Talk:祖父悖論

	物理呢篇文屬於物理主題，一個決心對物理類添加多啲色彩嘅主題。如想同班物理兄弟姊妹一齊添加多啲物理色彩，麻煩你去主題頭版睇睇，你亦都可以參與物理主題嘅討論同任務。
質素：呢篇文屬未知級	重要度：呢篇文屬未知級

祖父悖論嘅資訊曾經響2014年 7月28日喺維基百科頭版嘅你知唔知？小節度出現過。

維基百科

祖父悖論，的確係專用名，不過只係喺用國文寫嘅書上面，如果有人用粵文寫書，你話會點寫？--WikiCantona (傾偈) 2016年9月19號 (一) 00:08 (UTC)[回覆]

既然都識講係專用名詞，噉就係話唔可以生造㗎啦，對於呢種監生造詞應該慎之以慎，粵維已經夠亂象百出，呢啲問題應該保守。--S7w4j9 (傾偈) 2016年9月19號 (一) 07:10 (UTC)[回覆]

如「祖父悖論」係中文故有（或用咗好耐嘅外譯辭，例：利瑪竇，氦）嘅專用名，我同意應該保守。不過，呢個係最近中譯詞，而呢個係唔係唯一嘅譯法。--WikiCantona (傾偈) 2016年9月19號 (一) 10:12 (UTC)[回覆]

既然有啲人認爲有問題，噉我反而建議改名爲《時間旅行悖論》，一來唔使有生造詞嘅嫌疑，二來呢個悖論本來就係關於時間嘅問題，呢個名亦係恰如其份。--S7w4j9 (傾偈) 2016年9月19號 (一) 11:20 (UTC)[回覆]

都得。冇咗北方話化嘅問題。--WikiCantona (傾偈) 2016年9月19號 (一) 11:56 (UTC)[回覆]

噉同樣一個禮拜爲期。--S7w4j9 (傾偈) 2016年9月19號 (一) 13:03 (UTC)[回覆]

反對用「時間旅行悖論」，因為關於時間旅行嘅悖論除徂祖父悖論之外，重有個好重要嘅「蝴蝶效應」，另外重有「先知悖論」（^{例如：聽日嘅我來到今日，話畀今日嘅我知今晚賽馬「櫻名神武」會贏到開巷，於是今日嘅我成副身家買澌「櫻名神武」，恁結果係「櫻名神武」真係會贏，定係另一隻馬「明日祐秋水」會爆冷爆到我要「輸完又來賭過」呢？}）等。都係嗰句：專有名詞唔應該監生造。而且我覺得「祖父悖論」有可能係作為一個完全嘅詞素進入粵語嘅。【粵語文學大使殘陽孤侠】支持全面中止IP用戶編輯權 2016年9月20號 (二) 05:07 (UTC)[回覆]

多謝Cedric生嘅提醒同介紹。既然係噉，我認爲保持現狀比較好，我認爲呢個詞用粵語理解無問題，又有咩必要改呢？--S7w4j9 (傾偈) 2016年9月20號 (二) 08:34 (UTC)[回覆]

的確，專有詞唔應該生安白造。所謂嘅「專有詞」，喺學術界，術語係應該好保守（Cedric 生有大把例子）。不過，已經街知巷聞、呀公呀婆都知嘅『專有詞』，好似：全球暖化係譯自 Global Warming，又另一個譯法全球變暖，例二：「生物降解」或「生物分解」，都有意譯嘅成份。

噉呢個「祖父悖論」屬後者，係一個慨念上嘅翻譯，而係好近代。
悖論 paradox 亦有唔少嘅譯法：弔詭，詭局或「似非而是」。
日文叫「親殺しのパラドックス」嘅「親殺し」係指殺死親人（或弒父），唔一定係「祖父」。亦明顯指出 grandfather paradox 係可以意譯嘅。

所以呢個「專有詞」唔應該淨係叫得做「祖父悖論」--WikiCantona (傾偈) 2016年9月20號 (二) 09:12 (UTC)[回覆]

如我所講：睇爺爺悖論。--WikiCantona (傾偈) 2016年9月20號 (二) 09:50 (UTC)[回覆]

多種譯法唔等於嗰種譯法好。最簡單嘅，日文嘅「弒親」就譯得唔好——我殺自己嘅仔亦係弒親，但唔構成悖論，噉嘅譯法就講得唔夠清。

譯名都要睇係咪廣爲接受，呢度有約定俗成嘅成份，約定俗成係語言最大嘅法則。無論係英文嘅grandfather，定係中文嘅祖父，之所以噉定名，係在於呢個悖論名約定俗成咗。同樣日文譯得唔夠好嘅名，約定俗成咗，廣爲接受咗，冇問題。

我希望Cantona明白，書面語唔等同於北方話，同樣唔係上唔到書面嘅嘢先係粵語。如你搵到嘅「爺爺悖論」，夠有人話「比較接地氣」，正宗北方話，點解Cantona唔試下去中文維基說服啲人用「接地氣」嘅「爺爺悖論」？我開一個條件出來，Cantona說服到中文維基人接受「爺爺悖論」，噉我對「阿爺悖論」開路畀過。--S7w4j9 (傾偈) 2016年9月20號 (二) 11:32 (UTC)[回覆]

