各地監管鹹濕嘢嘅情況

全球各國對於鹹濕嘅定義：

  合法行為

  部分合法。但有法律講明邊個時段、年紀或場所可以做，亦有部分地方明文規定唔畀做。

  違法行為

  未知

鹹濕嘢喺全球各地都有唔同嘅監管，有啲國家管理得比較嚴，亦有啲國家管理得比較鬆。不過有專門場所開設允許做鹹濕行為嘅國家，多數限制喺18周歲及以上。

各國監管情況

中國

鹹濕喺中國大陸屬違法行為。喺中華人民共和國刑法第363、364條1、4款、366條有規定，發佈嘅作品範圍一出現有性部位，要判3年以下監禁或拘役、管制；情節嚴重嘅要判3～10年監禁；太嚴重嘅要判10年以上甚至終身監禁。

喺中國大陸入面，一出嚫鹹濕嘢會引起相關話題或大範圍討論，甚至有人見到鹹濕鏡頭會避得就避。所以任何搜索引擎同論壇，一搜到同性部位有關嘅嘢，連影都冇隻。即使係劇集、電影同直播間、卡通片出現呢類鏡頭都會被剷走或禁播；新聞或時政節目出現呢類鏡頭都會被馬賽克或噴霧處理。重有大眾更衣室（例如泳場嘅男女更衣室）入面，好多時明文規定唔畀影相或拍短片。

但對於出現性部位嘅監管行為，一般唔會干涉到雕塑同石刻、模具、木頭公仔嘅範疇。雖然中國大陸當地允許着裝清涼，但即使着得再清涼，男仔都至少有着條底褲或三角游水褲，女仔至少要着底褲同胸罩或一件頭或比堅尼先至得。喺泳場同公眾海灘，都絕對唔畀以冇着衫褲方式去游水或曬太陽。

至於中國大陸對於人同成人公仔之間出現嘅性部位行為，暫時冇相關法律處理。

中國大陸亦有規定戶籍人士入境時，唔畀帶鹹濕嘢入境，入境時若果查到有攜帶鹹濕嘢入境嘅，會第一時間被驅逐出境。

 香港

喺香港，凡係18歲以下啲人或着校服啲學生販賣或畀相關嘅鹹濕嘢，都屬違法行為。雖然電影院都有播鹹片，但都被列為Ⅲ級片；電視節目播出內容都會以「M 成年觀眾」嘅字樣表示。

澳門

鹹濕喺澳門屬違法行為。根據《刑法典》第170-A條第一款（c）項嘅規定，唔理係乜理由都好，凡係進出口或生產或販賣或散播或傳送（包括自己拎到）涉未成年人同鹹濕有關嘅相或短片屬嚴重犯罪，一旦叉住，最高會判5年監禁；若果以涉未成年人同鹹濕有關嘅嘢做生活方式或意圖嚟營利，根據《刑法典》第170-A條第一款（a）項嘅規定，最高會判8年監禁。若果喺朋友之間傳送涉成年人同鹹濕有關嘅相或短片，唔理乜名義或方式都好，按《刑法典》第170-A條第二款嘅規定，最高會判3年監禁；若果以涉成年人同鹹濕有關嘅嘢做生活方式或意圖嚟營利，按《刑法典》第170-A條第三款（b）項嘅規定，最高會判5年監禁。

臺灣

喺臺灣，有明文規定凡係公開場合或流動人員比較大嘅場所範圍唔畀發佈任何同性器官有關嘅嘢。但係當地電視有分成四個級，其中帶有同性器官有關嘅節目都會以紅底帶白字嘅「限」字級表示，但對於綠底帶白字嘅「普」字級出現鹹濕鏡頭時都會有噴霧或馬賽克或警告字樣。所以當地授權書店入面連鹹碟同鹹書都唔見隻，但喺規模比較細或隱蔽地方都可以搵到鹹碟或鹹書。尤其係賣淫屬違法行為。

雖然臺灣嘅網上購物同實體舖都賣過成人商品，但有規定必須要夠18周歲先至買得。凡係喺實體舖買成人產品時，必須要出臺灣嘅身份證先至得。

 北韓

鹹濕喺北韓屬違法行為。北韓有法律規定，凡係進口同整、販賣鹹濕作品，情節輕嘅要判2年以下監禁；情節嚴重嘅要判2～5年監禁。甚至對個人保存或販賣、散賣鹹濕作品嘅行為判5～10年監禁。雖然北韓有批准制定相關法律針對細路嘅監管行為，但對於細路做出嘅鹹濕嘢凈出工唔出力。

