插圖

一本《白雪公主》故仔書嘅插圖；依幅插圖描繪王子望住玻璃棺材裏面嘅白雪公主。

呢幅插圖描繪嘅，係著名仙子故事《著長靴嘅貓》。

一本 19 世紀嘅書入面有幅插圖，描繪幾種昆蟲係咩樣－動物嘅樣就噉用文字好難表達，用插圖就清楚好多。

插圖（粵拼：caap3 tou4），又叫插畫waa2，係一種圖畫，重點特徵係用嚟將文字性質嘅內容表達出嚟，當中「文字性質嘅內容」可能係各種嘅書、報紙或者雜誌呀噉。

專職畫插圖嘅人，就係所謂嘅插畫家。

基礎

睇埋：畫畫

插圖唔似得純藝術嘅畫噉，係齋為咗創作而畫嘅：畫畫人畫插圖嗰陣，要諗吓點樣 taa1 get4 特定嘅市場同對象，例如想像有幅插圖係要加落講生物學知識嘅書嗰度嘅（市場同對象），用嚟幫手講解某隻動物嘅身體結構，噉幅圖通常就要以「畫得有咁清楚得咁清楚」為目標，好多時仲會由多個唔同角度畫隻動物（市場同對象影響目標）－呢點明顯有異於例如故仔書啲插圖。

插圖可以達到唔少嘅功能：

• 詮釋或者加強文本嘅內容。
• 對於文字性質嘅虛構故仔作品嚟講，插圖可以清晰噉表達故仔嘅場景同角色。睇埋展示，唔好齋噏嘅概念。
• 對於教書用嘅材料嚟講，插圖可以具體噉展示一啲抽象嘅概念，或者展示（例如）實驗嘅步驟圖解，有利於學習。

應用

• 故仔書
• 插圖小說

睇埋

• 立體投影
• 童話故事
• 文本到圖像生成模型

拎

• 維基同享中有關插圖嘅資源類