The Amazing Race

出自維基百科,自由嘅百科全書
跳去: 定向搵嘢
搞清楚 呢篇嘢講嘅係喺全球各地系列嘅電視真人show節目。

The Amazing Race

從第23季開始,用到而家嘅LOGO
從第14季開始,用到第23季嘅LOGO
從第2季開始,用到第13季嘅LOGO
從第1季用嘅LOGO

The Amazing Race美國CBS電視台從2001年開始搞嘅一個真人SHOW節目,佢係記低好多對選手喺1個月嘅環遊世界入面搞嘅競賽。呢個節目喺全球各地有13個唔同國家嘅版本。

呢個節目係由愛利斯·多加尼阿利同埋八雲門斯達,佐拿臣·列民係負責整呢部片;而主持人係飄·高根;Earthview Inc.,Bruckheimer Television for CBS Paramount Television同ABC Studios嚟負責整呢部片。

漢字譯名[編輯]

The Amazing Race節目喺漢字界冇固定嘅譯名:

漢字品種
大陆简体 极速前进
港澳繁體 奪寶奇Show
马新简体 惊惶大冒险
臺灣正體 驚險大挑戰

比賽[編輯]

喺一季嘅比賽入面,一共分開咗好多個賽段嚟搞比賽,而每個賽段入面,參賽隊必須要按路線入面講嘅線索嚟搞掂半佬整嘅任務,最後去到終點。邊位最先去到賽段嘅終點嘅話,成日都有賽段獎,而最尾到終點嘅隊就即刻淘汰;但咁啱呢個賽段嘅終點入面,撞正嘅唔係淘汰賽段,最尾到終點嘅隊係唔使出局,不過要接受相應嘅懲罰,一直到得返最後3對選手嚮隊入面搞終極爭霸為止。而終極爭霸嗰日,邊位最先攞咗冠軍嘅就有100萬美金。比賽起點喺自己嘅國家嗰度,跟住中途經過世界入面好多個國家。

現金[編輯]

比賽標記[編輯]

賽段牌[編輯]

賽段牌係路線信息嘅標記,一般喺線索盒嘅上面,重有可能喺某啲緊要嘅建築度。而顏色方面,大多數用嘅係紅、黃兩隻色之間;不過有時係睇情況用黃、白兩隻色之間;甚至係黃、黑、白三隻色之間;黃、綠、白三隻色之間。

正常賽程標記

第8季嘅特殊標記

  • 美國版The Amazing Race第1季用嘅係黃、白兩隻色之間。而第2季開始為咗分清楚個標記先至改咗用紅、黃兩隻色之間。
  • 美國版The Amazing Race第3季入面嘅越南段,就用咗純黃色嘅旗嚟避開同政治有關嘅拗數
  • 美國版The Amazing Race第10季入面嘅越南段,就用咗第1季用嘅黃、白兩隻色嚟避開同政治有關嘅拗數。
  • 美國版The Amazing Race第8季用嘅係黃、黑、白三隻色之間。
  • 巴西版嘅The Amazing Race用嘅係綠、黃兩隻色之間。

任務線索(Clue[編輯]

呢度寫嘅係遊戲入面出現過嘅線索(唔同地區嘅中文版,都係唔同譯法):

路線提醒(ROUTE INFO[編輯]

路線提醒

路線提醒係話畀個隊知,下一站去到邊。一般係直接寫個地名,但有時凈係畀圖或相或一段提示性文字,跟住由個隊自己去搵。有時路線重寫咗指定交通方式(例如凈係可以坐巴士、或行路、或坐有標記嘅飛機、或指定邊啲車),如估唔按規定嘅,罰30分鐘。

路障(ROAD BLOCK[編輯]

路障

「路障」係喺隊入面揀一位嚟搞掂個任務,要兩位先睇過任務係做乜,同埋其他喺度比賽緊嘅隊員表現,先至決定邊位嚟參加呢個任務。而呢啲任務係冇得換人,必須要指定嗰位隊員要搞掂咗任務先至有下一線索。有時呢個任務好了掕,甚至出現揀咗其中一個任務之後,下一個路障任務就冇得揀同一個隊員[1]