韓國

鹹濕喺南韓屬違法行為。凡係雜誌同書籍、相、電影、劇集、網站等其它材料出次鹹濕嘢，要接受罰錢或判2年監禁。從2009年開始，任何鹹濕網站喺南韓境內都入唔到。不過當地嘅電視節目，衹要涉及性行為同性文化、性展覽有關嘅嘢，都會喺屏幕右上角掛出帶黃圈嘅「19」數字表示。

日本

鹹濕喺日本屬部分合法行為。喺日本當地，雖然有法律話唔畀當街扯客賣淫，但凈可以去專門營業場所去賣淫。佢當地啲鹹片業比較發達，雖然有法律規定發佈唔畀發佈任何同性部位有關嘅相同埋視頻，但對於日本以外拍或非公開途徑先至有冇馬賽克啲片，完全屬冇王管。所以喺日本當地出版啲鹹片，都會喺性部位打嗮馬賽克。呢種現象即使係動畫都有，但未成年人做演員拍鹹片屬違法行為。至於涉及未成年人嘅鹹濕嘢，從2015年7月15號開始嘅法案，話個人都唔可以持有涉及兒童嘅鹹濕嘢。

日本當地啲電視台節目，鹹片多數放喺成人頻道兼喺後半夜時段先至播。

越南

鹹濕喺越南屬違法行為。當地人一睇到性部位行為啲嘢都會強行反對。因為越南相關法規有話明鹹濕會影響國家嘅正常發展道路。

泰國

鹹濕喺泰國當地，雖然唔理喺邊度生產、發佈同埋帶住鹹片嘢，萬一喺公眾場合販賣或播出，屬違法行為，但個人攞住鹹片嘢屬合法。雖然泰國政府一直打擊同性戀同性變態行為，但凈限網上發佈。喺當地電視，出現有性部位鏡頭都會有馬賽克或噴霧處理（即使凈着住泳裝或底褲都計埋、但全身游水裝除外）。

西亞地區

大多數西亞國家因為長期受到回教影響，所以有明文規定唔畀搞鹹濕嘢，甚至對西方地區着得清涼嘅著裝話成「侮辱伊斯蘭文明」，所以當地電視節目幾乎見到摟頭摟髻嘅畫面。尤其係伊朗，雖然有明文規定唔畀亂咁搞鹹濕嘢（喺網上發現有鹹濕網站鏈接嘅網頁都會被屏蔽），但佢當地政府對於清涼著裝非常之反感，好多時一刀切形式拒絕。即使係電視節目或電影出現清涼著裝鏡頭、同性戀啲嘢，都會被禁播或成日出現黑方塊、馬賽克或噴霧嘅情況。喺以色列，有規定明文話唔畀18歲以下啲人搞鹹濕嘢。

不過亦有例外，喺阿聯酋，尤其係杜拜地區，除開齋節期間外，其它時段對清涼嘅著裝唔會話有乜唔多妥，但出現凈著泳裝或全裸形式去商場買嘢，一樣都會俾差佬叉住；喺公眾海灘都唔畀以冇着衫褲方式去游水。喺沙迦當地，街頭當地唔畀出現女人露肚腩或背脊嘅上裝，即使係裙都一定要矮過菠蘿蓋，但酒店及私家泳池例外。喺約旦同黎巴嫩，雖然傳播鹹濕嘢屬違法行為（黎巴嫩國內整鹹濕嘢都屬違法），但對於網上啲鹹濕嘢基本上唔啋。

以色列

鹹濕嘢喺以色列屬合法行為，不過唔畀用妓院同扯旗嘅形式組織賣淫。2018年12月31號喺以色列議會通過法案，重喺2020年5月生效嘅賣淫法案而升級做刑事犯罪。雖然有當地法律喺度，但係街頭成日有賣鹹片嘅妓女服務，社會規範習慣分清賣淫同人口販賣行為。

 印度

喺印度地區，雖然個人擁有或收睇鹹濕嘢屬合法行為，但係出產、發佈同散佈鹹濕嘢屬違法行為。雖然家下網絡技術越嚟越發達，但大多數人對於鹹濕嘢嘅討論及態度完全粒聲唔出。當地法律甚至明文規定唔畀細蚊仔賣淫。根據《印度刑事法》，凡係睇一次細蚊仔賣淫行為，都會罰₹40同監禁5年。

 馬來西亞

喺馬來西亞，販賣或自身帶住鹹濕嘢屬違法行為。凡係自身帶住鹹濕嘢，將會被判處最高5年監禁同罰50,000馬拉紙。連網上發佈都唔例外。即使係安全套舖頭，賣帶性文化同性生活啲玩具、好多同性有關嘅產品都屬違法行為。

塔吉克

喺塔吉克，喺網吧入面上網搵鹹濕嘢屬違法行為。一旦俾人舉報或者捉到，會被罰款168.5～1126.5索莫尼紙兼被起訴。

加拿大

喺加拿大有相關法律規定：凡係整、賣、傳、擁有或睇同未成年人有關嘅鹹濕嘢（入境時，即使智能電話有呢啲嘢都唔得），一經查證，將會睇情節輕重而判處半年到14年嘅監禁；但除非有相關資料話明純粹用喺司法、科學、醫療、教育同藝術有關嘅合法領域範圍內用。

