TELEX

Telex （抑或TELEX）係一種根據越南電報信號嘅未標記形式約定嘅越南文打字方法，用喺使國際鍵盤輸入文本到電腦嗰陣。呢種鍵入方法得名自電傳中使開嘅越南文約定。

根據國際鍵盤上嘅Telex約定輸入文本嗰陣時，軟件會自動轉換嗮啲常規字符串變成越南國語字入便嘅特殊字母同埋聲調符號。

Telex嘅優點係表示附加符號嘅鍵都喺字母鍵當中，手指移動短，因此打字速度快。而家呢種打字方法喺越南好普遍而且大多數越南打字軟件都支持埋呢種約定。但係喺要戥越南文並排輸入好多英文單詞嗰陣，特別係喺編程行業入便，佢個弱點亦都十分之明顯，因爲經常出現輸入法會自動畀單詞加埋附標而輸錯噉嘅現象。除開呢點，用隻輸入方案鍵入其他使用拉丁字嘅語言都好嘥時間，因為喺大多數場合，若果輸入法又加埋啲唔想要嘅附標佢，就又需要行多步添，即撳刪除鍵。

歷史

Telex打字法，亦叫電信國語，根源係喺電報機（Telex）上表示越南文嘅慣例，出現喺越南1920 - 1930年陣時，嗰陣要喺郵局發送啲電報；啲電報服務要依賴啲機械同埋基礎設施運行、啲由唔使越南文、僅衹使基本拉丁字母嘅國家製造出來嘅。喺僅衹包含拉丁字母嘅電報上閱讀越南文嘅解決方案即係使用Telex約定。提出呢種打字法嘅人係阮文永。

Telex打字法最初係憑VietStar軟件引入到電腦嘅。之後，佢又經過郭俊玉（Quách Tuấn Ngọc）個BKED軟件再開發過（譬如z, ] 成ư, [ 成ơ...）。後者係憑VietKey，Vietres（使喺DOS）同UniKey而變得普遍。

Windows 10嘅1903版本正式支持唨Telex同埋VNI打字法。

電傳慣例

呢個約定嘅基礎係通過重複兩次原始字母抑或（對於特殊字母）緊隨原始字母之後添埋字母w、與/或（對於表示聲調符號）加添字母f、r、x、s、j之一到字串末尾嚟到表示越南文啲特殊字母與及聲調符號。呢啲係通常越南文拼寫入便冇出現有嘅拼寫（除開「oo」），噉佢就唔會攪亂個含義（w、f、j唔喺越南國語字度有），但係，呢個唔利於編寫與越南同其他外國語言混合嘅文檔。呢個約定完全只使基本嘅拉丁字母嚟表示越南話。

特殊字母

打字	特殊字母	例	結果
aw	ă	trawng	trăng
aa	â	caan	cân
dd	đ	ddaau	đâu
ee	ê	ddeem	đêm
oo	ô	nhoo	nhô
ow	ơ	mow	mơ
uw 或w	ư	tuw 或tw	tư

聲調符號

符號名	聲調	字串尾	例	結果
重音符	玄	f	huyeenf	huyền
尖音符	勅	s	sawcs	sắc
問音符	噲	r	hoir	hỏi
波浪號	我	x	ngax	ngã
下加點	𨤼	j	nawngj	nặng

電腦輸入增補約定

為唨方便鍵入電腦，仲有好多其他增補約定。

零標記鍵入

依家，大多數去附標嘅軟件都具有喺後面加添埋「z」時取消附標嘅功能，例如鍵入「asz」就成「a」。另外亦都可以透過重複輸入字符或（更正重音）來取消標記，譬如，鍵入「bee e r」會係「 beer」，鍵入「her r 」會係「her」。若果文本包含埋非越南話單詞就好方便。

附標亦可以透過繼續鍵入另一個附標代表字符嚟糾正，因為「nhaf s 」就會係「nhá」（=nhas）。

ư戥ơ

某啲越南話鍵入軟件識自動將w轉換為u，將w轉換為U，另外，都可以使用「{」代替ơ，「}」代替ư，上檔shift + { = Ơ，shift + } =Ư。但係，某啲鍵盤唔支持呢個快速鍵入方法。

尾置標記同自動放置標記

喺根據電傳慣例編寫嘅文本上高，代表元音附標嘅字母同埋字母đ 必須緊跟其影響嘅字母。喺鍵入電腦文本陣時，為唨符合手寫順序嘅習慣（附標最屘寫），可以係主要字母抑或同埋聲調輸入唨之後、鍵入埋元音附標嘅字母同埋字母đ。譬如，鍵入「 baan」或「 bana」都會產生「bân」，而「 banfa」都會產生「bần」。要喺單詞嘅末尾正確嘅位置輸入聲調符號，例如要為「 hoàn」，鍵入「 hoanf」而唔係「 hoafn」，因為後者會捱解釋為「 hoà n」（錯誤拼寫）。雖然係噉，而家某啲輸入法經已有能力、去相應自動調整啲標記喺單詞上擺嘅位置。

尾置標記功能適用喺其他編碼方法，例如VNI或VIQR 。

睇埋

• VIQR
• VNI