分岔路(DETOUR[編輯]

分岔路

分岔路係必須要喺兩項入面是但揀一個任務搞掂,而且呢啲任務有辣有唔辣。每個隊必須要搞掂咗佢哋揀嘅任務之後,先至可以攞到下一線索。大多數嚟講,有一個用雖長時間但容易過關嘅項;同埋雖短時間但難過關嘅項嚟揀(部分任務係有限幾多人嚟搞掂)。

快進方式(FAST FORWARD[編輯]

快進方式

快進方式係畀一個隊嚟跳過嗮成個賽段入面凈低嘅任務,而直接到終點嘅任務。有時一個賽段凈係出一次,有時係同路障或分岔路、路線提醒一齊出現,由選手去揀搞掂邊個任務,但佢有使用限制,因為呢個任務凈係限最先搞掂呢個任務嘅隊攞到,如估喺快進方式入面肥佬咗嘅隊就必須返轉頭去搞掂第啲任務,而且每個隊凈係限用1次。大多數嚟講,用咗快進方式嘅隊係成日第一個到終點,不過有部分情況例外[2]

凍結權(YIELD[編輯]

凍結權

凍結權係邊位最先到呢個位嘅隊嚟話事,強制後面嗰一隊嚟接受罰一個漏斗漏嗮嘅時間。到咗凍結權嘅隊喺攞下一個線索之前,話係咪用凍結權,如估用佢嘅話,就必須喺凍結權嘅牌度(某任務標記附近)黐住自己嘅相同埋要求凍結嘅隊嗰張相。如估俾人凍結咗嗰度嚟咗呢度,必須要調轉個漏斗,等啲沙漏嗮先至可以繼續比賽。不過每個隊最多凈係可以用一個凍結權,而且一個賽段凈係得一個,而且冇限到俾人凍結咗嘅隊次。注意:有凍結權賽段出現嗰陣,路線信息會話「Caution! Yield Ahead!」呢句。

U吞(U-TURN[編輯]

U吞

呢個牌一般有6種,分別係普通U吞(U-TURN)、雙重U吞(Double U-TURN)同埋鬼名U吞(Blind U-TURN)、鬼雙U吞(Blind Double U-TURN),重有投票U吞(Vote U-TURN)同埋自動U吞(Auto U-TURN)。其中前五個係手動,凈低嗰個係自動。

U吞嘅效果係將先到咗嘅隊,強制嗌後面嘅隊搞另一分岔路任務嘅嘢,佢一般出現喺分岔路之後。到咗U吞嘅隊喺攞下一個線索之前,同凍結權一樣,話係咪用U吞。如估用佢嘅話,就必須喺U吞嘅牌度(某任務標記附近)黐住你嗌要返轉頭做另一個分岔路任務嘅隊嗰張相。如估俾人U吞咗嗰隊嚟咗之後,佢哋必須要返轉頭,去做分岔路嘅另一項先至可以繼續任務。不過普通U吞、雙重U吞同埋鬼名U吞、鬼雙U吞嘅用法都係差唔多,但唔同嘅係:

  • 普通U吞(U-TURN):揀咗你嗌要返轉頭做另一個分岔路任務嘅隊嗰張相之後,要加自己嘅簽名張相。
  • 雙重U吞(Double U-TURN):同一賽段可以有兩個參賽隊嗌指定隊返轉頭做另一個分岔路嘅任務,但係一定要整自己嘅簽名張相。
  • 鬼名U吞(Blind U-TURN):同普通U吞一樣,不過唔使加自己嘅簽名張相。但係俾人U吞咗嗰隊嚟咗之後,就唔知邊位U吞你咁大整蠱。
  • 鬼雙U吞(Blind Double U-TURN):同鬼名U吞一樣,但佢可以同一個人連續將你後面嗰兩個隊褪返轉頭做另一個分岔路任務。
  • 投票U吞(Vote U-TURN):各個參賽成員喺賽段開始時,要通過投票方式揀位隊員返轉頭做另一個分岔路嘅任務,不過最後結果冇人知邊個會被U吞,直到做完一個分岔路任務時睇投票結果先至知邊個會被U吞咁大整蠱。

