫氧化物係典型嘅鹼，因此除氫外嘅呢六種元素又叫鹼金屬，IIA 族元素包括鈹、鎂、鈣、鍶、鋇、鐳六種元素，由於鈣、鍶、鋇嘅氧化物嘅性質係介乎鹼金屬同稀土元素之間，所以又叫鹼土金屬。

由於氦嘅電子排布為 1s²，所以分為S區元素。

鈁同鐳都係放射性元素。鋰最重要嘅礦石係鋰輝石（LiAlSi₂O₆）。鈉主要以氯化鈉溶液嘅形式存在喺海洋、鹽湖同岩石之中。鉀嘅主要礦物係鉀石鹽（2KCl•MgCl₂•6H₂O）。鈹嘅主要礦物係綠柱石（3BeO•Al₂O₃•6SiO₂）。鎂嘅主要礦石係菱鎂礦（MgCO₃）同埋白雲石。另外，鈣、鍶、鋇主要以碳酸鹽同硫酸鹽嘅形式存在，好似方解石（碳酸鈣）、石膏（二水合硫酸鈣）、天青石（硫酸鍶）、重晶石（硫酸鋇）。

喺本區元素中同一主族由上而下、同一週期由左到右性質嘅變化都有明顯嘅規律性。