東伏見宮
東伏見宮（日文：ひがしふしみのみやHigashifushimi no miya）係日本舊時一個宮家，由伏見宮邦家親王細仔依仁親王響1903年創立，不過呢個宮號曾經畀小松宮彰仁親王用過。1947年響駐日盟軍總司令指示下，東伏見宮最後一任成員周子皇籍脫離，降做平民。東伏見宮實際上響1922年已經絕家，後嚟畀東伏見伯爵家取代。
歷史
[編輯]東伏見宮本身係彰仁親王起嘅宮家，但係響1881年天皇為咗紀念彰仁對明治維新嘅貢獻，於是改為另起宮家小松宮畀佢。而響1886年，彰仁親王養仔依仁親王親王宣下，正式繼承東伏見宮。
後嚟，皇室決定要撤消依仁親王嘅皇族身份，將佢降為華族，但係依仁親王響皇籍脫離前幾個月瓜咗，佢又冇仔女，所以皇室決定唔取消依仁親王個老婆周子嘅皇族身份，將東伏見宮當主一位取消，但就保留東伏見宮嘅皇族銜頭。依仁生前認咗久邇宮邦彥王細仔邦英王做契仔，後嚟由周子親手養大佢。
1931年，邦英王皇籍脫離做華族，改起東伏見伯爵家，正式取代東伏見宮。
1947年響駐日盟軍總司令指示下，東伏見宮最後一任成員周子皇籍脫離，降做平民。1955年，周子過身，東伏見宮正式絕家。
歷任當主
[編輯]- 先祖：東伏見宮嘉彰親王（即小松宮彰仁親王）
- 第一代（同時係末代）：東伏見宮依仁親王