呢嚿牌同凍結權一樣,一個隊凈係可以用一次U吞,而且一個賽段凈係出現一次,但係冇限到俾人U吞幾次。注意:有U吞賽段出現嗰陣,路線信息會話「Caution! U-Turn Ahead!」呢句。但係,如估U吞咗係排喺你自己前面嘅隊啲人係冇用㗎。

而自動U吞(Auto U-TURN)係一般出現喺某季入面,第一賽段嗰度包尾搞掂嘅隊要做嘅任務。佢係做完一個分岔路任務之後,主持人要求話一定要完成另一分岔路任務嘅隊。

緩速脊(SPEED BUMP[編輯]

緩速脊

緩速脊係專門用喺非淘汰賽段入面,邊位最先包尾到終點嘅隊要做嘅任務,其他隊就唔使做。

一齊做(INTERSECTION[編輯]

一齊做

一齊做係要求指定嘅隊揀同另一隊嚟搞掂比賽嘅嘢。喺解散標記未出之前,一齊做嗰兩隊必須要兩個一齊合作嚟搞掂任務。如估有個隊到咗一齊做嘅牌之後,但係其他隊未到嘅話,就必須要等佢哋至少一個隊嚟咗先至得。如估有好多個隊喺塊牌度嘅話,你哋可以隨便揀邊個做拍檔都得。呢個標記喺快進方式入面同樣都有用。

任務重溫(SWITCHBACK[編輯]

任務重溫係一個喺之前幾季入面出現過嘅,但係而家又再出現嘅任務。

賽事[編輯]

賽段(LEG[編輯]

呢個節目嘅成個賽事入面,分開咗好多個賽段,而且啲隊要按跟住嘅提示去搵到嘅線索,搞掂指定任務,跟住去到終點嘅地毯度,等主持人話畀你知係排第幾。不過大多數都係淘汰賽段,啫係話邊個隊包尾到嘅,即刻淘汰。而一小部分嘅非淘汰賽段,邊隊包尾到嘅,雖然話下一賽段重可以繼續,但係有一定嘅懲罰。

非淘汰賽段[編輯]

喺每季嘅比賽入面,都有幾個非淘汰賽段,而呢啲賽段入面,邊隊包尾到終點嘅隊就唔會即刻出局,下一賽段重可以繼續。不過主持唔會話畀你知邊啲賽段係非淘汰賽段。不過包尾到終點嗰隊喺下一賽段入面有懲罰。

雙倍長度賽段[編輯]

雙倍長度賽段係參賽隊去到終點嗰陣,接到嘅係「重未結束」或「繼續去!!!」呢個線索。同其他賽段嘅終點差唔多,不過都有唔同:喺終點嗰度既冇寫到邊隊包尾到嘅會唔會出局,又冇佢當地人嚟話歡迎標語呢啲。

無休止符賽段[編輯]

無休止符賽段係參賽隊去到終點之前,個隊凈係攞到「去終點」嘅提示。如估個隊到咗終點嘅話,佢哋會即時俾主持話繼續比賽,冇得停。不過賽段包尾到嗰隊方面,雖然主持人話佢係最後一位,但唔會即刻淘汰佢哋,而係到咗下一賽段搞掂咗之後,先至知邊隊係正式出局。

即時死亡賽段[編輯]

即時死亡賽段係參賽隊行到半佬就即刻出局嘅方式。就係喺成個賽段入面是但邊個位或任務嗰度,邊隊包尾到嘅即刻淘汰,冇得商量。

雙重出局賽段[編輯]

雙重出局賽段係冚唪唥嘅參賽隊入面,邊位包尾到終點嗰兩隊就一齊出局,冇得商量。

終極爭霸賽段[編輯]

終極爭霸賽段一般出現喺倒數第二同埋最後一個賽段入面,佢係通過前面嘅競爭一直到倒數第三或倒數第二賽段得返最後3個隊為止,正式入終極爭霸賽段。不過呢個賽段嘅難度好高,一般都係先去比較難到嘅目的地做啲任務,跟住就嗌隊員去返拍攝起源國入面嘅某個城市終點。而凈低嗰3個隊要按線索行到終點(除非佢哋收到直接到嘅通知)。而主持人同其他已經淘汰咗嘅隊就喺正式終點嗰度等前三嘅到嗮。而前三嘅就有以下呢啲獎:

