Wikipedia:粵語標點符號使用習慣

出自維基百科,自由嘅百科全書
Jump to navigation Jump to search
Purple question mark.png 以下係一個提議緊嘅維基百科政策、指引,或者程序。個提議可能重喺度討論緊,又或者尋求緊共識。喺呢一版嘅參考或者連結唔應該當做「政策」。

一個提議嘅接受或者拒絕係唔會按照數票數而去決定。

說明[編輯]

伊份規則係記錄兩廣同港澳之間書面粵語使用標點符號嘅差異。目前由於兩廣要突破封鎖先至上到維基百科,因此粵語維基百科多數人都跟港澳習慣,但係唔應該因為咁樣就用一套習慣去否定另一套習慣。因為學似陳永明老師話齋,「習慣伊樣嘢,係好難話焉個啱,焉個唔啱嘅」[1]

由於香港同廣東政府都從來未推出過官方嘅粵語標點符號使用規則,所以伊套規則祇係約定俗成用法嘅總結。另外,唔同嘅學科有各自嘅使用標點符號嘅規則,編寫關於科學(尤其係科學公式)嘅頁面嘅相關內容嘅時候,應該跟返相應學科使用標點符號嘅規則。

常用標點符號一覽[編輯]

符號 用法 位置
兩廣 港澳 兩廣 港澳 兩廣 港澳 兩廣 港澳
句號
表示句子結束。 佔一個字嘅位置,橫排居左偏下,豎排居右偏上。 佔一個字嘅位置,居中。
問號
表示疑問句結束。
嘆號、
感歎號
感歎號
表示有強烈感情色彩嘅句子結束。
逗號
表示句子停頓但係重未結束。
頓號
表示分隔同一系列嘅唔同事物。
分號
用來分隔一個並列句當中嘅唔同分句。 少用,唔清楚,用法似頓號。
冒號
用來表示開始引用或者詳盡說明。
引號
“ ”
「」
﹁﹂
表示唔加改述嘅引用。 左右符號各佔一個字嘅位置。由於兩廣已經甚少再用竪排,所以好少再用﹁同埋﹂。 左右/上下符號各佔一個字嘅位置。
‘ ’
『』
﹃﹄
喺引號裏面再用引號嘅時候用。由於兩廣已經甚少再用竪排,所以好少再用﹃同埋﹄。
圓括號/括號
()
用於注釋。 左右符號各佔一個字嘅位置。
方括號
[]
引用文獻嘅時候用來表示校正。
六角括號
〔〕
少用。
方頭括號
【】
講字或辭用,例:【㢌】。
破折號
——
用來表示注釋或者突然換話題。 佔兩個字嘅位置。打字嘅時候,因為編碼嘅問題,所以睇起身好似係分開嘅兩橫,但係書寫嘅時候中間唔可以斷開。竪排嘅時候居中。
省略號
……
……
用來省略唔需要嘅文字,或者表示講話斷斷續續。 用來省略唔需要嘅文字。
連接號
用來喺專有名稱入面連接兩個人名,通常用於翻譯以兩個或以上外文人名命名。 佔一個字嘅位置。
——
佔兩個字嘅位置
-
用來喺專有名稱入面連接用西文字母寫成嘅人名,通常用於翻譯以兩個或以上外文人名命名。 佔半個字嘅位置。
用來表示數字區間。 佔一個字嘅位置。
問隔號
·
用來分隔外文人名嘅姓氏同名稱,特別係名稱喺姓氏前邊出現嘅時候。 極少再用。 佔一個字嘅位置,上下居中。
,
用來分隔阿拉伯數字,每三位為一節。由於同唐話每四位升一級嘅語言習慣唔相符,所以喺廣東唔常用。 用來分隔阿拉伯數字,每三位為一節。由於香港曾經係英國殖民地,所以一直跟英國一齊用。 佔半個字嘅位置。
書名號
《》
用來表示書名、電影名、歌名、畫名等等。 多數用喺書名。歌名、畫名少用 左右符號各佔行中一格。
〈〉
喺書名號裡面再用書名號(引用書中章節)嘅時候用。 少用。 左右符號各佔行中一格。
﹏﹏
表示書名。比較少人用。 文字下面畫波浪線。
專名號
__
用來表示人名同埋地名。 用來表示人名同埋地名,通常用於電視/電影字幕。 文字下面畫直線。

半角符號同全角符號[編輯]

使用雙子標點符號嘅時候,一定要注意半角同全角嘅問題。通常中文字(或者其他東亞文字)用全角符號,西文名稱用半角符號。但係無論用半角定係全角符號都好,一半用全角,另一半就唔應該用半角,調返轉頭都一樣。

參考[編輯]

  1. 出自《中文一分鐘》