機舖
機舖（粵拼：gei1 po3*2）（講衰啲就機竇[1]（gei1 dau6*3））係畀人入錢打機嘅舖頭，係商業模式經營嘅遊戲機中心，屬於娛樂場所。機鋪通常放咗唔同種類、幾十到成百部、坐地嘅電子遊戲機，只要入錢落部機度就可以打一鋪，輸咗可以再入錢繼續打。機舖嘅人客一般係後生仔，後生女。不過有啲成人機鋪係細路仔唔准入嘅，入面啲機有鹹濕公仔同埋麻將，玩嘅係成人遊戲。
機鋪嗰種機統稱做街機，已經有幾十年歷史。由哈哈笑食鬼開始到三維立體。
遊戲機中心
[編輯]遊戲機中心未必係機鋪，例如香港小童群益會、私人住客會所都有遊戲機任打。
香港有啲唔正當嘅機舖，畀人（特別係熟客）用渠啲街機靠兑分仔間接賭錢，唔少開喺樓上。爾種賭檔，俗稱打魚場或者暗場[2]。
種類
[編輯]- 格鬥
- 賽車
- 射擊
- 運動
- 智力 / 娛樂
各地特色
[編輯] |
香港
[編輯]香港嘅機舖受《電子遊戲機中心》條例管制，經營遊戲機中心需要攞牌[3]。機舖分為成人場同兒童場，成人場唔准未夠十六歲或者着校服嘅人進入，而有部分機舖可以營業到凌晨兩點，有啲只會營業到夜晚十二點，而香港實施禁煙條例之後，往往都有控煙辦巡查機舖有冇人食煙。
睇埋
[編輯]參考
[編輯]- ↑ 〈「機竇」換新裝形象趨健康〉。ubeat.com.cuhk.edu.hk。喺2020-10-14搵到。
{{cite web}}: CS1 maint: url-status (link) - ↑ 王譯揚楊婉婷 (2019-05-18)。〈【O記冚賭】學生沉賭海 18歲兌分仔、15歲賭徒 O記掃場拘135人〉。《香港01》 (香港中文)。喺2020-10-14搵到。
- ↑ 民政事務總署牌照事務處-申請遊戲機中心牌照指南