冠軍:最高獎金;亞軍或季軍嘅就唔係冇獎,而係根據排第幾嚟攞到幾多錢。

另外,如估第三位落後得太遠而且前兩位到嗮終點嘅話,佢哋班隊員會直接到路線信息站度收到比賽結束嘅消息。

起跑線任務(START LINE TASK[編輯]

起跑線任務係一個喺起跑線開始搞嘅任務。就係參賽隊要解開謎題,話清楚個隊係去邊或搵出同第一個目的地有關嘅嘢。邊隊包尾搞掂嘅,就要接受懲罰或淘汰[3]

直通車(EXPRESS PASS[編輯]

直通車

直通車呢張卡係用嚟跳過喺賽段入面嘅是但邊個任務都得。而呢啲任務就包括咗路障、分岔路、路線信息任務或緩衝脊、對抗任務都得,甚至俾人U吞咗都有效。喺開始任務之前或做緊任務嗰陣用都得,但係呢張卡凈係可以用一次。呢張卡一般係獎畀第一個賽段最先去到終點嗰隊。有啲情況重出現過2張直通車都有[4],不過其中一張留畀自己,另一張喺規定賽段入面畀第個隊。因為同一隊喺成季嘅The Amazing Race入面係唔可以連續用兩張。

但係直通車嘅卡唔係萬能嘅。因為喺第8賽段玩嗮之前一定要用咗佢,如估出現以下呢啲特殊情況嘅例外:

  • 喺第9賽段開始嗰陣,重未用直通車嘅,就一定要喺第9賽段入面用咗佢,冇得傾。
  • 如估有直通車嗰隊喺第8賽段或之前,試過因為包尾到終點而淘汰嘅。噉直通車就會轉到有直通車嗰隊而包尾到終點嗰個賽段入面,最先到終點嗰隊。
  • 快進方式任務入面係唔用得。

崖广障礙(HAZARD[編輯]

崖广障礙

崖广障礙係起跑線任務入面,邊隊包尾到終點而接受嘅懲罰,而其他隊就唔使做。喺搞掂咗一項任務之後,接受咗懲罰嗰對就會有份唔同嘅線索,話佢哋去指定地區搞次牙煙障礙嘅挑戰。而呢個任務凈係限一個隊員嚟搞掂。另外,有時重會出個自動U吞嘅嘢。

免死金牌(THE SAVE[編輯]

免死金牌係成季The Amazing Race嘅第一賽段入面,最先到終點嘅隊先至有份。如估嗰隊喺第二個賽段開始,一直到得返4位參賽隊為止而且重係淘汰賽段(是但一個)入面咁啱係包尾到嘅,噉就可以用佢。[5]

賽段終點(PIT STOP[編輯]

賽段終點係每個賽程嘅終點。一般係有主持人同佢當地嘅人喺印住節目標記嘅地毯度等參賽隊嚟。佢最先係當地人講「歡迎嚟到※[6]」(Welcome to ※[6]),跟住主持人就會講成噉:

  • 如估某個隊順利到咗終點:「@[6],你係第#[6]位!」(@,You're the No. #!)。
  • 如估某個隊犯咗規:「@[6],你係第#[6]個到呢度。」(@,You're the # team to arrive.),之後跟住話畀嗰隊知咩消息。
  • 如估某個賽段重有下集:「@[6],你係第#[6]個到呢度。」(@,You're the # team to arrive.),之後跟住話重有下個賽段嘅嘢。
  • 如估某個隊最後一個到:「@[6],你係最後一個到呢度。」(@,You're the last team to arrive.),之後跟住話畀嗰隊知咩壞消息。
    如估係非淘汰賽段:「好消息嘅係XXXXX,但壞消息嘅係XXXXX。」(Good news is ***. However, bad news is ***.
    如估係淘汰賽段而且嗰隊咁啱冇免死金牌嘅:「我唔好彩話畀你哋知已經淘汰咗。」(I'm sorry to tell you that. You've been eliminated.
    如估咁啱有第個隊喺度罰緊時:「但係*[6]隊喺度罰緊時,所以你哋係第#[6]位到呢度嘅!」(However. * remains making a penalty time, So you're the No. #!

