丼

丼，讀dam²，係個象聲詞，係拋嚿石頭入去個井度，發出來嘅聲。例如：「嗰個女仔靚到丼一聲！」

日文用法

丼字喺日文都幾常見，其發音略音係どん（羅馬字：don），源於其全音どんぶり（羅馬字：domburi），本來係指用來裝飯嘅大碗；而家多數係講大大碗嘅飯，飯面舖咗餸菜，可以叫做日式大碗飯。

因為香港某日式快餐店以牛丼做招牌貨，做得幾出名下，所以「丼」字近年多咗人識，不過啲人多數當佢係和製漢字，而唔知道呢個字喺中文來，更加唔知佢原來就係粵語口語一直保留落來嘅古漢語字。