Wikipedia:風格指南

出自維基百科,自由嘅百科全書
維基百科:格式指導
風格指南
增補格式手冊

傳記
命令行範例
破折號
日期和數字
標題
連結
數學
音標
路標文章
姊妹計劃
題目
商標

特殊頁面指導

搞清楚頁
中國相關文章
日本相關文章

其他指導

點樣編輯一頁
版面指南
題注
分類
人物分類
文獻的引用
行話解釋
註腳
更優秀文章寫作指南
列表
命名約定
圖片指南
固有名稱
章節
術語和定義

格式手冊嘅目的好簡單:令格式整齊統一。以下規矩則並非金科玉律。各種格式並無咩高低,但如果每人都遵用同一格式,維基百科就會更易讀好用,編寫亦方便。

注意:清晰、豐富、中立三原則重要過任何格式。

以下規矩只不過係建議。編輯維基嘅樂趣在於未必凡事都要完美。

其他維基人編輯維基百科時會按照爾篇指引修正唔合規格嘅文章,文章就會漸漸符合指引內容。

文章題目[編輯]

文章標題應該係第一句嘅主語(而非謂語)。

文章標題第一次出現時,請用三對半形單引號括住,令渠成粗體。例如:

你咁寫'''文章題目''',就會出現:文章題目

唔好喺題目加方括號作連結。

描述文學作品、影視作品等嘅文,請照常用書名號《》;描述非中文、或無通用中文譯名概念嘅文章,可以喺提及文章名稱後,括住原文個詞。

如果該名稱嘅來源係外語,請在括號裏加上標明語言嘅外語原名。同樣,化學元素符號,化合物嘅化學式,生物嘅拉丁文學名都應該跟隨其中文譯名之後。總之,係中文嘅維基百科,只要係中文嘅都應該優先提及。

例如:

  • 勾股定理,又稱商高定理畢達哥拉斯定理(Pythagorean theorem),係基本幾何定理……
  • 蘇維埃社會主義共和國聯盟(俄語:Союз Советских Социалистических Республик1922年12月30號1991年12月26號),簡稱蘇聯,……

如果文章主題有多過一個常用名,每個名第一次出現嗰陣都要用粗體

  • 氫氧化鈉NaOH),俗名火鹼燒鹼苛性鈉……

文章首句請盡可能帶出文章所屬嘅主題,例如:

譯名[編輯]

專有名詞同術語嘅翻譯方法請睇Wikipedia:翻譯Wikipedia:粵語文字專有名詞翻譯規則

簡單嚟講,就係用廣東、香港嘅粵語媒體最常用嘅譯名。如果常用名喺按其他漢語族語言嘅發音嚟定嘅,而爾個發音用粵語讀出嚟又真係唔啱音,咁可以考慮重新翻譯。若果譯名有爭議,或者根本無常用嘅粵語譯名,咁可以用原文,或者用拉丁文字語文常用嘅拉丁文字寫法。用來做標題時,拉丁字母最好同中文前後隔一格,好似Hecke 代數,咁會易睇啲。

傳記[編輯]

請睇Wikipedia:風格指南/傳記

朝代、唔再適用嘅地名等嘅歷史概念,應該註明有效時間。人物就應該提及生(同死)嘅年月日。

時間、數字、度量衡[編輯]

請睇Wikipedia:風格指南/日子同數字Wikipedia:標題習慣

日子一般要用公元紀年,年份時請喺年份後加上「年」字,避免同其他數字撈亂。公元前應該喺年份前加「前」字。例如:

  • [[386年]]
  • [[前537年]]
  • [[10月10號]]

為避免同公元1世紀年份撈亂,「1978年」唔應該寫成「78年」或者「七八年」。 有必要嘅話可以用干支紀年、朝代年號、農曆月日等,如是者請用漢字。冇特殊情況,朝代年號唔使另加干支。如果毋會因跨越朝代等因素引起歧義,唔使重複加上朝代。用非公曆日期表示後,請隨即用括號同阿拉伯數字表示公曆日期。如果歷史紀年本身已經用括號括住,就唔使重複,用全形逗號分隔。例如:

  • 康熙五十年([[1711年]]
  • (康熙五十年,[[1711年]])

日期段應該用「至」字或全形連字符「-」(Unicode:U+FF0D)連接,例如:

  • 1906年至1967年10月17日
  • 1906年—1967年10月17日

唔好用波浪紋:

  • ~、~

一般數字應該用半形阿拉伯數字,唔好用全形。大數應該用萬億兆等字分位,但千分撇(半形逗號)都唔係唔得,例如:

  • 123萬4567.89
  • 1,234,567.89

度量衡一般應採用國際單位制。

章節標題[編輯]

請睇:Wikipedia:格式手冊/章節標題

請用格式代碼==生成標題,最上層標題請用兩個等號==,而唔係用製造粗體標題。如果您覺得噉嘅標題字體太大,嗰個係維基百科嘅統一樣式,可以嘗試調校您嘅瀏覽器。噉樣製造標題能夠製作自動摘要編號,同時喺爾個格式下,標題文字會喺自動搜尋時獲得更大權重。

請儘量避免喺標題加連結,因為唔係隻隻瀏覽器都能夠清楚顯示噉嘅標示,最好做法係佢哋放到標題下面內容嘅第一句。

請唔好喺標題用<math>標記,唔係目錄就會好亂。

一覽表格式[編輯]

內文:Wikipedia:風格指南/一覽表Help:一覽表Wikipedia:風格指南/作品一覽

作品名格式[編輯]

內文:Wikipedia:標題習慣

圖片說明格式[編輯]

相片或其它圖片都應該加上說明,除非爾種說明係好明顯多餘(例如書嘅封面)。標示圖片嘅方法係:

  • [[File:picture.jpg|thumb|圖片簡介文字]]

圖片簡介應該盡量精簡。

標點符號[編輯]

內文:風格指南/標點符號

請用正規中文嘅標點符號。同時請注意以下特別格式:

  • 喺文章請使用全形標點符號(,、:;.。?!)而唔係半形(,:;.?!)。
  • 百分比(%)由於只係喺阿拉伯數字中使用,一如數字格式請用半形。

冒號[編輯]

請喺中文行文用冒號(:)而唔係比號(︰)。

引號[編輯]

喺粵文維基百科請統一用(「『』」);(「」)在外、(『』)在内。請唔好用直斜引号(〝〞)或者半形直角引號(「」)。

引用說話嘅時候,應該按個別情况適當選擇句中標點嘅位置,而唔係次次都將引句連埋標點放入引號之内。例如「小心!」一句中嘅標點係喺引號之內。但若果用嘅係着重引號(scare quotes),標點就唔應該包括喺引號之中。

另一例:

孔子話君子係「坦蕩蕩」嘅。(只引用某句嘅一部份)
孔子話:「君子坦蕩蕩。」(引用成句句子)

請注意如果你係引用幾段文字嘅話,每一段都要用開引號開頭,但只需要喺最後一段嘅最尾加上結束引號。

如果引用嘅英文等其他語言嘅文字之中重有引號,按其他語言嘅一般規定嚟做。注意如果係半形文字嘅話要用直引號

  • ' "

而唔係彎(智能)引號

  • ‘ ’ “ ” `

Microsoft Word等文字處理軟件可能會同你自動轉換成彎引號,請多加注意。

用斜體字[編輯]

連用兩對半形單引號可以將中間嘅文字變成斜體。例如:

  • ''Romeo and Juliet'' is a famous play by William Shakespeare...會顯示Romeo and Juliet is a famous play by William Shakespeare...