而上面嘅參賽隊係按一個隊嘅兩位一齊到地毯嘅順序嚟話係第幾,但有出現過同時到終點嘅嘢:

  • 如估兩個隊同時到終點嘅話,就睇上一賽段邊隊最勁嘅排先[7]
  • 如估係包尾兩個隊都嚟嗮終點嘅,就睇上一賽段邊隊最屎油嘅出局[7]

懲罰[編輯]

呢度冚唪唥嘅隊必須按返The Amazing Race嘅遊戲規則嚟搞比賽。如估喺部分任務違反咗規則或棄權任務嘅話,要接受罰時,可能會直接或間接影響到嗰個隊係咪淘汰咗。

  1. 除非任務有特殊情況講明,成員之間可以離得遠啲(例如路障任務)之外,隊伍內成員之間必須要保持20呎(18尺,6米)嘅距離,重要俾節目嘅攝製隊同埋錄音隊影到(計埋用緊其它交通工具)。除非有第啲情況或突發意外事件,否則兩隊之間要跟埋攝製隊(因為節目製作時會根據隊伍嘅參賽成績情況而定,係咪下個賽段買2張機票定入唔入到最終挑戰。)同埋唔可以離得太開[8]
  2. 每個隊必須要買經濟艙嘅飛或畀經濟艙嘅錢去商務艙或頭等艙。
  3. 隊入面唔可以向識嗰啲人幫手,凈係可以向當地人、旅行社或航空公司等呢啲人嚟幫手。
  4. 漏睇邊條規則而犯咗規嘅,罰停半個鐘。
  5. 特登違反線索規定而去到終點,罰停24個鐘。
  6. 唔按分岔路嘅任務就亂咁搞,罰停至少15分鐘。
  7. 喺線索箱入面攞咗超過1份路線信息,搞到後嚟到咗嘅隊話攞唔到線索而干擾其他隊嘅正常比賽,罰停半個鐘。
  8. 任何干擾第個隊嘅行為(偷人哋嘅車同埋亂咁扽埋人哋一定要用到嘅嘢、護照、財物等),罰停半個鐘。
  9. 唔參加挑戰路障任務,唔同版嘅處罰都唔一樣。美版要罰4個鐘;深圳版同以色列版要罰1個鐘;。如估之前有未搞掂嘅任務而出咗罰時嘅,就另外計。
    9-1. 如估嗰個放棄咗嘅路障任務嗰隊出嘅罰時,咁啱撞正嗰間話罰時嘅鋪頭話收咗檔之後重係堅持繼續比賽嘅,噉罰時將會掟到終點嗰度繼續罰,罰到用嗮罰時為止。
    9-2. 如估嗰個放棄咗嘅路障任務嗰隊出嘅罰時,咁啱話唔玩嘅情況:
    9-2-1. 如估冚唪唥嘅隊都係嚟嗮路障任務嗰度,噉罰時嗰隊喺開始罰時嗰陣即刻可以話退出比賽。
    9-2-2. 如估凈係得一個隊嚟咗路障任務嗰度,就一定要等第個隊嚟咗先至可以話得退出比賽[9]
    9-2-3. 如估凈係得返最後一個隊嚟咗路障任務嗰度,噉主持人即刻過嚟宣佈佢嘅淘汰消息[10]
  10. 唔參加挑戰分岔路任務,罰停6個鐘。
    10-1. 如估嗰個放棄咗嘅分岔路任務嗰隊出嘅罰時,咁啱撞正嗰間話罰時嘅鋪頭話收咗檔之後重係堅持繼續比賽嘅,噉罰時將會掟到終點嗰度繼續罰,罰到用嗮罰時為止。
  11. 半佬冇坐指定交通工具嘅,罰停15分鐘;重有可能要請返去上一線索位度用返啱嘅方法去到終點[11]
    11-1. 如估的士司機夾硬唔畀指定嘅隊上車嘅,雖然話唔使罰停幾耐,但係唔見咗嘅時間冇得補返。
    深圳衛視版The Amazing Race第1季第6賽段嗰集嘅截圖,張鐵林話因為張月亮喺漂流入面唔小心扯傷咗隻左腳膝頭箇,唔想繼續任務落去,喺到咗終點之後卒之俾主持罰咗1個鐘。
  12. 唔參加路線任務嘅,罰停一個鐘[12]
  13. 邊隊喺冇錢嗰陣唔畀行乞(包括用私人物品嚟抵消費用)。違反規定嗰隊,罰停2個鐘(睇幾多次而疊加)[13]
  14. 如估未搞掂任務而直接到終點嘅話,會俾主持話未完成任務,必須要返轉頭搞掂咗先至得。
  15. 如估未搵到提示就直接去到終點站嘅位就話簽到嘅,即刻要嗌佢返轉頭搵返嗰個線索之後先至可以返嚟[14]
  16. 如估漏咗某個線索而無意發現咗下個線索重繼續任務嘅話,同樣都要返去搵返線索先至得。
  17. 一個隊入面可以喺任何時間入面都要俾製作隊查錢同嘢,如估半佬有人唔見咗護照,噉唔見咗護照嘅人嗰隊一定要搵返護照先至得,唔係嘅話,馬上淘汰出局。
  18. 如估唔係自己責任搞到嘅大頭佛:
    18-1. 交通工具死火——唔使罰停幾耐。
    18-2. 自駕車——節目組會安排第部車,但唔見咗嘅時間冇得補返。
  19. 如估搭緊的士嗰陣冇特殊情況嘅話,一定要畀錢。唔係嘅話,即使到咗終點都冇用(因為會俾主持話返去畀錢)。
  20. 如估自駕車嗰陣出現超速駕駛嘅,罰停半個鐘。
  21. 參賽隊喺比緊賽嗰陣唔畀食煙(唔理去到邊度都係噉)。
  22. 參賽隊雖然話可以按第8或第9或第11條嚟放棄或拒絕任務,但係連續放棄或拒絕任務嘅,一律取消比賽資格。
  23. 每個參賽隊之間唔可以同其他參賽隊換轉線索,如估出現呢個情況就要按上面嘅規定懲罰處理[15]
    23-1. 唔畀通過暴力手段夾硬搶或攞其他參賽隊嘅線索。違反規定嗰隊,直接取消比賽資格[15]。如估出現打交(唔理係個人定集體)事件(一般嚟講好少見),唔單止取消比賽資格嘅同時,仲會交畀警方處理單嘢。
  24. 若果參賽隊喺比賽中途,是旦一位成員俾非參賽成員偷咗財物(例如護照),淘汰賽段將會順延到下一段結束前搞返指定財物為止,唔係嘅話下個賽段完咗之後直接淘汰出局。

