Talk:愛爾蘭共和軍

出自維基百科,自由嘅百科全書
Jump to navigation Jump to search

寫伊篇文嘅人係用焉只耳聽到愛爾蘭共和軍「從事分裂活動」㗎?唔識得愛爾蘭歷史就唔該唔鬼好亂寫! — 粵語文學大使殘陽孤侠 2013年7月20號 (六) 23:24 (UTC)

咁啲新聞成日話「愛爾蘭共和軍」係恐怖組職,好多讀者都會想知點解喎?!呢個「愛爾蘭共和軍」同視為「分裂活動」嘅組職有乜關係?係唔係同一個先?麻煩有心人加料 --WikiCantona (傾偈) 2013年7月21號 (日) 15:06 (UTC)

「愛爾蘭共和軍」被定位恐怖組織,係因為佢喺愛爾蘭內戰結束咗之後,依然喺道對英國(特別係北愛爾蘭)發動攻擊。至於係唔係有另一個叫做「愛爾蘭共和軍」嘅組織喺道搞緊分裂愛爾蘭嘅活動,我就真係覺得無啦。 — 粵語文學大使殘陽孤侠 2013年7月21號 (日) 16:38 (UTC)

我寫嘅時候已經儘量淨寫史實,避免觀點。麻煩指教下點樣重有偏頗問題。 — 粵語文學大使殘陽孤侠 2013年7月21號 (日) 23:16 (UTC)

係就係。可以嘅話,會唔會加埋新聞媒體對「愛爾蘭共和軍」係恐怖組職嘅指控(e.g.BBC呢個呢個呢個呢個,大多唔詳列 ),不實嘅地方,加以反駁。--WikiCantona (傾偈) 2013年7月21號 (日) 23:32 (UTC)

愛爾蘭共和軍曾經大肆放炸彈,以恐嚇手段(恐怖主義),要求脫離英國,加入愛爾蘭,叫恐怖組職亦無不可,至少曾經係。至於分裂活動,近年中國報導興咁叫。舊日叫脫離主權國獨立,叫分離主義活動,或獨立運動。不過愛爾蘭共和軍又不是爭取獨立。對於英國係分離,對於愛爾蘭係統一。應該講清楚人家主張。愛爾蘭共和軍亦另有死對頭,天主敎徒同新敎徒鬥咗好多年。家下北愛爾蘭係兩國共管。HenryLi (傾偈) 2013年7月22號 (一) 05:50 (UTC)

兩國共管?!你喺焉道聽返來㗎?唔可以噏得就噏喔! — 粵語文學大使殘陽孤侠 2013年7月22號 (一) 06:13 (UTC)
你真係好無禮貌。 北愛正式開始地方自治。北愛爾蘭地方自治,係英國同愛爾蘭兩國簽署。北愛爾蘭留喺英國領土,愛爾蘭放棄領土主張,換來愛爾蘭可向英國提出北愛爾蘭事務,由英國執行。北愛爾蘭,英國與愛爾蘭,兩邊都有建制聯繫。如果唔係咁,點平息親英與親愛兩派。HenryLi (傾偈) 2013年7月22號 (一) 07:05 (UTC)
貝爾法斯特協議》啊嘛,我知啊,嗰篇文就係我寫嘅。但係共管同地方自治根本就係兩碼事。好似安道爾嗰種,法國總統同西班牙烏謝勒教區主教一齊做國家元首,就正式叫做「兩國共管」啦。但係講到北愛爾蘭,就算北愛爾蘭可以同愛爾蘭建立更緊密嘅關係,北愛爾蘭最終嘅話事人重係英國,「英愛理事會」同埋「南北愛部長會議」都祇不過係討論嘅平臺,唔係決策機構,決策機構係北愛議會(唔係愛爾蘭共和國議會)同英國國會。乜咁叫得做兩國共管咩?西藏流亡政府同北京當局就西藏事務談判,你會唔會話宜家嘅西藏自治區係「中藏共管」啊?知識錯誤唔係嘢少嘅喔!
另外,「愛爾蘭共和軍唔係爭取獨立」亦都係大錯特錯。共和軍從志願軍時期開始,目標就一直都無變過,就係要成個愛爾蘭島從英國獨立出去,建立一個覆蓋全島嘅愛爾蘭共和國。
最後,宜家我等爭論緊嘅伊篇文有乜嘢唔夠中立嘅地方,唔係愛爾蘭共和軍係唔係恐怖組織。— 粵語文學大使殘陽孤侠 2013年7月22號 (一) 08:12 (UTC)
咪係囉,你自己寫,都唔知點解人哋要咁嘅協議嗎?點解愛爾蘭要同英國簽約嗎?北愛爾蘭人,有啲要親英,有啲要親愛,所以就要兩邊都唔斷關係,北愛爾蘭事務,愛爾蘭都可以參與。你要拉埋啲西藏呀,安道爾來講,根本就毫無關係。
若你係睇英文維基譯過來,都睇過「The North/South Ministerial Council (NSMC) (Irish: An Chomhairle Aireachta Thuaidh-Theas, Ulster-Scots: North South Meinisterlie Council)[1] is a body established under the Good Friday Agreement to co-ordinate activity and exercise certain governmental powers across the whole island of Ireland.」至少有部份政府權力,係實施在全島。而北愛爾蘭人,可以揀做英國國民,愛爾蘭國民,或者兩者兼有。整體上就北愛爾蘭仍係英國領土,但有自治,而政治同愛爾蘭加強結合。若果唔係咁,邊有咁順攤。
上面指愛爾蘭共和軍,唔係爭取北愛爾蘭獨立,你曲解成愛爾蘭獨立,真真奇怪。愛爾蘭經已獨立成國。愛爾蘭共和軍要北愛爾蘭加入愛爾蘭,不就係統一愛爾蘭全島嗎?你是否理解錯誤呢?
我嗰句只係搭單,係我寫十分之一都無,唔明你做乜啫住來講。你自己講恐佈組識就得,人家又唔可以講嗎?維基就係人人都講得㗎喎,何來要按你心目中嘅方向呢?HenryLi (傾偈) 2013年7月22號 (一) 16:20 (UTC)