Wikipedia:破壞

出自維基百科,自由嘅百科全書
如果你想申請保護或解除保護,請到WP:管理員留言板
畀人破壞,維基妹喊喇

破壞係指專登透過插入、拎走或者修改內容去降低維基百科全書質素嘅行為。最普遍嘅破壞包括插入猥褻、誹謗或者其他唔三唔四嘅內容,又或者洗晒成版嘢。

雖然有啲維基人嘅行為可能違反咗維基社群嘅共識或者守則,但係只要佢哋懷有改進維基百科嘅善意,咁就唔計破壞。另外,編輯戰都唔計破壞。你要諗清楚,先至可以分到到底邊啲改動有益,邊啲係好心做壞事,而邊啲係破壞。如果將人哋嘅善意改動攪錯做破壞,咁就唔好喇!

任何人都有權發現同處理破壞,如果你處理唔到破壞,麻煩你話畀其他人聽。

2002年IBM嘅研究表明,英文維基百科入面大多數明顯嘅破壞會喺五分鐘內畀人整返好。但係,破壞依然可能影響所有用戶,喺你編輯一個頁面之前,唔該先檢查一下呢個頁面嘅歷史,睇下有冇漏網嘅破壞。

唔係所有破壞都係顯眼嘅,亦唔係所有大量嘅或者有爭議嘅修改都係破壞,喺確認新數據或者資料係唔係正確,或者係善意動機下嘅錯誤,或者係全然嘅破壞嗰陣,大家要小心。