唔同國家嘅版[編輯]

     而家喺度播緊       計劃準備整       唔再搞落去       未知或已經搞掂嗮 

國家或地區 標題名 所屬電視台 播放年份 季數
播過/播緊 將會播
 美國 The Amazing Race CBS 2001– 28 唔適用
Asia (orthographic projection).svg 亞洲 The Amazing Race亞洲版 AXN亞洲 2006–2008, 2010 4 唔適用
 澳洲
 紐西蘭 (2014)
The Amazing Race澳洲版
v New Zealand (Season 3)
Seven Network
TVNZ (TV2) (Season 3)
2011– 2012, 2014 3 唔適用
 巴西 The Amazing Race巴西版 RedeTV! 2007–2008 1 唔適用
 加拿大 The Amazing Race加拿大版 CTV 2013– 4 1
 中華人民共和國 The Amazing Race加油中國版 上海外語頻道
CCTV-9(今日嘅CGTN)
2010–2012 3 唔適用
The Amazing Race深圳衛視版 深圳衛視 2014 4 唔適用
 法國 The Amazing Race法國版 D8 2012 1 唔適用
 以色列 The Amazing Race以色列版
希伯來文המירוץ למיליון
以色列2台 2009– 4 1
Latin America (orthographic projection).svg 拉丁美洲 The Amazing Race
en Discovery Channel (Season 1–2)
Edição Brasil (Season 4)
發現頻道
(Season 1–2)
Space
(Season 3–)
TC電視台
(Season 6–)
2009– 6 唔適用
 挪威 The Amazing Race挪威版 TV 2 2012–2013 2 唔適用
 菲律賓 The Amazing Race菲律賓版 TV5 2012, 2014 2 1[16]
 烏克蘭 The Amazing Race烏克蘭版
烏克蘭文Великі перегони
1+1 2013 1 唔適用
 越南 The Amazing Race越南版
越南文Cuộc đua kỳ thú
VTV3
(第1~2、4季)
VTV6
(第3、5季)
VTV9
(第5季)
2012– 5 唔適用

