愛蓮說
《愛蓮說》（粵拼：oi3 lin4 syut3）係北宋理學家周敦
作者
[編輯]内文：周敦頤
周敦頤（公元 1017 - 1073），字茂叔，係《愛蓮說》嘅作者。佢係北宋嘅著名哲學家，畀後世尊為宋明理學之祖，佢有多個弟子後嚟都成為咗出名嘅理學家。
粵音文言
[編輯]《愛蓮說》原文係用文言寫嘅。原文如下，當中少見或者「唔跟常見嗰個音讀」嘅漢字標咗粵拼讀音。
水陸草木之花，可愛者甚
蕃 ；晉陶淵明獨愛菊。自李唐來，世人甚愛牡丹。予獨愛蓮之出淤泥而不染，濯 清漣而不妖；中通外直，不蔓不枝；香遠益清，亭亭凈植，可遠觀而不可褻玩焉。
予謂：菊，花之隱逸者也；牡丹，花之富貴者也；蓮，花之君子者也。噫 ！菊之愛，陶後鮮 有聞；蓮之愛，同予者何人？牡丹之愛，宜乎眾矣！
粵文譯版
[編輯]水上陸上咁多種草木嘅花，得人鍾意嘅都幾多。晉朝嘅陶淵明淨係愛菊花。自從李氏唐朝起，世人就喜愛牡丹。我就唯獨鍾意蓮花由污泥生出嚟都唔受玷染，畀清水洗滌都唔顯得妖豔。（佢條梗）中間貫通外形挺直，唔牽牽連連亦唔枝枝節節，香氣傳播得遠又清新，筆直潔淨噉豎立喺水裡邊，（眾人）可以離遠觀賞但唔可以玩弄佢。
我就話：菊花，係花入邊嘅隱士；牡丹，係花入邊嘅富貴人家；蓮花，就係花入邊嘅君子。唉！愛菊花，喺陶淵明之後就好少可聽到；愛蓮花，有邊個同我一樣（有噉嘅情懷）？愛牡丹，當然就係最大眾！
|
