Talk:喀布爾淪陷 (2021年)
篇文嘅命名
[編輯]篇文嘅命名，有兩個地方值得傾：
- 「陷落」定係「淪陷」：雖然兩者意思相通，但粵語似乎都係講「淪陷」多，譬如「西貢淪陷」、「香港淪陷」，類推下呢篇都可以叫「喀布爾淪陷」。
- 留唔留年份：而家呢一刻喀布爾陷落或喀布爾淪陷係紅字。睇英維，雖然佢都係將呢件事叫「Fall of Kabul (2021)」，同有篇搞清楚版叫「Fall of Kabul」，不過搞清楚版入面三樣嘢，其實只係得2021年嗰次真正叫「Fall of Kabul」。所以，將「喀布爾陷落」或者「喀布爾淪陷」用嚟專門叫2021年嗰次都應該合理，正如香港主權移交咗幾次，但「香港主權移交」專指1997年嗰次一樣道理。
想睇下大家有無其他意見或者諗法。如果無人畀意見，我將會直接將呢篇文搬去「喀布爾淪陷」。--Kowlooner (傾偈) 2021年8月22號 (日) 12:59 (UTC)
同意「淪陷」，「香港淪陷」係個好例子，「陷落」聽落怪乖地。不過，年份可能要，塔利班真係佔領過喀布爾兩次。原來之前嗰次叫「en:Battle of Kabul (1992–1996)」--WikiCantona (傾偈) 2021年8月22號 (日) 13:20 (UTC)
- 同意「淪陷」用字更好。特克斯特 (傾偈) 2021年8月22號 (日) 13:21 (UTC)
- 呢個可能係先考慮返個時間因素，因為事態係仲發展咁，用落作尾字似可以表達到一個未定同變動嘅狀態，而常規熟知一般嘅淪陷都係描述返啲時空度經已完成咗嘅事件。 Longway22 (傾偈) 2021年8月22號 (日) 13:24 (UTC)
- 查實英文叫得Fall of Kabul，已經成為事實，亦無關時間因素。依個城，城陷轉手，史上都唔知幾多次，今英文特登叫Fall of Kabul，亦有意思同Fall of Saigon比，同樣美國撤軍，同樣大批人等飛機撤走。英文版Fall of Kabul (2021)原題為Fall of Kabul。Fall of Kabul再畀人改為搞清楚。故此，Fall of Kabul至今只一次，故此美國退卻失地，亦即淪陷。純綷歐美政治喜好，其他都無關要旨。HenryLi (傾偈) 2021年8月23號 (一) 00:42 (UTC)
- 當時因為係有人喺時人時事提名度出咗嚟，所以要開一個拎先，開文者應該係跟住嗰條紅拎入嚟開版，當時開拎亦都係參攷過日維嘅ja:カブール陥落 (2021年)；商台光明頂節目，喺重溫網頁入面，2021年8月16號晚出街嘅標題係用咗《阿富汗陷落》。 Shinjiman ⇔ ♨ 2021年8月23號 (一) 01:21 (UTC)
- 查實英文叫得Fall of Kabul，已經成為事實，亦無關時間因素。依個城，城陷轉手，史上都唔知幾多次，今英文特登叫Fall of Kabul，亦有意思同Fall of Saigon比，同樣美國撤軍，同樣大批人等飛機撤走。英文版Fall of Kabul (2021)原題為Fall of Kabul。Fall of Kabul再畀人改為搞清楚。故此，Fall of Kabul至今只一次，故此美國退卻失地，亦即淪陷。純綷歐美政治喜好，其他都無關要旨。HenryLi (傾偈) 2021年8月23號 (一) 00:42 (UTC)
- 應該叫「佔領喀布爾 (2021年)」、「塔利班佔領喀布爾 (2021年)」或者「塔利班攻佔喀布爾 (2021年)」。
- 淪陷、陷落，立場都係認為攻佔一方係衰，失守一方係好。--點樣 (傾偈) 2021年8月24號 (二) 11:06 (UTC)
- 小結：雖然比較多人同意「淪陷」，但亦有人有其他意見，暫時未算有明顯共識。至於剷唔剷走個「 (2021年)」，暫時就只有零星意見，意見分歧。唯有再等多一個禮拜睇下有無新意見，再決定點搞。（另外留意到過去一個禮拜，英維將 Siege of Kabul (2001) 搬到 Fall of Kabul (2001)，似係想合理化2021年Fall of Kabul加年份嘅安排。）--Kowlooner (傾偈) 2021年8月29號 (日) 14:02 (UTC)
- @Kowlooner：請你老人家睇真d舊版本 d:Q5432157。 點樣 (傾偈) 2021年8月29號 (日) 19:59 (UTC)
- (2021) 係搞清楚，如果用「喀布爾陷落」，冇撞名，冇需要用 (2021) 嘅搞清楚，反而加一篇喀布爾陷落 (搞清楚)--WikiCantona (傾偈) 2021年9月5號 (日) 11:00 (UTC)
- 點樣兄其實有乜事可以直話直說，多謝提醒我睇返歷史紀錄，原來「Fall of Kabul (2001)」係以前一路用開嘅名，近期先至改過做「Siege of Kabul (2001)」。既然係噉，我唔反對加年份。「陷落」定係「淪陷」方面，綜合上面意見，揀「淪陷」嘅人比較多，可以同粵維其他文（如「西貢淪陷」）睇齊，加上中維揀咗「陷落」，所以應該用「喀布爾淪陷 (2021年)」，而「喀布爾陷落 (2021年)」可以保留做redirect。--Kowlooner (傾偈) 2021年9月5號 (日) 12:00 (UTC)
- 國維嗰邊嘅先後版名分別係《2021年阿富汗政權移交》→《攻佔喀布爾 (2021年)》→《喀布爾陷落》；《喀布尔战役 (2021年)》→《喀布爾陷落 (2021年)》。 Shinjiman ⇔ ♨ 2021年9月6號 (一) 06:09 (UTC)
- 依家啫2001年北方聯盟同美軍攻陷喀布爾又係淪陷，2021年塔利班攻陷又係淪陷。
- 按照呢個邏輯，係咪1945年英軍佔領香港又係香港淪陷？國軍佔領廣州又係廣州淪陷？ :o) 點樣 (傾偈) 2021年10月6號 (三) 13:20 (UTC)
- 點樣兄其實有乜事可以直話直說，多謝提醒我睇返歷史紀錄，原來「Fall of Kabul (2001)」係以前一路用開嘅名，近期先至改過做「Siege of Kabul (2001)」。既然係噉，我唔反對加年份。「陷落」定係「淪陷」方面，綜合上面意見，揀「淪陷」嘅人比較多，可以同粵維其他文（如「西貢淪陷」）睇齊，加上中維揀咗「陷落」，所以應該用「喀布爾淪陷 (2021年)」，而「喀布爾陷落 (2021年)」可以保留做redirect。--Kowlooner (傾偈) 2021年9月5號 (日) 12:00 (UTC)