[編輯]

  1. 深圳衛視版極速前進第一季第2集——陳小春同鄭伊健嗰隊因為兩個路障都係揀咗同一個人而違反咗規則,俾主持罰咗30分鐘。
  2. 美國版The Amazing Race第1季,有4個隊試過;美國版The Amazing Race第20季第10賽段,Bopper & Mark最後一個到終點
  3. THE AMAZING RACE美版第8季就試過Black隊因為起跑線搵唔到線索而接受懲罰。THE AMAZING RACE美版第15季嘅Eric & Lisa隊,就試過喺起跑線搵唔到線索而接受淘汰。重有THE AMAZING RACE加油中國版第3季,Robert & 郝為加嗰隊又係因為喺起跑線搵唔到線索而接受淘汰。
  4. 美版THE AMAZING RACE第22——24季;深圳衛視版THE AMAZING RACE第1季。
  5. "New Season, New Twist". CBS. 2014-08-28. 喺2014-08-29搵到. 
  6. 6.00 6.01 6.02 6.03 6.04 6.05 6.06 6.07 6.08 6.09 6.10 呢度寫嘅標記係:
    ※係參賽隊去到嘅指定城市;@同*係指定參賽隊;#係指定名次。
  7. 7.0 7.1 "Amazing Race's Abbie and Ryan: Flight Connection Drama Was "Bizarre" - Today's News: Our Take". TVGuide.com. 2012-11-26. 喺2012-12-03搵到. 
  8. TAR FAQ: Basic Rules. Are teammates ever allowed to separate? Retrieved on January 15, 2007.
  9. "Do You Need Some Mouth-to-Mouth Resuscitation". The Amazing Race. 第7節. 第3集. 2005-03-15. CBS. 
  10. The Amazing Race美版第5季第6賽段,Marshall & Lance因為最後一個到路障嗰度話放棄比賽,加上凈低嗰6個都去嗮終點,而主持直接去到路障嗰度宣佈佢淘汰出局。
  11. 深圳衛視版The Amazing Race第1季第5賽段,辰亦儒同埋周韋彤嗰隊因為冇按照路線線索而到終點,逼到返轉頭。
  12. 深圳衛視版The Amazing Race第1季第6賽段,張鐵林同埋張月亮嗰隊因為半佬話唔參加激流任務而到終點同埋第9賽段嘅陳小春同鄭伊健嗰隊唔做生食章魚嘅任務,都係逼到罰1個鐘。
  13. The Amazing Race美版第14季第8賽段,Mark & Michael因為兩次私人物品嚟抵押車錢,去到終點嗰陣俾主持罰咗4個鐘。
  14. The Amazing Race美版第7季第8賽段前半,Meredith & Gretchen;The Amazing Race美版第13季第10賽段,Ken & Tina)。
  15. 15.0 15.1 [http://tieba.baidu.com/p/3358138406 【极速前进】深圳卫视《极速前进》比赛规则详细说明]
  16. Jojo Gabinete (September 28, 2014). "THE SOURCE: Aktor, umamin sa kanyang sexual orientation!" (用Filipino寫). Abante Tonite. 喺October 11, 2014搵到. 

出面網頁[編輯]