西文嘅斜體一般相當於中文嘅書名號。請注意中文並無斜體用法,所以喺粵文維基百科,請唔好濫用斜體,例如:

  • 喺撰寫''羅密歐與茱麗葉''期間,莎士比亞……正係錯誤使用嘅例子。應該寫成:
  • 喺撰寫《羅密歐與茱麗葉》期間,莎士比亞……

爾種情況喺翻譯西文維基嘅文章時容易岀現,敬請留意。

感嘆號[編輯]

由於感嘆號本身嘅强烈語言色彩,太過文學化,因此除非係源自引文,唔係就最好唔好用。


科學文章格式[編輯]

引用外面資源嘅格式[編輯]

內文:Wikipedia:根據

自由連結嘅格式[編輯]

我哋鼓勵所謂嘅「自由連結」:當您見到篇文某啲字詞名值得讀者參考閱讀嘅話,請用[[]]代碼轉成內連結。但要注意唔好整得太多,例如唔好將一句嘅每一個詞,或者成篇文都為同一個詞作出多次連結:只要連結第一次出現嘅嗰個詞就夠喇。

符合標題習慣嘅連結會更容易成功連接到已存在嘅文;即使嗰篇文條重未存在,噉嘅連結都能夠令遞時新增嘅文得到啱嘅名。

連結顯示嘅文字唔一定要同目標文章嘅名相同,好似[[朱熹|朱子]]。但請確保讀者唔使撳連結都可以知道連結嘅目的地。

請儘量準確噉連結。如果您想連結嘅文重未存在,請先搜尋下去確定嗰篇文真係唔存在──佢實際嘅名可能只係同您所諗嘅名差少少。

「睇埋」嘅格式[編輯]

一啲未喺文中自由連結嘅有關題目可以非正式噉用「睇埋:」來處理,例如:

如果您想喺文中明確表明某篇文嘅連結好有用,可以喺其他地方整連結:

有時可以用更正式嘅方式來表達相關題目嘅連結:

== 睇埋 ==
*[[表達主義]]
*[[立體主義]]

網址格式[編輯]

維基百科唔係互聯網連結嘅收集處,我哋絕對唔鼓勵得連結嘅頁。但列出一啲更深入、更詳盡嘅互聯網資料作參考係適當嘅,尤其係當您用咗某網頁作主要嘅資料來源。

要令網址變成連結,只需要將佢放入一對方括號之間,[地址 空白後附加描述文字]。網址一定要以「http://」或其他形式(好似「ftp://」)開頭。除非您直接引用網址作為您嘅參考文獻,否則可以考慮利用以上方法來隱藏網址而只顯示描述文字。一頁嘅「可打印版」會將所有網址顯示嗮出來,而冇資料會流失。

冇附加描述文字嘅外連結會以註腳形式顯示:

如果網址後面有一格空白同文字,就會顯示文字:

如有需要可以用爾個辦法將網址放喺內文:

但喺大多數情況,將網址放到文章最底嘅爾個標題下面會更清楚:

  • == 出面網頁 ==

同其他標題一樣,用兩個等號嚟整爾個外連結嘅標題(睇上面嘅「章節標題」)。

表格[編輯]

內文:Help:表格

唔好玩花巧[編輯]

假如你用格式代碼唔係太花巧,噉對您或者其他後來嘅編輯者都會較容易編輯。即使係爾頁所建議嘅代碼,您都唔應該假定您所輸入嘅某個代碼,喺顯示嗰時保證會有效果。

如果我哋將格式代碼寫得比實際需要嘅更簡單,噉顯示、編輯同加入文章都會變得更容易。建立一個有用嘅百科全書係首要任務,但保持爾個百科喺編輯同維護上嘅容易程度就僅次於佢。

其中一點就係到真係有必要嘅情况至好用HTML格式代碼。

文底[編輯]

以下關於文章設定嘅維基字會擺喺文底:

  • 分類

傳統上,楔模會貼喺分類以下,因為楔模會生成分類。不過自從即見編輯啟用之後,為免程式衝撞,而家一般會擺晒所有模喺分類之上。

有問題點算[編輯]

規矩係死嘅,人係生嘅。如果對指引有咩唔明,或者想提出修訂,可以去Wikipedia talk:風格指南或者Wikipedia:城市論壇 (政策)提出。

粵文維基百科嘅編輯指引好大程度上承襲英文維基百科同中文維基百科,然後再按實際需要本土化。所以,如果粵文維基百科嘅指引無寫清楚,可以參考中文同英文維基百科嘅相關指引: