Talk:海賊

Pirate 喺廣東話係 海賊 定 海盜？--WikiCantona（討論） 2009年4月18號 (六) 02:51 (UTC)

呢個可以研究一下。原本危害治安，謀財害命嘅人叫賊，古書多數用賊指聚埋一大班搞事嘅人。而盜原本指貪人財物，所以偷嘢嘅叫盜，盜竊盜竊就係咁解。貪貪下就會搶，所以又叫盜。因為做盜同做賊都做好似嘅嘢，所以後尾就撈埋來用，又有謂盜賊。至於廣東話真係叫乜，就幾難講。荃灣有傳舊稱賊灣，係海賊匿藏之處，連英商都有記Pirate Bay。文字上兩者都有用，但見於古籍，海賊比例高好多。而民國法例就定pirate係海盜，自此海盜亦比較流行。之不過日本仍然叫海賊，又傳返返來，所以google搵起來，又好似海賊多啲。所以廣東話兩者應並存，睇下邊個做title而已。HenryLi（討論） 2009年4月19號 (日) 03:53 (UTC)

叫「海賊」定「海盜」多年前傾過，無明確定論，所以大家一直無改名，保持住用「海賊」。Dr. Greywolf近排問都唔問就自行搬版，我覺得心急咗啲。對於已經存在粵維多年嘅文，搬版應該要謹慎些少。--Kowlooner (傾偈) 2020年5月31號 (日) 15:55 (UTC)

• 我感覺嗌「海賊」又係純粹想同中維唔同所以夾硬俾個現代廣東話根本唔順口嘅名。我由細到大叫都係叫「pirate」做「海盜」嘅。Dr. Greywolf (傾偈) 2020年6月1號 (一) 00:43 (UTC)
• 用「海賊」可能感覺上係要同中維唔同，不過，「海賊」真係有人用，你去問下啲上一輩嘅水上人，睇下粵語長片，就好似老一輩嘅人，會叫「軍營」做「兵房」，「兵房」我聽落有啲怪怪，因為學校會『教好你』，你去喺個香港幼稚園學生面前指住個細佬女，問佢，佢會答你:「女孩子」，你就知學校教育點樣清洗廣東話啦。--WikiCantona (傾偈) 2020年6月1號 (一) 02:48 (UTC)