六條宮

六條宮（日文：六条宮，ろくじょうのみや）係日本鐮倉幕府時代嘅一個宮家，由後鳥羽天皇三仔雅成親王響1212年創立，共歷2代。啲人普遍認為六條宮係日本史上最早出現嘅宮家，但係近年開始有好多人否認呢個觀點。

歷史

後鳥羽天皇三仔、順德天皇親細佬雅成親王響1200年出世，之後過繼畀宣陽門院覲子內親王，從此就住響六條殿，而雅成響五歲嗰時就親王宣下。1212年，雅成親王創立宮家六條宮，個名正正就係嚟自六條殿。響1221年發生承久之亂，雅成親王一度畀人流放去但馬國，不過後嚟又返翻嚟首都，搬返去六條殿住。

後嚟雅成親王響1226年出家，死後由大仔澄覺法親王繼承當主一位，呢個「老豆傳仔」嘅情況響當時係好少見，所以呢個情況有人判斷，依家啲宮家之所以係咁係受六條宮影響。1289年，澄覺法親王死咗，六條宮絕家。雖然有啲人認為六條宮係日本史上最早出現嘅宮家，但係近年開始有好多人提出相反意見，因為澄覺法親王生前並冇話過自己係「六條宮當主」，所以啲人懷疑六條宮係咪淨係雅成親王嘅宮號，而並冇傳畀澄覺法親王。