Talk:畢氏定理

搬版紀錄

我對用邊一個詞本身無特別意見，純粹係留返個簡單紀錄，因為之前嘅搬版都無正式討論過：

• 2012年2月：開文者用「畢氏定理」
• 2013年10月：有人用搬版模提議搬去「勾股定理」，原因係：『勾股定理係中國人同希臘人分別獨立證明嘅，而唔係希臘人證明之後傳入中國嘅，所以應該用中國本土名「勾股定理」。』
• 2013年11月：另一人根據搬版模搬到「勾股定理」
• 2022年7月：再有人直接搬到「畢氏定理」，原因係：『我覺得畢氏定理順口啲，而中維港版都係用「畢氏定理」嘅。』

立此存照。如果日後又有人想搬，建議先了解返上面嘅搬版紀錄。 Kowlooner (傾偈) 2022年7月10號 (日) 12:59 (UTC)

@Kowlooner：連香港教育城網站都係用「畢氏定理」，顯然其中一個粵語區（香港）常用叫法都係咁，唔應該用「勾股定理」。常用叫法比起原先係點嚟做標題名，重要得多。特克斯特 (傾偈) 2022年7月10號 (日) 16:36 (UTC)

其實用「畢氏」作為「畢達哥拉斯」嘅簡稱根本無稽，不過既然大家接受咁就算。 ——Z423X5C6（傾偈） 2022年7月10號 (日) 17:05 (UTC)

名長就會縮，講得上語文規律。過咗五隻字，大多數都會縮返轉頭，皆因言文都無效率。食物及環境衞生署，就縮做食環署。類似做法，觸目皆是。英文都係咁款，abbreviation縮寫、initial字頭、 acronym字頭合寫，三大減筆，多到可以出本字典都收唔晒，睇起來就無稽。例如ABC可以有一大堆解釋，見"ABC".。若然有人問，Thomas Stearns Eliot點解寫做T. S. Eliot，純粹就係人地中意。 HenryLi (傾偈) 2022年7月10號 (日) 18:09 (UTC)

「畢達哥拉斯」係音譯名，用「畢氏」作為「畢達哥拉斯」嘅簡稱即係將個音譯名當係中國人名，再話人係姓「畢」，係完全無厘頭。樓上完全捉錯用神。 ——Z423X5C6（傾偈） 2022年7月11號 (一) 03:43 (UTC)

我嘅主要基準係「邊個名順口啲」。我個人同由細到大不嬲嗌開聽開「畢氏定理」嘅。Dr. Greywolf (傾偈) 2022年7月11號 (一) 03:45 (UTC)