Template talk:Edittools

「㩒」

原文User talk:HenryLi
「㩒」字應該係「撳」，意思是以手按物，參看粵語審音配詞字庫--Hello World! (✉) 17:17, 28 三月 2006 (UTC)

係咪可以考慮將加入「撳」字喺個模度?--Bencwk 2007年3月17日 (六) 18:17 (UTC)

非常用字

呢度收錄嘅中文字都要係常用、有用先得㗎，大量無標準噉收入異體字（啓）、罕用字（畲），有乜作用？-- tonync (talk) 03:48, 20 四月 2006 (UTC)

據講，M$嘅香港增補字符集係有粗口字嘅，仲有，維基百科唔係作為審查嘅地方。可以睇下英文版嘅en:Wikipedia:What Wikipedia is not#Wikipedia is not censored部分。--Shinjiman ⇔ ♨ 03:54, 20 四月 2006 (UTC)

呢個係輸入捷徑，唔係條目入面用嘅非常用漢字列表。粗口唔係百科全書常用字，所以建議刪除。-- tonync (talk) 14:28, 20 四月 2006 (UTC)

同意, 唔係常用字其實唔使擺係度. 如果唔係, 人人一撳edit就見齊 "門氏五傑", 都咪話唔離譜. --翹仔 14:45, 23 五月 2006 (UTC)

加多句, 擺粗口係個edittools度只會變成鼓吹人用粗口, 到時D 文章變晒粗口版, 一句 "鄧小平「好惡咁鬧」，中國嗰陣堅持一定要「收回」香港" 隨時變做 (恕我用粗口) "鄧小平好惡咁佢，中國嗰陣勁企硬咁話一定要收香港", 咁就真係啼笑皆非. --翹仔 14:51, 23 五月 2006 (UTC)

我嘅意見就係：某啲字係可以保留。但需要註明唔好用呢啲字去做日常討論，嗰啲字最好用番嚟去做文章解釋就足夠喇。--Shinjiman ⇔ ♨ 15:27, 23 五月 2006 (UTC)

鼓吹就講得太誇張喇。其實有都唔會有乜問題，適當地方用到時方便而已。維基係靠社羣來維持，某程度上都會有一啲有形無形嘅規範。如果有人用唔係咁適當嘅語調來寫文，最後都會畀人改。維基人唔會因為呢幾隻字存用，而周不時用粗口來寫文。正如人人屋企都有筆，但都唔會周圍劃花晒啲嘢一樣。係，總有啲人會係咁，但都係好少數。呢類人，都唔會因為呢幾字響唔響度，而唔寫粗口。容我粗鄙啲，『他媽的』，會唔會成日響中文維基出現？fxxk會唔會響英文維基成日出現？幾隻字，咪埋眼睇識打囉。如果維基有一日係人人寫粗口，粗口本身已經人人各個場合嘅日常用語，雅俗共賞，大家亦都好接受啦。何不以平常心來睇，只不過係幾隻字而已，純純綷綷係實用角度考量。HenryLi 16:17, 30 五月 2006 (UTC)

我唔明「如果……粗口本身已經人人各個場合嘅日常用語」呢個論點係點解，咁家吓粗口唔係日常用語吖嘛。而粵語維基亦都唔應該鼓勵用Big-5以外嘅異體字（啓、强等），因為咁會令到搜索引擎查唔到相關字詞。話到底，點解要將唔常用嘅字整成捷徑加喺下面？「適當時候」要打嘅麻煩，絕對輕微過「畀人濫用嘅可能性」多好多；況且中文使用者保守到得人驚，zh版擺完全冇色情成分嘅乳房圖片喺頭版下面，都畀人媽。咁粵語維基為乜要加粗口字呢？真係要查嗰啲字嘅文章，咪自己打囉。-- tonync (talk) 20:43, 1 7月 2006 (UTC)

Big5一向都為人穢病，唔係都唔會有人寄望Unicode，點解要限死響Big5？其實本來就係乜字都唔使有捷徑，只不過一向中文輸入法有好大問題，先至要捷徑嘛。至於粗口，用大路嘅輸入法，大部份根本打到唔到出來㗎。而且整咗咁耐，都唔見有人響唔相關嘅提材用粗口。要來搞事嘅，粗口呢啲字，就算你唔畀佢，佢都一樣可以打到，搵代字，打英文fxxk。至於保唔保守，只要係按維基原則做，就可以放響度。頭版呢，中文維基唔係咁清楚，不過英文維基一向都有講，就算係揀咗做featured article，嘅都一唔定放頭版。頭版同捷徑功用唔同，唔可以拉埋來講。頭版係大門口，係要吸引世界各地唔同嘅人來睇人，咁內容自然考慮多啲。捷徑係方便人哋可以見到，但又唔可以好易打到嘅字，所以放響度。最後總結，維基唔係規範人哋思想嘅地方，只要係合乎維基原則同合乎美國佛羅里達州法律，都可以放響維基。HenryLi 22:23, 1 7月 2006 (UTC)