你講到重點啦，「書面語唔等同於北方話」不過，「書面語係基於北方話」。我嘅觀察係，呢度啲人，唔喜歡北方話，亦好鐘意有別中文維基嘅題目，雖然自己唔讚成「為咗唔同而唔同」。User:S7w4j9 我希望命名要附合粵文，尊重粵語。盡力指出其他可能性，我講咗我嘅理由，你可以唔認同我嘅理由。千其唔叫我「去中文維基說服」，我地係一個獨立嘅項目，唔好拉中文維基埋落水。--WikiCantona (傾偈) 2016年9月20號 (二) 12:15 (UTC)[回覆]

即使「基於北方話」依然唔可以等義於「等同北方話」，若講尊重粵語，我唔爲反書面語而反，保留用粵語讀書面詞彙嘅傳統，我覺得我更尊重粵語。去中維說服只係我打嘅一個比喻，講明唔係爲咗「接地氣」就可以亂改詞彙。--S7w4j9 (傾偈) 2016年9月20號 (二) 12:36 (UTC)[回覆]

其實我地唔使講到咁原則性，可以以事論事。而家陣只係得一點，唔用「祖父」用「爺爺」或「呀爺」得唔得？你睇返我嘅睇法（翻譯慨念可譯意），亦舉出幾個例。第二個問題，如果用我地嘅母語去意譯個詞，會唔會有好大嘅影響？甚至描術唔到篇文？你係篇文嘅作者，呢啲問題，你比我嚟得適合 -- 去答。「約定俗成」係好重要，但係，喺呢個題目，閣下認為有幾重要？--WikiCantona (傾偈) 2016年9月20號 (二) 13:22 (UTC)[回覆]

可能係粵維近年來畀我嘅觀感，令我對於「作個詞」呢樣嘢態度保守咗，若係以前，我或者仲會鼓勵。邊個呢？自從來咗嗰個傻閪，一陣又話個個好出名濫用平等，過咗排又話搞「病毒音譯名」，連夏萍都唔畀用，我講緊邊個傻閪，心照啦，唔開名。所以而家我對於作名呢樣嘢態度變保守。喺我眼中睇來，一動不如一靜，少作啲名好過。

封咗隻傻閪啦！！—之前未簽名嘅留言係由210.0.147.85 (留言 • 貢獻) 響2016年9月21號 (三) 05:17 (UTC)所加入嘅。[回覆]

以上只係心境，只係畀人瞭解下我態度保守嘅心理背景。誠然，Cantona提出嘅第二個問，確實唔影響，但我想指出嘅係，唔應該盲目排斥書面詞彙，唔係「越俗越好」；同時正如我提到譯法有好壞之分，我即使係開呢一版嘅人，亦自問無德無能去自作「粵名」，因爲呢個係邏輯學嘅名詞，學科上嘅嘢唔應該自作主張。所以我選擇保守，起碼呢個名唔會有爭議，最多就話佢書面咗啲嗟。

而家呢個版面搞到好似係我同Cantona嘅對講，所以我希望其他人都能夠畀個意見，反對又好，支持也罷，集思廣益。--S7w4j9 (傾偈) 2016年9月20號 (二) 15:18 (UTC)[回覆]

建議維持現狀。若果話個名大家都用開，就咪再起啲騎呢拐名喇，索性就愛返呢個名啦。我學識疏淺，齋畀個意見噉話嗟。广州阿沾 (傾偈) 2016年9月20號 (二) 16:43 (UTC)[回覆]

User:S7w4j9，我好明白同體會閣下嘅心情，對閣下之前嘅參加嘅討論，有時都幾眼火爆，呢啲唔講啦。其實我真係背負唔起「盲目排斥書面詞彙」嘅罪名，一向我都係續篇嚟睇，唔會一竹篙打一船人。如有話要將「蝴蝶效應」改做「崩紗效應」，「黑洞」做「黑窿」，我第一個出嚟返對。點解今次我咁支持改呢？我講嘅蝴蝶效應、黑洞、全球暖化... 雖然有書面語成份，相當深入民心，亂改就好搞笑。「祖父悖論」有幾街知巷聞呢，又用得幾開？不如你話畀我知？

我想指出「越俗越好」係一個繆誤，「祖父」比「爺爺」文雅？「爺爺」比「祖父」俗氣？邊個嚟定先？幾年前有人話：「粵語只是方言，不能登大雅之堂，用以寫百科，哈哈哈！」將佢等嘅話升格成「雅語」，我等為「俗語」，就係呢啲人將我地廣東話踩抵，抬高自己，同埋滅粵推普同出一徹。你哋多位努力寫文嘅作者，可能都會有同感？！--WikiCantona (傾偈) 2016年9月21號 (三) 05:08 (UTC)[回覆]

（我覺得留言再向右推會令版面好肉酸，所以唔右推嘞）

關於祖父悖論嘅知名度，我相信係有嘅，深入人心程度幾何未可知，但絕對唔係無人聽講，而且好有可能係「街知巷聞」。

我認爲「越俗越好」確實係種偏頗。俗係粵語，雅亦係粵語，若果粵語得俗冇雅，噉就真係貶低咗粵語。何以見得口語嘅阿爺係粵語，書面嘅祖父就唔係粵語呢？若果粵語詞彙就淨番咁多，噉粵語真係淪爲表達有限嘅語言囉！

算嘞，我實在唔想喺呢種只係名唔名嘅議題嘈落去，講多無益，若果真係睇書面語覺得佢咁乞人憎，乾脆搬去《希特拉悖論》算嘞，再唔制，斬腳趾避沙蟲搬去《Grandfather paradox》算數嘞。--S7w4j9 (傾偈) 2016年9月21號 (三) 08:06 (UTC)[回覆]