Talk:林頓

Jack 同 John 嘅關係

我見到篇文叫 Jack 做 ｢假名｣，呢個講法係錯嘅，因為 Jack 只係 John 嘅眶稱，唔係乜嘢假名，就好似如果有人叫陳大文，你唔會話 ｢阿文｣ 係假名（除非你淨係識英文）。⸺Al12si (傾偈) 2022年8月21號 (日) 04:59 (UTC)

咁你可以去修改。特克斯特 (傾偈) 2022年8月21號 (日) 06:31 (UTC)

我其實本來係想改，但係唔知應該叫佢做乜。英文一般叫呢啲做nickname，但係又唔係花名；而今又唔會有人用 ｢號｣。有冇提議？⸺Al12si (傾偈) 2022年8月21號 (日) 06:46 (UTC)

叫「暱稱」得唔得？ ——Z423X5C6（傾偈） 2022年8月21號 (日) 06:59 (UTC)

恁到點改，改咗。麻煩睇下咁寫好唔好。⸺Al12si (傾偈) 2022年8月21號 (日) 07:12 (UTC)

其實我未聽過 ｢積林頓｣，淨係聽過電視台叫佢林頓。不過我唔知係咪有第間電視台或者報紙電台用個 ｢積｣ 字。⸺Al12si (傾偈) 2022年8月21號 (日) 07:28 (UTC)

呢個係因為維基嘅人物版要用全名。 ——Z423X5C6（傾偈） 2022年8月21號 (日) 12:48 (UTC)

糾正少少：應該話係粵文維基一部份人認為維基嘅人物版要用全名，亦有一部份人認為維基嘅人物版無撞名情況下用粵文語境入面嘅常用稱呼就得，一路未有共識。--Kowlooner (傾偈) 2022年8月21號 (日) 13:28 (UTC)

再糾正少少：WP:標題習慣入面明文寫住要用全名。 ——Z423X5C6（傾偈） 2022年8月21號 (日) 13:57 (UTC)

WP:標題習慣#用姓做文題亦有話：「喺維基百科，齋用姓氏代替全名之前，要先查清楚有無同姓嘅人喺維基百科上有傳記文。若果無同姓嘅人喺粵語維基百科上面有文，直接用姓氏喺做文題就冇問題。如果有幾個人同姓，全部喺粵語維基百科都有文，咁就建議出全名。」。所以無謂爭拗，粵維呢篇指引（未係正式政策）嘅矛盾之處正正就係「粵維對人物文用唔用全名未有共識」嘅寫照。--Kowlooner (傾偈) 2022年8月21號 (日) 14:03 (UTC)

冇話企埋邊便或者反對乜嘢，但係對於當事人唔係中文人咁係咪會有問題？好多英文人嘅中文名都係淨係個姓譯過來，硬加個名畀人嘅感覺係我哋作嘢。

Olivia Chow係港裔，如果佢知佢老公個名被人安多咗個字會唔會有意見？⸺Al12si (傾偈) 2022年8月21號 (日) 15:14 (UTC)

我真係唔明有咩好拗，根本每次啲人名都係有同姓，然後啲人都仲係死拗話呢個好出名用姓就得。無謂爭拗嘅源頭就係有啲人唔跟指引喺到亂嚟。 ——Z423X5C6（傾偈） 2022年8月21號 (日) 17:06 (UTC)

「若果無同姓嘅人喺粵語維基百科上面有文，直接用姓氏喺做文題就冇問題。」，呢句句子，其實一寫出嚟就係有問題，要刪除。特克斯特 (傾偈) 2022年8月21號 (日) 16:03 (UTC)