要睇吓邊個維基嘅伺服器響邊度，如果係日文、韓文、泰文等維基，由於佢哋嘅伺服器響南韓，咁就要合乎南韓嘅法律，但呢個對粵語維基冇影響，因為粵語維基嘅伺服器響美國度。--Shinjiman ⇔ ♨ 06:37, 2 7月 2006 (UTC)

就係因為好多輸入法都唔知點解打唔到香港字，我哋先至要擺晒啲會用到嘅喺度咋嘛. (暫時喺免費嘅輸入法入面，只有微軟嘅速成同倉頡支援香港字。) --翹仔 07:51, 2 7月 2006 (UTC)

搞清楚一件事先。我建議唔加捷徑唔係話要規範用戶思想，規範思想係唔畀粗口類嘅文章出現，我唔同意。唔加捷徑唔同。話：唓，你要破壞用英文破壞都得、要破壞就點都會，咁講似乎樂觀主義咗啲。始終都係嗰句，你擺出嚟就係方便人用、甚至係引誘人用。而大多數場合下，百科全書係唔會用到粗口字嘅。所以英文版唔會有fuck字嘅捷徑打出嚟。而風氣最開放嘅英文版，都有en:MediaWiki:Bad image list嚟篩走部分圖片。咁做係因為平衡咗所謂「自由」同濫用破壞嘅風險下，風險比較大，所以要咁做。粵語版本身好多地方都已經粗俗到不堪入目（啱啱睇到有人嘗試將spammer譯做「屎忽鬼」），再推波助瀾方便人用粗口字，正如翹仔所講，「鄧小平好惡咁佢，中國嗰陣勁企硬咁話一定要收香港」出現會點？-- tonync (talk) 11:55, 3 7月 2006 (UTC)

• 以上講嘅係粗口字。咁唔應該包異體字（啓、强等）喺下面繼續。Henry話所謂「限死」Big-5，似乎誤會咗我意思。建議盡量用Big-5字係為咗規範、方便搜查同埋為日後繁簡轉換鋪路；正如我之前所講，大量咁用異體字除咗令到搜索引擎查唔到之外，亦會妨礙繁簡轉換進行。呢點好處我認為應該重視。-- tonync (talk) 11:55, 3 7月 2006 (UTC)

有關標點

～移動自Wikipedia:城市論壇 (提議)～ （當時最後嘅修訂）

我有以下幾個建議：

1. 將中文標點放入上少少嘅「插入」裏面。
2. 加破折號（「──」（BOX DRAWING LIGHT HORIZONTAL, U+2500））入「插入」。將呢個「－－」（FULLWIDTH HYPHEN-MINUS, U+FF0D）我哋有，「──」好睇啲，呢個「—」（EM DASH, U+2014）太似一日嘅「一」。
3. 加「／」入「插入」。

原因：方便啲--WikiCantona 2007年2月18日 (日) 18:03 (UTC)。

Box drawing light horizontal就唔好喇，因為佢有佢個意思，我哋唔知會唔會有人做unicode廣東話screen reader，畢竟維基重有盲人會讀。重有一個代替品，就U+2015，quotation dash(―)，不過都係fonts問題。其實最大問題都係Unicode無佔兩格嘅省略號同破折號個code point。亦唔識處理專名號同書名號。HenryLi 2007年2月18日 (日) 18:55 (UTC)

我極少用「──」，破折號，因為唔好用，但係，中文標點放入上少少嘅「插入」裏面，或者擺喺一個方便啲（唔洗轉換）嘅位，我套 Cantonese Plug-ins 用【】 「」《》（）、比較差啲。如擺喺一個方便啲嘅位，響改嘢嘅時候係好好用。邊位有強烈嘅反對呢？--WikiCantona 2007年2月18日 (日) 21:45 (UTC)

括號加嘅入去。你用乜系統同軟件輸入㗎？HenryLi 2007年2月18日 (日) 22:02 (UTC)

Mac OS CantoIM，唔駛錢，Mac 嘅 Cantonese plug-in 嘅發展好差 (in official system level)，仲有 Jyutping 添，都係唔駛錢嘅。--WikiCantona 2007年2月18日 (日) 23:06 (UTC)

我睇過佢畀個對應表你咋喎，咁即係可以任你改啦。HenryLi 2007年2月20日 (二) 14:38 (UTC)

無錯，不過未武得呢個表掂。開都未開倒。It will take some times... --WikiCantona 2007年2月20日 (二) 15:02 (UTC)

原本MacOS個倉頡都可以打到唔少廣東字。HenryLi 2007年3月5日 (一) 12:51 (UTC)

～移動完畢～

有關JavaScript利用嘅版本

呢度嘅版本只係存放非JavaScript支援嘅選擇表，至於有JavaScript支援嘅版本就放咗喺呢度。 Shinjiman ⇔ ♨ 2020年10月1號 (四) 03:52 (UTC)