簡諧運動係力學上成日會講到嘅一種週期性嘅郁動，係振盪嘅一種。用日常用語講嘅話，簡諧運動係指一股力係噉作用喺一件沿直線郁動嘅物體身上，而呢股力嘅數值大細同件物體離一個中心點嘅位移成正比，而且同個位移方向相反，所以嚿物體一離開個中心點就會受到股力推佢返去中心點嗰度。