但係國內睇鹹濕嘢屬合法行為，好多鹹濕嘢多數喺成人市場同成人商城入面販賣，有唔少城市成日將鹹濕嘢喺晚黑時分擺出街賣到成街成市。喺電視媒體，有時會播出鹹濕嘢，但凈限制喺18歲以上啲人睇同做呢項行為。

加拿大亦有規定戶籍人士入境時，唔畀帶同未成年人有關啲鹹濕嘢入境，入境時若果查到有攜帶同未成年人有關啲鹹濕嘢入境兼冇任何正當理由一定要用佢嘅，會第一時間被驅逐出境。

 白俄羅斯

喺白俄羅斯，凡係販賣或發佈，傳播鹹濕嘢屬違法行為，最高可以判處4年刑事監禁。

圭亞那

鹹濕喺圭亞那屬違法行為。圭亞那國內嘅刑法有規定：凡係整、發佈、販賣、進口鹹書、鹹碟、鹹片，及網上睇過同鹹濕有關嘅嘢，會接受一系列嘅處罰，最高會接受45,000圭亞那紙罰錢或最高2年刑事監禁。

意大利

鹹濕喺意大利嘅法律定義都有拗數。雖然意大利刑事法第528、529同725條都有明文規定唔畀以任何形式嘅發佈同傳播鹹濕嘢，但國內好多地方對於發佈同傳播鹹濕嘢嘅管制行為嘅執行性，幾乎隻眼開隻眼閉。不過國內有明文規定唔畀任何18周歲以下啲人做鹹濕嘢，即使過咗當地最低要求14～16周歲嘅成年年紀都唔得。

雖然當地嘅電視有鹹濕頻道，但大多數屬收費頻道，而且喺當地時間23:00～07:00時段（UTC+1）播出。

芬蘭

喺芬蘭，雖然賣鹹濕嘢屬合法行為，但涉及鹹濕嘢嘅雜誌方面，部分鹹濕嘢凈限賣畀唔少於15周歲人；而涉及全裸嘅鹹濕嘢，凈限賣畀唔少於18周歲人。國內重有法案話凡係涉及細路、暴力同野蠻方式嘅鹹片或鹹書（唔理係發佈定進出口）都屬違法行為。

巴西

喺巴西，雖然鹹濕嘢屬合法行為，但凈限制喺18周歲及以上啲人搞，而且賣出去公眾地方啲鹹濕嘢唔畀有野蠻同暴力嘢。雖然當地描述任何動物嘅性部位都屬合法行為，但對於描述性器官行為啲作品，都唔畀賣到公眾地方兼限制賣畀至少18周歲啲人。

阿根廷

喺阿根廷，鹹濕嘢屬合法行為。喺當地街頭見到鹹濕嘢賣到成街成市，尤其喺網上，好多時揀鹹濕嘢做精品。但係當地啲男人喺拍鹹片時，都要帶安全套。

烏克蘭

喺烏克蘭，凡係賣、出產、轉運、播出（唔理係聲音定錄像）、進出口、及演出同鹹濕嘢有關嘅內容，都會被判罰好多錢同最高3年嘅監禁，但醫學用途除外。

美國

喺美國，雖然鹹濕嘢喺聯邦議員範圍內屬違法行為，但普通百姓睇鹹濕嘢屬合法行為。喺聯邦議員當中有分三項標準：

1. 唔理佢每個人接受指定地區嘅集體標準情況下，衹要做咗同行為藝術有關嘅嘢都會俾人睇成鹹濕行為。
2. 唔理份行為藝術係敘述定親自畫出嚟，衹要涉及明顯冒犯性或成人用具產品系列，喺指定州都有唔同嘅處罰標準。
3. 唔理份行為藝術係點都好，都至少要符合文學、藝術、政治及科學呢四樣是旦至少一種，唔係嘅話會俾人睇成鹹濕行為。雖然有部分州喺指定法律監管下允許做呢啲行為，但唔可以超出呢個法律嘅範疇就得。

喺美國民眾，有好多同鹹濕有關嘅經濟業發展到成行成市。尤其每到舉辦裸騎運動時，周街出現人剝光豬踹單車係家常便飯嘅事。尤其啲鹹濕，喺當地有線電視同酒店嘅室內電影都會搵到同播出有關鹹片嘢。但係有部分州限制做鹹濕嘢嘅演員至少要夠18歲先至得。

