Wikipedia:正文標準

正文工具： 乜嘢係正文？ 正文候選 正文檢討 "是日正文" 呢一年條隊 正文升格記錄 正文落選留底 正文統計 先前嘅正文

乜嘢係正文zeng3 man2？「正文」即係維基百科全書之中至為標青嘅文章，文筆與及內容都係專業水準。

推舉正文嘅時候，維基百科編輯會跟五大原則：「雅」、「齊」、「準」、「中」、「穩」。

1. 雅，係指文筆優雅，讀出嚟嘅時候流暢。
2. 齊，係指文章涵蓋主題嘅每一個範疇，並有足夠嘅細節，唔會甩漏。
3. 準，係指文章內容準確，無錯料，所有內容都能夠歸屬到可靠來源，清晰咁用註腳表達出嚟。
4. 中，係指角度中立持平，喺闊嘅題材度揀重要嘅範疇嚟寫，喺有爭議性嘅題材度按觀點嘅重要性嚟分配篇幅。
5. 穩，係指內容穩定，唔會成日打編輯戰。

喺寫作風格方面，一篇正文亦會達到以下標準：

1. 文頭：篇文開頭，目錄之前，應該有一段幾百字嘅概要，概括篇文嘅內容。
2. 分段：有條理咁用細標題同分段，等讀者可以直接跳去適當嘅小節搵佢想要嘅內容。
3. 引用：格式清晰、風格流暢咁引用出處，等讀者知道點查證文章內容。
4. 聲畫：用適量嘅自由插圖去增潤文字，令文章更淺明。如果題材啱用，仲可以加動畫或者錄音添。
5. 長度：要夠長去涵蓋題目所有重要嘅範疇，但唔好太長太唚。如果啱用嘅內容太多，應該拆做幾篇文，然後用撮要風格寫篇正文。