但美國當地涉及向全球對外嘅公開網站當中，除咗鹹網之外，其他網站都有明文規定唔畀發佈同鹹濕有關嘅嘢。

土耳其

喺土耳其，雖然整鹹濕嘢屬合法行為，但唔畀整同細路有關嘅鹹濕嘢。喺《土耳其刑事法》有規定，凡係整咗同性暴力行為、動物、死咗嘅人、唔尋常嘅性行為四樣是旦一樣有關嘅音像製品或描寫作品，衹要一搞進口、販賣或托運、傳送嘅話都屬違法行為，一叉住嘅會被判1～4年刑事監禁。重有一旦發佈同播出涉及淫蕩嘢嘅相、音像製品、唔理係有冇中間人涉及呢項行為嘅，一叉住嘅會被判半年到三年嘅刑事監禁。當地販賣鹹濕嘢嘅人至少要年滿16周歲，重要攞咗土耳其身份證先至得。

法國

鹹濕嘢喺法國屬合法行為，但係涉及太過鹹濕嘅嘢會有所限制，一般太過鹹濕嘅嘢唔會賣畀未夠18周歲啲人，但普通鹹濕嘢至少要夠16周歲先至睇得。當地有專放鹹片嘅電影院，但都被列入×級兼限制部分電影院播，入場時唔畀未成年人入去。

匈牙利

喺匈牙利，雖然國內睇鹹濕嘢屬合法行為，但凡係賣嚫或播鹹濕嘢畀未夠18周歲啲人都屬違法行為。喺公開場合將帶有性部位成分嘅內容整喺雜誌封面，當地差佬或執法機關基本上唔啋。

波茨華拿

鹹濕嘢同猥褻嘢喺波茨華拿屬違法行為。一旦進口或引入鹹濕嘢或猥褻嘢，最高都會被判4年監禁同罰錢。

 蘇丹

鹹濕嘢喺蘇丹屬違法行為。喺蘇丹境內，唔單止任一同鹹濕有關嘅網站都入唔到，相反對鹹濕嘢都有嚴格嘅法律管控。一旦出版或進口、販賣、傳播同鹹濕有關嘅嘢，都會依法被處以監禁、罰錢或體罰呢啲處罰行為。

拉脫維亞

喺拉脫維亞，由於國內法律好多時允許進口波蘭國內同鹹濕有關啲嘢，所以當地好多時見到鹹濕嘢周街有得賣。

澳洲

喺澳洲，當地法律規定同鹹濕有關啲嘢都係要有相關許可證明同批准先至有得搞，不過大多數州份都唔畀將鹹濕嘢用喺展覽同銷售用途，但喺北領地同澳洲首都地區係允許將鹹濕嘢用喺展覽同銷售用途。雖然澳洲聯邦憲法有規定唔畀將鹹濕嘢通過跨州份範疇搞商業用途，但係法律允許喺商場入面跨州份賣鹹濕嘢。

喺澳洲亦有規定戶籍人士入境時，唔畀帶同未成年人有關啲鹹濕嘢入境，入境時若果查到有攜帶同未成年人有關啲鹹濕嘢（包括電子產品在內），會第一時間被驅逐出境兼處罰最高10年監禁或罰18萬澳洲紙。

 菲律賓

菲律賓當地亦有法案話唔畀生產或發佈帶性部位啲作品。不過當地法律對於鹹濕嘢都比較鬆，喺當地啲有線電視都有播鹹片。但係網上方面，ISP供應商從2017年1月開始，根據當地政府決議通過嘅反對細路出現鹹濕嘢法案，已經封殺咗好多鹹濕網站。

孟加拉國

鹹濕嘢喺孟加拉屬違法行為。喺孟加拉境內，唔單止任可同鹹濕有關嘅網站都入唔到，對鹹濕嘢亦都有嚴格嘅法律管控。一旦出版或進口、販賣、傳播同鹹濕有關嘅嘢，都會依法被處以最高10年監禁同罰৳500,000。

英國

鹹濕嘢喺英國屬部分合法行為。

俄羅斯

鹹濕嘢喺俄羅斯屬部分合法行為。

 印尼

鹹濕嘢喺印尼屬違法行為。

保加利亞

鹹濕嘢喺保加利亞屬違法行為。一旦出版或進口、販賣、傳播、出租同鹹濕有關嘅嘢，都會依法被處以最多1年監禁及罰1000～3000文保加利亞列弗。

伯利茲

鹹濕嘢喺伯利茲屬違法行為。喺伯利茲境內，一旦提供或發佈同鹹濕有關嘅嘢，都會依法被處以2年監禁。

立陶宛

鹹濕嘢喺立陶宛屬違法行為。唔理係乜理由都好，一旦出版或進口、販賣、傳播、出租同鹹濕有關嘅嘢，都會按情節依法被處以社交服務或罰錢或限制自由或處以最高1年監禁懲罰。